حراره فوق قلبي
 

السلام عليكم :(

اليوم جتني حراره فوق قلبي تجي وتروح لكن الحين راحت الحمدلله
احد قد جاه مثل هالالم ، خايف انه يكون مرض او شي

وابشركم وسواس الموت بدأ يخف عني :)

طمنوني بتعليقاتكم :'(

ألف مبرووووك يا غالي ، اخوي هل تحس ان الخفقان راح ؟ إذا راح الخفقان ولله الحمد فهذا القلب اكيد جالس يسترد انفاسه شوي كان مسكين يخفق بسرعة والحين جالس يهدي ويخفف من السرعة ،

ثانياً انا ادرس قلب وصدر لي سنة ونص ، ما فيه مرض يوصف بأنه حرارة ف مكان معين ، إلا بعد القلق شيء طبيعي وفسيولوجي شويات ويروح بس أنت لا تعطيه أكبر من حجمه ، هذا قلبك يبي يرتاح ،

وأخيراً : هل تقدر تحدد المكان بالضبط أو أنه كذا منتشر على مكان القلب ؟!

الحمدلله ع السلامه ي عيسئ ،

الخفقان خلاص معد جاني له فتره ، احس بالحراره فوق القلب :)

الله يسلمك ويبقيك حبيبي ،

حلو انا فاهم وهالشيء يجي بعد الخفقان حتى لو طال ، بس أنت تقدر تحدد المكان بالضبط أو تحس انه منتشر ع القلب كامل , واذا تقدر تحدده أبيك تسوي ي طويل العمر حركه تخليك تعرف مكانه بالضبط ، حط اصبعك ع عظمة القص ب الصدر ، الي تحت الحنجرة ( يا خي بالعربي ما عرفت اوصف المهم انها الي قدام الصدر الي تجمع الاضلاع ببعضها ) حس عليها باصبعك من فوق وانزل تحت شوي راح تلاقي بروز طالع كذا زي الحجرة الصغيرة ، لف ب اصبعك يسار راح تلاقي انك تحس ع المسافة بين العظم الاول والثاني .. وعد المسافات بعدها لين توصل لمكان الحرارة ، المهم المسافة الي بين العظم الاول والثاني هي اساسا المسافة الثانية ف أنت تبدأ برقم إثنين .. وانزل عد المسافات ( وليس العظم ) وعلمني كم الرقم ، ^_^

والله مافهمت وصلت عند الحجرة الصغيره والباقي مافهمته

الحراراه احس بها بجانب الثدي الايسر ..

حبيبي ، أنا رجعت أقرأ وما عرفت إش قلت أنا .. ههههههههههههههههههههههههههههههههههههه ..

المهم ي غالي الحمد لله م فيه الا العافية ،، اذا كان تحس بغثيان بعد الاكل أو شيء من هذا القبيل رح حلل عن الجرثومة اذا هي موجودة اذبحها :) ..

ومشكور ع القراءة

الحمدلله ، الله يسعدك ي اخوي طممنتني الله يوفقك :)

احس اني تعبتك معي ، اسفين ي عيسئ ESWVG

أخوي وتاج راسي إنت ، تحت أمرك ب أي وقت .. ESWVG

الله يشفيك إن شاء الله
كيف خف عندك وسواس الموت

امين يارب ، ايه خف الحمدلله وفي طريقه للزوال

بفضل الله ثم بفضل اخوي عيسى الله يسعده ،،

توفى جدي
وحالتي تدهوووورت بس ماصلحتها

بعد مصلحتها***

نبض القلب عندي يتروح من 80 الىء 63 ويوصل الىء 54 هل هذا طبيعي
مع اني اعاني من نوبات هلع وخوف ياليت تفيدوني

قريت انو نبض الانسان الطبيعي يتراوح من 60 الى 100
شوف اخوي عيسئ بيفيديك اكثر ويصحح معلومتي اذا هي خطأ .

اخوي ابو حمود ، السلام عليكم ورحمة الله وبركاته ،

كلام اخي برهوم عين الصواب ، نبضات القلب الطبيعية تختلف فيها الكتب فبعضها تقول من 60 الى 100 ، و بعضها 60 إلى 90 .. ولكن الاغلب يقول 60-100 .. ايضاً نبضات القلب ستزداد في وقت نوبة الهلع الى فوق ال100 و هذا شيء طبيعي ف الخوف يزيد من نبضات القلب ، نبضات قلبك سليمة خاصة اذا كنت تستخدم مسكنات او ادوية نفسية ، ويجب عليك اخي الكريم البحث عن سبب نوبات الهلع ، واعلم جيداً ان الوساوس والقلق و نوبات الهلع ليست بالخطيرة وليست بمرض بل هي عرض لمرض معين ، ابحث عن المرض و اول مر تبدأ به هو الجهاز الهضمي و الفيتامينات ، اذا عالجتها باذن الله تختفي كل النوبات و القلق والخوف..