ساعدوني 3
 

السلام عليكم
ممكن تجدوا ليا حل لمشكلتي
انا متجوزة من سنتين جوزي كان كويس معايا وكان بيحترمني جدا والدته توفت من سنة ونص ومن ساعتها هو متغير مع الناس ومعايا يس المشكلة مش هنا المشكلة انه بيقولي انتي شكلك عامل كده ليه وطبيعي كنت حامل يعني لازم يحصلي تغيرات فظيعة بعد الولادة كان طبيعي شوية لمدة 3 شهور وبعدها كلامه أصبح جارح بيقولي بطنك كبرت قوي وشكلك مقرف والبنات اللي بره اللي بشوفهم في الشارع أحلى منك في الجسم كنت ببكي كتير وبعدين يقولي انا بضحك معاكي وانتي طيبة واهم حاجة القلب الطيب والبنت الكويسة اللي تصون جوزها ومتعملش مشاكل اما البنت اللي في الشارع ممكن تكون حلوة بس لو اتجوزت ممكن تعمل مشاكل مع جوزها وأهله ومش مهم الشكل المهم الطباع بس بعد كده رجع يقولي الكلام ده تاني ويقولي انتي عاوزة تظبيطات والبنات اللي بره حلوين قوي وكلام جارح هو بيخرج كل يوم مع أصحابه من المغرب او العصر ميرجعش البيت الا الساعة 2 بالليل وكل يوم الصبح يسمعني كلام ملوش لازمة والعصر وكل وقت هو موجود في البيت ودايما مش عاوزني في البيت بيقولي روحي عند أهلك خليني ارتاح منك انتي وبنتك يومين وعادي لو قعدت عند أهلي شهر مش فارقة معاه بيجي يتغدى عند اهلي ويمشي هو مش بيشتغل يعني ماسك لوالده شغل تجارة اراضي بس عايشين شبه مرتاحين هو مكنش كده الأول بس اتغير وكلامه بقى جارح ومعندوش إحساس خالص يقول أي حاجة ويزعلني ولا كأنه عمل حاجة انا بطلت البس او اهتم بنفسي وكرهت العيشة معاه وأوقات بقول يارب يخرج ميرجعش تاني هو قلبه طيب بس مش عارفه في ايه ؟
ياريت تفيدوني عشات أنا بنام كل يوم ببكي وحاسة اني من كتر البكى هيجيلي أزمة قلبية حاسة اني قلبي هيوقف ومش بقدر أتنفس ومخنوقة ومش قادرة أحكي لحد او افضفض معاه