|
يا أم شجاع ...وتكفون يالاعضاء والله اني تعبت من الهم ..طمنوني
السلام عليكم
والله ني متفشلة وانا اكتب احس اني طولتها بكثرة الاسئلة لكن ابسالك يا ام شجاع عن قرب الاغماء كيف احساسك فيه لانه اتعبني الايام يجيني وانا جالسه وانا منسدحه لازم اتحرك علشان اتروح هالحالة لاني احس لو ماتحركت بيغمى علي واحس بنغزات ووخز بجميييع جسمي تكفييين طمنيني لاني تعبت من الاعراض المزعجه |
زوري طبيب واقترح عليه يعطيك الدوغماتيل بجرعة عالية
أنا كنت سابقا جدا تعبان وفادني هذا الدواء كثير مع الجرعة 600 باليوم |
هل كنت تعاني من نفس الاعراض ياخوي
|
ياحياتي ام رموسه ... والله كانت تجيني هالحاله وتخوف مررررة ويجيني معها ثقل بجسمي اعجز اتحرك.. شي عجيب
بس الحمد لله راحت مع العلاج انصحك راجعي دكتور وابدأي بالعلاج ... الحياة نعيشها مرة بس .. والي يقول اﻻدويه النفسية دمار ... اقوله هل الوضع الي عايشينه اهون من العلاج؟؟؟ ..ﻻ والله مو اهون كاننا شبه أموات مو حاسين بالحياة ..والدواء النفسي والله نعمه اشكر ربي عليها |
كنت تعبان جدا نفسيا بشكل فظيع فستخدمة الدوغماتيل بجرعة عالية 600
فحسيت إن الدوغماتيل بهذه الجرعة يبعد المشاعر السلبية أنصحك فيه اسمع قرآن بعد |
اي ام رموسه احس بيغمى علي واحاول اتحرك او اتصل ع احد عشان يروح واذا كنت بالمستشفى مداومه امسك لك ممرات المستشفى وهاتك يامشي هههههههه بخبال وبعدين اهجد ماعليك لاتخافين ماراح يغمى عليك مهما حسيتي وهذا الشي انا متأكده منه
|
انا بسألك ام رموسه هذي الاشياء وربي تافهه انا مرت علي اشياء ماقدر اوصفها انا كذب موب حقيقة..
غير مقتنع بالحياة انجلط اذا شفت وجهي بالمرايه اممممموت من التفكير والخيالات والوسواس القهري دمرني.. اشوف الناس اقول كيف عايشين وكيف يجي النهار والليل ..وكيف خلقنا وكيف وكيف وكيف هذي بمثابة اسوأ من الموت.. كيف امشي كيف اروح كيف اجي وانا بمكان احس اني بمكان ثاني وكيف اتحرك.. عذااااب مادري مر عليك كذا ولالا؟ بالأخير جلست مع نفسي قلت الأن لي 3 شهور كذا ابعيش حياتي كلها كذا ..مع الأسئلة هذي يجيني الوسواس بس مستمر.. لأني اصلا ماقتنعت بنفسي ولا ادري من هو انا واجهل اهلي واقاربي.. جتني الفكرة الجادة ابدأ.. بديت اول خطوووة تططططططنيش وربي حل خورافي بس مو تطنيش والفكرة براسك.. ثاني ابتسم غصب.. اغير مكاني لو تجيني الفكرة لو يجيني عارض صحي تحركت وسويت رياضه… كذا بتشد معك بس مصيرها الزوال.. وانا حاليا الحمدلله ادرس بنيوزلندا وعمري18ولحالي بعد هناك لو كنت مكاني لحالك بحالتك ذي ما اتوقع ترتاحين!! . . قداامك العافيه |
|
انصحك ام رموسه تراجعي طبيب نفسي لان اعراضك نفسيه بحته
وماتشوفين اي شر |
مشكوورين ماقصرتم
والله يرفع عنا هذا البلا |
بالنسبة لحالتك انصحك اولاً بعمل الإجراءات التالية
الذهاب للطبيب الباطني وفحص شامل وانا متأكد بأنك بخير بأذن الله ولكني اريدك ان تطمئني على نفسك بعد هذة الفحوصات ياختي |
ألف سلامه عليكي.
كلنا مرينا بهدي الحاله وما زالت موجوده ، بس ما أعرف ايش علاجها الله يخفف عننا وعنك يأرب ويريح قلوبنا |
ألف لا باس عليك اختي
|
| الساعة الآن 04:46 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا