خفة الرأس ذبحتني ؟؟!!
 

الاخوة والاخوات اعضاء المنتدى الأكثر من رائع

السلام عليكم ورحمة الله وبركاته
انا منذ سنتين وانا أعاني من خفة بالرأس ازعجتني كثيرا لا بالعمل ولا بحياتي العادية احس اني غير متزن دائما بالعمل وبالمشيء وبالصلاة قالوا نقص فيتامين د واخذت كورسات علاج والحمدلله الحين الفيتامين بالنسب الطبيعية وخفة الراس لا زالت موجودة هل احد منكم مر بهالشيء علما اني عملت تحاليل وكل شيء سليم واشعة مقطعية للراس وسليم واخذت رنين مغناطيسي وايضا سليم اللهم لك الحمد

ولكن خفة الراس هذه عذبتني اتمنى اذا احد مر بهالشيء يفيدني جزاكم الله خيرا

وراكم محد رد وازيدكم من الشعر بيت عندي احيانا تعرق فجائي واحس جسمي يبرد ثواني ثم يرجع كل شيء سليم الا خفة الراس دائما مستمرة معاي ؟؟؟

انااا كمان اعاني منها طفشتني احيانا احس كأن في احد يدفني وانااا امشي ؟؟ اشرحلي احساسك بدقه بليز

خفة الراس
 

احس دائما كان راسي من داخل يهتز واذا انا واقف احس كأن جسمي كله يهتز وراسي غير ثابت علما اني اعاند احيانا واسوي تمارين رياضية ولا يصير فيني شيء لكن يبقى الراس كانه مو ثابت واحيانا يجيني تعرق مع زيادة خفة الراس ولا اقدر التفت بسرعه كان في ثقل بالالتفاف ولا ادري كيف ابين احساسي اكثر

انا مو فاهمه كيف خفه بالرأس بالعادة ثقل وهزه
بس جربت الحجامه؟

انا كمان اذا وقفت احس نفسي مثل المومياء ههههههه اهتزاز اوقف قدام المرايه اشوف نفسي ثابته مافي شي الاهتزاز داخل راسي احيااانا خفه واحياانا ثقل بس نااويه اسوي حجامه يقولون تحسن من الاحساس ذا

سويت العام الماضي بصراحة ارتحت كثير خصوصا بالنوم ولكن رجعت خفة الراس حتى الان وانا اكتب احس كأن شي براسي يتحرك

شاركونا بارائكم يا ايها المشاهدون الصامتون

كم مره سويت حجامه ؟؟ يقولون لازم ثلاث شهور كل شهر مره وحده ''''''انا وودي اسويها بس خاااايفه منها

سويت الحجامة مره واحدة وكنت بعد احس اني مو متوازن على سريرهم اللي حطوني عليه وقلت له بس اخلص علي بسرعه هههههههههههههه بس الحمدلله جاني نوم وراحة بالنوم ليست طبيعية احس ما اشبع نوم
بس كثرتها ما أدري والله اخاف فيها اضرار على الدم بالجسم .

يمكن عندك خلل بالشاكرات (مراكز الطاقة)

هههههههه وشي الشاكرات الله يجزاك خير

والله موضوع طويل بس هي 7 مراكز طاقة اساسية في الجسم اغلب الامراض بسببها , علاجها يبغاله شغل وتفرغ لان العلاج ماهو دوائي تحتاج تغيير في نظامك الغذائي مع ممارسة التأمل على طريقة الرهبان في شرق اسيا

معقوووله ياخوي ممكن تشرح لنا عن الشاكرات ذي .... احسها اسم حلا بصراحه

هههههههههههه حلوه اسم حلا بحثت عنها بقوقل يبغالها تمارين وشغلانه حنا يالله تستقر روسنا مو هالتمارين يبغالها يباني او فلبيني