حاجه مهمه لازم ناخذ بالنا منها
 

السلام عليكم ورحمة الله


في شي مهم أعتقد أغلبنا أو بعضنا مو حاسين أو مو منتبهين لها
كلنا مرينا بنوبات هلع وخوف وقلق وتوتر و وسوسة و اختلال آنية و وسواس الموت .... إلخ
بعضها تكون ناتجة من موقف سيء أو انفعال حصل لنا و طنشناه
حتى لو كان هالموقف بسيط جدا جدا راح نتأثر و ممكن تجينا نوبة أو غيره
حتى لو مثلا أهلك قالوا لك أنت / ـي طول وقتك ع الجوال ووووو
واحنا طنشنا وما اهتمينا
وبعد فترة راح تجينا نوبة أو خوف أو قلق بدون سبب ونخاف أكثر
وما يخطر ببالنا أبد أبد أن هالموقف السخيف أثر فينا
لأن احنا أساسا مع القلق و التوتر و الوسوسه صرنا حساااسين كثير والقلق النفسي والتوتر تجي أصلا من تراكمات ومواقف سابقة تعرضنا لها
وذلك لأن الأدرينالين يتدفق في أجسامنا بسرعة فهو يتأثر بأي موقف
ولاحظوا هالشي
لو تعرضتوا لنوبة أو قلق وتوتر بدون سبب ارجعوا للمواقف اللي صارت لكم
ومو شرط الموقف يكون بنفس اليوم ممكن موقف صار قبل يومين او ثلاثه وطنشناه
وكانت النتيجة نوبة هلع وقلق وتوتر بدون مبرر
لأن أجسامنا صمدت وصمدت فترة بعدين انهرنا و خفنا وتوترنا وقلقنا بدون سبب
الراحة النفسية مهمه جدا جدا لنا
وبرضو الفضفضه أو الكتابة أو الكلام مع شخص يفهمنا وفاهم حالتنا
عشان يروح أثر الموقف منا وبذلك ما نتعرض لخوف وقلق وتوتر ونوبات هلع

احسنت احسنت اسال الله لنا ولك طول العمر في الصالحات وان يجبر خواطرنا في عشره الاواخر

عزيزتي

كلامك جدا جميل ... فيجب ع كل موسوس عند اي نوبه يتذكر ماحصل له قبل يومين او شهر او سنه لكي يهدي ويقتنع تماما
انها افكار مزعحه ان اعطيناهت اهتمام سيزيد الوضع سوء وان تجاهلنا سيزول كل شي


غاليتي

راق لي طرحك
دمتي بخير

جزيت خيرا اختي و نسال الله الشفاء لنا في هذه العشر الاواخر

آمييين يارب
شكرا لك

صحيح
لأن حتى المواقف البسيطة جدا تأثر علينا واحنا مو حاسين
فالأفضل نفضفض ونعيد ترتيب افكارنا عشان ما نتعرض لنوبة أو قلق و توتر

شكرا لك

وياك يارب وكل من قرأ
شكرا لك

جزاك الله خير
وفعلا كلام صحيح
اسال الله لي ولكم الششفاء التام العاجل

جزاك الله خير على هذا موضوع ،امس كنت اتابع برنامج وكان يتكلم على نفس شئ انه كبت كل شئ يضايقنا بدون فضفضه يسوي كثييييييير خاصة لنا نحن موسوسين ،وراضية بالقدر صدق صرنا حساسين مل شئ يضايقنا ونعصب بسرعه و توتر وكل شئ نبغاه بسرعه بسرعه وكل شئ نركز عليه ونفكر فيه سواء افعالنا او افعال الاشخاص نعرفهم ،يعني حتى لو لاحظ علي اني تغيرت اقول لا انا تغيرت عشان كذا ف كل شئ صار يأثر فينا بس هذي حالات هي من جانب وسواس اذا تخلصنا منه تخلصنا من كل هذي حالات

فعلا وألاحظها كثير علي
لما اتضايق وازعل وتجي النوبه
ارجع أتذكر الأشياء والمواقف اللي صارت لي
وألاحظ اني اطنش كثير واصمد وآخر شي أنهار :(
الحمدلله على كل حال
الفضفضه والتعبي عما بداخلنا لهأثر كبير في صحتنا وتغلبنا على النوبات و الوساوس

شكرا لمرورك

آمين يارب وياك
شكرا لمرورك

ايوه صحيح
مرات نحس اننا صرنا بخير وراح الخوف
وكل ما يمر علينا موقف نتجاهله نطنشه
و نتفاجأ بعد أيام ان جاتنا نوبة جانا خوف جانا قلق ووووو .......
من شنو ؟؟ من الكبت و لأننا ما فضفضنا ولا طلعنا اللي بخاطرنا ولا تكلمنا عن اللي يضايقنا
عشان كذا تفاجأنا بالنوبة