رجعتلكم تانى بعد غياب سنه تقريبا :D
 

السلام عليكم وحشتونى اوووى اكيد طبعا فى ناس قديمة مبقتش تدخل المنتدى ومش كله هيعرفنى اعرفكم انا بنفسى :D انا مصطفى كنت بعانى زيكم من الهلع واختلال الانيه والسواس القهرى والحمد لله خفيت من كل دى بفضل ربنا والدكتور اللى بتعالج عنده انا من اسكندرية اينعم كنت بعانى عناء شديد وكنت بموت ف البيوم مليون مرة مش مرة ومع ذلك اللى يشوف مواضيعى القديمة كان يحس انى مش بعانى بحاجة وبدخل اخفف عن الناس انا كنت بعمل كدة عشان قررت انى هحارب الهلع اللعين وحاربته والحمد لله انتصرت علية بفضل الله ثم الدكتور ثم الناس الكتير اللى كانت بتحبنى وبتدعيلى اوعو تيأسو ابدااااااا وهتنتصرو والله بس المسئلة مسئلة وقت مش اكتر يلاا كل واحد يدخل يحكى لى عامل اية مع الهلع يا مهلوعيين :] :P

السلام عليك اخي مصطفى

لقد قرات بعض ردودك ,,,,,,و انك كنت تعاني من اختلال الانية ,,,,,,,عندك احاسيس و مشاعير

يعنى اية اخى سمير مشاعير واحاسيس مش فاهم وضح لى

الف مبرووووك الشفاء

كنت بتروح لدكتور مين

وماهي اعراضك اخي

اعني هل عندما كنت مريض احسست بتبلد في الاحساس، لا تحس بفرح و لا حزن ,,,,,,,,,,,,,,,,,,,,,,.؟
هل عند ضبابية في العين.؟

الله يبارك فيكى اختى طالبة الفردوس انا كنت بروح لدكتور ياسر عبد القوى فى وينجت فى اسكندرية واعراضى كانت اختلال انية وهلع وقلق وتوتر و وسواس قهرى والحمد لله كله اختفى وشفيت بفضل الله

بص انا مكنتش مبسوط خالص ولاا لية نفس لخروج لدرجة انى عانيت كمان من رهاب ساح ومقد\رش اروح اماكن بعيدة وكنت اشعر فعلا بضبابية العين بسبب اختلال الانيه واشعر انى فى حلم بتكلم و ماشى وحاسس انى ف حلم غريب وزى ما يكون فى حاجة ضاغطة على راسى وعينى ودايما احس انى هيغمى علية هفقد الوعى بس كل دى كانت اوهام بسبب الضغط النفسى اللى سببه المرض وكدة ولاا اشعر باى نوع من انواع السعادة وعلى طول حزين ومكتئب اكتئاب شديد جداااااااااااااااااااا

انا كمان بروحله ويارب يكتبلي الشفاء ان كمان

طيب انت شخص حالتك انها ايه وياتري كلمك عن اختلال الانية ولالا

وهل كنت بتشوف حاجات زي خيالات او كنت بتحس انك عايش حياة تانية

واحساس الموت والجنون كان معاك

وايه الادوية

انا دكتور ياسر كتبلي فافرين 100وايريبيبرازول 50

انت عندك كام سنة اخويا مصطفي

واستمرت حالتك قد ايه
انا بقالي مدة طويلة مابين انتكاس مقاومة والحمد لله علي كل حال

الحمد لله الذي من عليك بالشفاء

اخي مصطفي هل تزول ضبابية العين عندما تشفى من اختلال الانية؟ ..........لاني خف عند اختلال الانية و لكن مزالت عندي الضبابية ........... و الشي الذي اتعبني هو فقدان الاحاسيس كاني جماد ..........و لم يعد يهمني اي شي في هذه الحياة.

بصى انا شخص حالتى انها هلع ومكنتش اعرف اختلال الانية دى وادانى سيروكسات 12.5 وكان كل كشف يزود لى الجرعة لحد ما وصلت حاليا لاتنين 25 وانا عرفت انى عندى اختلال انية من النت وكدة وقولت له علية قالى هيروح لما يختفى الهلع فعلا كان عندى الاحساس دى اووووى واكتر حاجة الجنون بس فى مقولة بتقول اللى بيشعر انى هيتجن عمره ما يتجنن انا سمعتها من دكاترة يعنى بس معرفش حقيقة او لا كنت بشوف خيالات فعلا وبحس انى ف حلم مش حقيقى وانا ف عالم والناس ف عامل تانى كانت ايام سوده وانا دلوقتى باخد سيروكسات سى ار 25 حبيتين بعد الفطار واميبريد 50 على الريق قبل الاكل بنص ساعة وميجافيت زنك منشط ذهنى وبدنى بعد الفطار برضة وزناكس نص بعد العشاء قبل النوم

انا عندى 24 ماشى فى ال 25 استمرت حالتى قبل العلاج 8 سنوات لما بدءات اتعالج من 6 شهور لسنة بس فى خلال الفترة دى فى تحسن انتكست مرة واحدة فقط والحمد لله مبقاش فى انتكاسات تانى بس لما مش باخد العلاج بحس بأعراض انسحابة لانه غلط اوقفة بدون استشارة الطبيب ومشكلة دكتور ياسر انة مش بيتكلم مع المريض يعنى لازم انتى تسئلية عشان يجاوبك

ايوة بتزول خالص متقلقش بس الموضوع محتاج شوية وقت مش اكتر اخويا سمير لاتقلق كل هذا اوهاااااااااااااااااااام ولما تشفى باذن الله هتعرف انك كنتى مدى حجم كبير لشى تافهه بس هو مزعج مش اكتر اصبر شوية وان شاء الله هتزول خااااااااالص اطمن بقالك قد اية بتتعالج ؟

جزاك الله خيرا اخي مصطفى

انا حاليا لا اخد اية ادوية لاني جربتها و لم تنفع معي فتركتها،
و امر حاليا بحالة لا يعلم بها الا الله

اللهم شفينا