الهلع اتعبني :(
 

السلام عليكم ورحمة الله وبركاته

تاتيني نوبه الهلع المفاجئة اشعر بشعور غريب وكأني سأموت وبدات الحالة معي حوالي شهرين والله كنت طبيعية مافيني ولا شي بس كذا فجاءة شعرت بشعور غريب نبضات قلبي تزداد و فيني دوخة وثقل برأسي ودائما خايفة وافكر ف الموت ولما تجيني النوبه اجلس ابكي لدرجة خلاص احس انو رح يغمى علي وكمان لما اطالع نفسي بالمراية اقول انا مين وكيف وكذا تجيني تسألات كثيره واني بموت مين يعاني زي صرت اخاف من كل شي

انا والله تعبت حاولت اني اطنش بس م قدرت وعندي اختبارات مو قادرة اركز ولا اذاكر ولا شي صرت كأني بحلم :(

من شهرين ؟

سويتي الفحوصات اللازمة ؟
صار شي في حياتك سببت ضطرابات القلق عندك ؟
ام انها فجئة جاتك بدون مقدمات ؟

م عملت فحوصات
م صار شي بحياتي بس انا لما اشرب كوفي او شاي نبضات قلبي تزيد رحت عند الدكتور وقال لي ابتعدي عنها وابتعدت وكنت دايما اقرا قصص للناس الي حسو انهم ماتو ويموتو وكذا واخذو اهلي فترة يتكلمو عن الموت ويحكوني قصص جاني الخوف جلست احاول اتخلص منه م قدرت بعد الاختبارات بالجامعة ع طول جاني الهلع حتى فكرت انو عين لاني قلت ل اقاربي نسبتي كانت عالية وفي شي يتعبني اكثر من التفكير بالموت انو احس كاني بحلم م اعرف كيف بس شعور غريب :(

ادعو الله ان يشفي الجميع

لازم اختي انك تفحصين :

عن طريق الدم فيتامين B12 وفيتامين D والغدة الدرقية
واذا كنتي تشتكين من الام في المعدة او حموضه مستمرة ولوعة سوي فحص جرثومة المعدة

امين يارب

فيني خوف م قدرت اتخلص منه وصرت طول الوقت اسرح كثييييير بس افكر بالموت م اعرف ايش الي صار فيني
دعواتك لي

قبل سنتين اصبت بجرثومة المعدة بس ابدا نفسيتي م اتأثرت وتعالجت منها خلال اسبوعين وابدا م جاني هلع ولا شي
ان شاء الله بعمل فحص شامل واشوف ايش الي فيني

في كل الأحوال عليك بالرقية الشرعية سواء مرض عضوي او نفسي او روحي
في وايد رقي شرعية فالنت نسخي لك وحدة وثابري عليها بالأضافة لسورة البقرة كاملة
في البداية بتتعبين شوي بس بتتعودين
انصحك تسوين جدول متكامل من رياضة وتغذية وتشغلين نفسك بأي شي
والموت لا تخافين مابتموتين الا بأمر الله ولا هذا المرض مايموت ابد ابد
وكله وهم وعشان تصدقين اول ثلاث ايام حاولي اطنشين المرض نهائياً حتى لو جتك الحالة قولي عادي وطنشي شغلي نفسك
بعدين بتقل وهذا طبيعي لانها افكار بس

باذن الله بحاول اني اقراء سورة البقرة كل يوم واسمع الرقية

رحت للمستشفى وعملت االفحوصات وكل شي تمام الحمد لله بس قالت لي الدكتوره نقص بسيط ف الحديد وانتفاخ بالقالون يمكن يكون القالون هو السبب بلي يصير فيني !

اللهم امين ويشفي الجميع يارب

لا مو كله تحليل الدم طبعا روح عند دكتور يفحصك انا رحت عند دكتوره وقلت لها ب كل الي أحسه وسوت لي فحص بالدم واشعة تلفزيونية وطلع عندي انتفاخ بالقالون انا قلت يمكن من الخوف والتفكير صار عندي قالون
بس انت ايش الأعراض الي تحس فيها !

ونصيحة نصيييحة وربي لا تجلس تقرا ف المنتديات وكذا عن الي عانو لأنو انا ف اعراض ما كانت تجيني يوم جلست اقرأ احس اني تعبت بزيادة فحاول تبعد عن المواضيع وحاول تقرا عن الناس الي تشافو منه وبس ويارب يشفينا