|
حيرة و ضياع..بسبب الرهاب ، افيدوني💔
السلام عليكم ورحمة الله وبركاته
هل تعاني من الرهاب .. لست وحدك في ذلك .. اول شي أشكركم كثير على هالعباره اللي تطمن القلب وأحس أنكم فاهميني كثير انا بقول لكم قصتي من وانا صغيره لين كبرت ولا فهمت إِيش اللي فيني هل هو مرض او عين او عقده نفسيه او اضطراب او رهاب انا اذكر لما كنت في ثالث ابتدائي كنت جداً جريئة وكنت دائماً أوقف قدام البنات وأطلع في الإذاعات وكانوا يسموني المعلمه الصغيرة ! وكنت اكثر وحده محبوبه عند المعلمات ! المهم الى ان انتقلنا الى بيت جديد واضطريت اترك مدرستي القديمة وانتقل لمدرسه جديده كنت وقتها بالصف الرابع ابتدائي .. وبدت المعاناه اذكر اللي صار لي يومها بالتفصيل كأنه صار أمس !! يوم كنت ابكي بالفسحه وبالفصل اجلس لوحدي ويلعبون البنات وانا ما العب !! مين يصدق ؟ الشخصيه الواثقه المحبوبة فجاه انقلب العكس! من يومها صرت هااديه مع اني ماكنت كذا والى الان وانا شخصيتي مهزوزه وماعندي ثقه بنفسي دايم اقول ياليتنا ما نقلنا وياليتني استمريت بنفس المدرسه المهم انا الان بالصف الثاني ثانوي كنت اعرف 3 صديقات فقط اللي معاي وما أكلم غيرهم ولا اختلط الا فيهم المهم دخلت انا ادبي وهالثلاث صديقات دخلوا علمي ! وقتها رجعت لي نفس الحاله القديمة ؟ ضيقه بالفصل وأحس ببكي وكل شوي اروح اجلس بدورات المياه عشان يمر الوقت بسرعه وارجع البيت تحملت وكل شوي اقول يلا بيعدي وبتعود مع الأيام ؟ لين خلاااااص طفح الكيل قولوني صار يعورني وكل يوم من مستشفى لمستشفى المهم قلت لأامي اني ما ارتحت مع البنات قالت خلاص ننقلك لمدرسه خاصه ووافقت يوم نقلت لملمدرسه الخاصة تفاجأت ان مافيه غيري انا وطالبه وحده؟؟ يعني المدرسه عدد طالباتها قليل المهم ضقت مره وقلت لامي خلاص ماعاد ابي ادرس افصلوني وكنت ابكي وامي مصدومه مني وماتدري وش تسوي المهم راحت امي المدرسه وشرحت للمديره الوضع وقالت امي ان بنتي ماتقدر تداوم وبتصير تغيب وبس تختبر وتطلع ووافقت المديره وفعلاً صرت دائماً غايبه انا الان ما ادري هل هذي الخطوه اللي سويتها تضر فيني ولا لا ؟؟ انا غلطت ولا لا؟ وش كان المفروض أسوي ؟؟ والحين اجلس طول هالسنتين بدون دراسه؟؟ جاني اكتئاب جداً شديد وصرت اتذكر دايم مواقف الطفوله اللي صارت لي يوم نقلت اللي فيني هل هو رهاب ولا خجل ولا إِيش ووش تنصحوني أسوي الله يسعدكم ويفرج همكم😢؟؟؟؟ |
مرحباً بك معنا والله اختى حكايتك شبيها لحكايتى الا انى بدأت معى التساولات فى المرحلة الاعدادية وكانى مولود اول مره ما احب قوله لكى اننا جميعاً كنا هكذا لا تخافى سوف تتمكنى من ما يضيقك وستتعلمى كيفية التعامل معه باذن الله ولكنك لم توضحى الاعارض التى تعانيها باذن الله سيفيدك اكثر منى خبرة من الاخوة الاحباب هنا لا عليكى تفائلى ازمة وستمر |
وعليكم السلام والرحمه
نصيحه اختي اطلعي من هالحاله بي طريقه لا تجلسين بدون لا تشغلين وقت فراغج لانه بتجيك الامراض من كل اتجاه لاني مريت بنفس التجربه تقريبا لما خلصت تاسع ونقلنا لبيت جديد وصارت لي مشاكل بصف العاشر وقعدت في البيت بعدها جاني المرض والحاله اللي انا فيها وتكاثرت الوساوس والامراض نصيييحه من كلي قلبي اختي الفاضله انقذي نفسج بنفسج قبل لا تمرضين وبعدها تتحسفين قد شعر راسج ادخلي نادي دورات..إلخ..او كملي دراسه المهم تقزرين وقتج بي طريقه |
اقتباس:
|
اقتباس:
طيب لما صارت لك الحاله كيف رجعت لوضعك الطبيعي؟؟ رجعت تداوم ولا للحين ؟ |
يمكن محسوده !!
|
اقتباس:
رحت عن شيخين والحين استخدم زيت وماء لكن مافيه اي شي غريب او تحسن ملحوظ |
عليكى ان تتحدى هذا المرض فى التعامل معه انا ما عندى مشكلة ان اعيش طيلة حياتى هكذا كل ما يحدث هو فى عقلك الباطن كل ما حدث فى الماضى من مشاكل اختذنت فيه والعقل الواعى يرددها وكل هذا شئ طبيعى من المهم ان تعلمى ان الواقع شئ اخر غير ما يحدث فى عقلك اذهبى لدكتور نفسانى اختى هذا مهم واحكى كل مابك سيصف لك دواء باذن الله ومن المهم ايضا الا تعتمدى كل الاعتماد على الدواء راجعى المواضيع المثبتة هنا ستفيدك باذن الله |
طيب ليش ماتروحين لطبيب نفسي
|
المشكلة ليست في المدرسة التي انتقلتي اليها المشكلة فيك انت هناك خلل اصابك سبب لك هذه الاعراض التي تشعرين فيها والعلاج ان شاء الله بسيط بعد معرفة هذا الخلل |
اقتباس:
طيب خلل كيف يعني مافهمت ، وكيف اعرف وش هالخلل لان دراستي توقفت بسبب هالخوف 💔💔 |
اقتباس:
مشكلتك بسيطة ان شاء الله بعض الناس اذا صار معاهم اي تغيير او ضغط نفسي خاصة في سن مبكر مثل تغيير مدرسة او ضغط امتحانات او غيرها تفرز اجسامهم مادة معينة تمنع وتعيق امتصاص بعض العناصر الغذائية الهامة مثل الزنك وفيتامين ب 6 وهذا يسبب لهم اضطراب نفسي يتمثل في الانعزال والقلق والرهاب ومشاكل في القولون ومع الاسف لايوجد فحص هنا يكشف هذه المادة ولا فهم لمثل هذه الحالات وهذا واحد فقط من الاحتمالات |
ماجاوبتي على سؤالي ليش ماترجعين طبيب نفسي ؟
|
اقتباس:
ايوه بالضبط ضغط نفسي سبب لي هذا .. وجاني القولون 💔💔 ياليت فيه علاج لكل هالأشياء ونرتاح 😭😭 |
اقتباس:
راجعت طبيب نفسي وأعطاني دواء اسمه سيبالكس |
| الساعة الآن 11:57 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا