عندي تقديم عرض ومن الحين اعيش في قلق :( احتاج علاج سريع
 

السلام عليكم
بدخل بالموضوع على طول انا ادرس جامعه وطلعت مره امام الطالبات اقرا بحث وجبت العيد ماقدرت اقرا

ومشت المستويات والحمدلله لاكن هالمستوى هو الطامه الكبرى
عندي تقديم عروض 4 مواد (اجباري)

من الحين اعيش القلق وهو باقي عليه شهر :( هم على قلبي

انا مشكلتي نبضات قلبي تزيد بقوه فينقطع نفسي وماقدر اقرا

فهل فية حبوب اكلها قبل العرض تنفع ؟؟
ابي حل سريع وموقت لان امكانياتي المادية ماتسمح
-اذكر قريت موضوع لواحد يستخدم حبوب قبل الاجتماعات لاكن ضيعته

****وبغيت اسالكم عن مركز مطمىنه للاستشارات المجانية <احد يفهمني وش السالفه

-نقطه حبيت اذكرها انا مريضة بالربو

اول شي انتي بنت و شي طبيعي ان البنت ترتبك وتخجل حتى من ظلها .
ثاني شي حتى لو خجلتي و ارتبكتي وجبتي ام العيد مااحد راح يضحك عليك ولا احد بيتكلم فيك ولا اخذ بيطق لك خبر ، لان اغلبية البنات هذي فطرتهم من ناحية الخجل الزائد والارتباك والخوف .
ثالث شي وانت ماشيه للمكان اللي راح تلقين فيه المحاضره خلي خطواتك ومشيتك فيها ثقه وهذا راح يعطيك ثقه كبيره بنفسك.
رابع شي تخيلي نفسك بشكل ايجابي وانتي تلقين المحاضره بكل ثقه و سهوله بدون اي ارتباك وخوف ، تخيلي هالشي وانتي لوحدك وفي مكان هادئ لمدة ربع ساعه اقل شي يوميا ، و الافكار السلبيه اقطعي التفكير فيها بشكل نهائي ، عشان عقلك الباطن يطرد الافكار السلبيه و يستبدل مكانها الافكار الايجابيه .
خامس شي صلي صلواتك في وقتها و صلي الوتر و ادعي ربك ان يسهل عليك ، لان كل ماكنتي مع الله كان الله معك ، و اقري سورة البقرة يوميا وما راح تاخذ منك وقت طويل و اقري معها ما تيسر لك من القرآن ، لان القرآن شفاء لكل الامراض بإذن الله .
سادس شي عدلي نظام نومك و نظام اكلك لكي تكونين بكامل صحتك ، وهذا يعطيك دافع معنوي من بعد الله لتعدي المصاعب .
سابع شي عليك بالدعاء هذا ( اللهم لا سهل الا ما جعلته سهلا ، و انت تجعل الحزن اذا شئت سهلا ) .
ثامن شي توكلي على الله و واجهي الموقف وخليه يصير اللي يصير ، راح ترتبكين المره الاولى والثانيه و الثالثه راح تتعودين و يروح منك الخوف تلقائيا .

تاسع شي اسال الله ان يسهل عليك و يوفقك و دعواتك لي بالشفاء .

ابعدي عن الادويه دامك سليمة و دامك ما تعانين إلا من الرهاب فقط .
لان البنات اغلبهم خوافات ويرتبكن و يخجلن بشده . فمااحد راح ينتقدك او بياخذ الموقف بشكل جدي اذا ارتبكتي .
اسمعي كلام اخوك و توكلي على الله و راح تدعين لي .

هذا قلق الي فيك وقلق مرضي بعد نفس الي فيني اشتكيت للدكتور ووصف لي حبوب اخذها عند اللزوم فقط عندي عرض عندي مقابلة او مناسبة اخذها وشالت كل ابو الرهاب والربكة وصرت عادية ومو مصدقة نفسي الرهاب تبخر تماما
فا انا اقول روحي لدكتور ورح يصرف لك علاج تاخذينه عند الضرورة فقططططط
ورح تكون امورك تمام وماخلق الله من داء الا خلق له دواء عرفه من عرفه وجهله من جهله الحبوب مشكلتها مع الاستخدام الخاطئ لكن لما تتبعين ارشادات الطبيب رح تكونين في السليم ان شالله وربي يوفقك وينجحك وتعملين عرض حلو ان شالله :)

شكرا لكم جميعا ماقصرتو

ممكن اسمها بعد اذنك بسوي بحث عنها

في حبوب اسمها اندرال قبل الموقف بس ما تصلح لمرضی الربو

بعد الاذن من الشباب اللي يقولو انتي بنت والخجل طبيعي... او يعطوا حلول سلوكية.... المشكلة ان الرهاب هو خجل غير طبيعي ... يعني ازود من الخجل العادي والمألوف ....
والخوف والخجل اذا ادى الى اعاقة استمرار امور الحياه فيصبح اسمه رهاااااااااااااااااااااااااب ....

وليس من العيب ان يعترف الانسان انه مصاب بهذا المرض الخبيث ...حتى يبحث عن حلول ...... والدليل انكي مصابة بالرهاب هو لجوءك وبحثك عن مركز طبي نفسي والبحث عن دواء .... ومتى اضطر الانسان الى اللجوء للدواء فهذا دليل انه مصاب بالمرض قطعا ....

خذي مهدئ ولكن يصرف بوصفة فقط ...مثل دواء اسمه العلمي ألبرازولام ...واسمه التجاري زاناكس ..... مع 40 مل اندرال ....والله من وراء القصد

بدون ماتراجعي احد روح للصيدلية وقولي ابي نيرفاكس 150 مل خوذي شريط قيمته بــ36 ريال قبل يوم او يومين خوذي حبه 150 مرتين باليوم

كيف الدواء

انا خذيت 300
😖 كني سكران