تعب..
 

السلام عليكم و رحمة الله و بركاته

وسواس الوضوء اتعبني وايد والله
صرت احس يوم يي وقت الصلاه اكون خايفه و افكر كيف بتوضأ و كيف بصلي
كل ما طلعت من الحمام - عزكم الله - أتوضأ و ادري اني توضيت لكن ييني احساس اني لم اتوضأ
و احس اني يالسه اكذب على نفسي و متعمده
مع اني اقول كيف بصلي و انا مب متوضيه اميد توضيت
بس عقب احس اني قاعده اكذب !!

الشيء مُتعب كثيراً ..
و اذا بصلي لازم اول شي اشل تيلفوني و افتح التسجيل
عقب اذهب و اتوضأ و ارد اي
و ساعات اصور وجهي لاني لابسه شيلة الصلاه
و اصور اتجاه القبله

نص التسجيلات في الهاتف عن الصلاه !!

الشيء مُتعب والله.

دايما اصلي كل صلاه و احس اني لم اصلي
لازم البس الشيله حتى بعد الصلاه عشان احس اني صليت

يوم اصلي الفجر اقول صليت 2 او 4
و اذا الظهر اقول 2
و اذا العصر اقول 2
و هكذا ..

مع اني متاكده اني صليت نفس ما يصلون الناس
بس دايما احس اني اكذب على نفسي :(

الاستمرار بالتطنيش وعدم الاعادة هوا العلاج

مع كثرة الاستغفار

هوا هذا الوسواس عمله يريد مننك تتثاقلي عن الصلاة حتى تتركيهاااا

الله يشافيك يارب ويشافيناا

مرحبا

شوفي اختي التجاهل وعدم الاعاده

هو العلاج

احس يمكن تحسين قلبج يحزج لين حسيتي اي ماقصرت في صلاتي وتحسين بتقصير
خليه الوسواس يحسسج بالتقصير اذا ماراح لين تتعودين وتتركينه

الله يكون في عونك يا اختي وسواس لازم تشوفين لك اخصائي عشان ما يتطور الوضع . تذكري بأن الله بك رحيم ورحمة ع عباده وكذلك حطي في بالك إنما الأعمال بالنيات يعني نيتك تجاه الصلاه صحيحه وهذا أهم شي

عودي للدروس السابقة التي دونتها لكِ وسوف تشعرين بالراحة بعد قراءتها.