تعبت اللهم لا اعتراض
 

اهدأ اهدأ… .انا كنت اسوء من حالك كثير كنت ماحس بنفسي كأني خيال واللحظة كأني عايشها قبل..
اموووت اكثر من مره باليوم بس اني قلت بنفسي لاتبلغ المجد المجد حتى تلعق الصبرا واسوأ منك افكار..
لدرجة اشكك بالألوهيه والحياة وخووف يقطع القلب بس هذا انتهى لما اقنعت نفسي ان العلاج بيدي..

اهلا

تعبببببت ما قدرت اسيطر ع افكاري والله تعبت كل يوم اقول هذا وهم كل يوم اقول هذا وسواس يلعب علي ولكن التفكير يغيرني للاسواء

سلامتك أخي رائد ... والله كأنك تتكلم عني دوخه وعدم اتزان جنني لدرجة تركت شغلي ولكن الحمد لله على كل حال

اﻻن بعد الدواء صرت انسانه ثانيه احمد ربي واشكرة مليون مرة وين كنت ووش صرت ... صرت طيبه اروح واطلع ونفسيتي تحسنت

ياخوي راجع طبيب وريح مخك ...ومع العلاج ارقي نفسك

قدامك العافية

اذا حضرتك جاك التوتر وتعبت منه بالعمل..... أوكي أنا معاك
أجل إسمع قصتي:
أنا أشغل منصب في احد الهيئات الحكوميه...وفي إحدى المرات وانا أترأس اجتماع منأهم الاجتماعات على مستوى الهيئه كنت أحس برجفه وغصه وإن روحي بتطلع ...وفعلا أحس بسحبة روحي مني وتغير لوني وشحب والكل لاحظ علي ذلك
وتعللت بأن صار فيني هبوط بالضغط.... وثاني يوم وانا أمشي باتجاه الدخول للدوام جتني صعقه بمنتصف راسي الأيسر وصدري وفقدت اتزاني للحظات....والله مادري شلون وصلت للمكتب .... وزاد فيني التوتر وجتني حالة إغماء ..ومن هنا بدأت رحلة المعاناه حتى سيارتي صرت اخاف اركبها وامشي فيها مسافات بعيده ...أهلي ودوني للمشايخ وقرو علي وغسلوني بماي مقري ....بنفس الوقت رحت لدكتور أمراض نفسيه وشرحلي عن وضعي وإني مصابه بنوبات هلع وانا ما كنت أعرف هالشي.... والحين انا مستمره على كل ما عطاني اياه الشيخ الله يجزاه خير .... بنفس الوقت مستمره على علاجي وجلساتي مع الدكتور والحمدلله ارتحت كثييير ، التوازن رجع والنفسيه أحسن وماكو رجفه ولا غصه ولا أي شي ...

ياخوي جرب تروح للدكتور وجرب العلاج شهر وشوف نفسك بعد هالمده ...اذا حسيت بتحسن كمل واذا ما حسيت لك حرية الاختيار اقطع العلاج لأنك منت مجبور تاخذه ..... واللي يقولون لك ان الادويه لها آثار وإنها ادويه فاشله انا احترم رايهم ولكن كل دواء بهالدنيا يصلح شي ويخرب شي ..... ولو راح نستمر على سماع هالمقوله محد راح يتعالج
أتمنى أسمع عنك أخبار طيبه .....تحياتي

اهلين

الحمدلله ع سلامتك
والله افكر اروح وبقوه

ممكن تقولين لي عالجتني عن. اي طبيب؟ او تخصص؟

اهلا فيك
الصراحه ما شالله عليك
قصتك متعبه وتجاوزك ل هالمرحله ممتازه جداً

ورب البيت افكر اروح اتعالج بس اللي محيرني باقي 10 ع سفرتي مدري اخاف فترة علاجي يتعارض مع سفرتي

الحمدلله ان عندك النيه
هذا اهم شي
روح للطبيب واشرح وضعك بالكامل وان شاء الله ما راح يقصر معاك

بس اسمحلي على السؤال
حضرتك من أي دوله؟

من السعودية
الرياض

اخي نصيحتي لك راجع طبيب نفسي وهو راح يشرحلك حالتك ويساعدك
على تخطي هذه الحاله وحالتك بسيطه بأذن الله

والنعم بأهل السعوديه
راح اخلي احد المشرفين يتواصل معك وهو من السعوديه أيضاً
دمت سالما

اهلين اخوي الله يعينك وصدقني ما تنلام ابدا . والعذاب اللي تعيشه ما يحس به الا انت . الله،يشفيك ويشفينا ... بس حاول تشيل،موضوع الدوام،من راسك ولا تحسس،نفسك انه السبب، الدوام مشكلتنا خليناه دايما السبب العمل هو رزقك هو لك و لعايلتك بعد، ليه ما نجعل الدوام شي حلو يعني نقضي وقت حلو به ونغير، جو .. انا جتني فتره حطيت السبب في تعبي هو عملي !!!! بس لما سافرت وجلست بعيد عن العمل لفتره رجعت لي نوبات الهلع والتفكير السلبي ... اذا العمل ماله علاقه بلعكس يمكن الفراغ يزيد المرض

انت بتحس بالموت مثلي
انا خلاااص رح جن

الموت والضيقه وتوتر والكتمه والخفقان والدوخه وووو