وسواس الفصام .. ساعدونى
 

أنا تعبان أوى ..

من كُتر قرايتى ف الأمراض النفسية بقيت أوسوس ف كُل الأمراض دى ، خصوصاً الأيام دى قريت كتير جداً عن #‏الفصام بقيت عارف أعراضه وكُل حاجة عنه لدرجة إنى أوقات بشُك إنه عندى وأفضل أشوف الأعراض بتنطبق عليا ولا لأ ، بيجيلي هلاوس ولا لأ ، مُتصل بالواقع ولا لأ ، وأفضل أشك ف نفسي ، لدرجة إنى بقوم مفزوع من النوم ع صوت جوة دماغي مثلاً ، وأفضل أشك وأقول أن دى هلاوس ، ف مرة كُنت بشوف مسلسل بالهاند فري ف الصوت واضح جداً والمشهد كان ف بيت وف الشارع صوت الناس بس ضعيف جداً متسمعوش غير لو حاطت الهاند فري ، فـ حسيت إن صوت الناس دة مش موجود ف المسلسل وإن بيتهيألي وبسمع أصوات مش موجودة وإن دى هلوسة وده أول مراحل الجنون وإنهاردة صحيت ع صوت دق كده بسيط ، قوللت ده توهم بردو والصوت ده مش موجود وأنا فعلاً معرفش هو موجود ولا لأ ..
مش عارف أنا فعلاً بقيت مجنون ولا وهم ولا وسواس ولا إية!
هل حد حصلة كده؟

إدعولي بالله عليكم

لية محدش بيرد عليا ؟ للدرجة دى محدش مر بنفس حالتى ؟

بالظبط أنا كمان كنت بخاف جداً أبقي كده ، بس اللي زاد أن الأيام دى مع الخوف بقيت أسمع وأتخيل خيلات مش موجودة .. ويزيد القلق والتوتر ..

نصيحة لا تبحث عن ولا شئ ووقف البحث مهما كان عندك رغبه بأنك تبحث وتتأكد لا تحاول تبحث ابد دام انك في وسواس لان اي شئ تقرا يزيد عليك ،جربتها وزاد حالي مره الحين كثير حذره بهذي مواضيع احاول أتجنب اسوي بحث عن اي أعراض..

وانا ايضآ انصحك بأنك تمنتنع عن قراءة هكذا مواضيع.وحاول ماتفكر بالأعراض لانك اكيد اذا استمريت تفكر بلاعراض سيتكيف عقلك ويستقبل هكذا تفكير

انا كنت اوسوس من المس لدرجة صعبه كنت في كل مرة اسمع فيها رقية او قرآن احس ان يدي اليسرى ترتجف ويدي اليمنى يرفع فيها اصبع الشهاده وبقيت هكذا حتى تأقلمت علهذه الحالة واصبحت تتحرك يداي عند سماع القزآن دون شعور حتى لاحظت اخواتي ذلك علي اثناء نومي عند تشغيل القرآن يحدث ما يحدث

صح .. كمان أعرف أن مرضي الفصام مبيدركوش إنهم مرضا ، يعنى ميعرفوش أن دى هلاوس سمعية أو بصرية وبيكونوا متيقنين بوجودها وميعرفوش أنهم مرضا وبيرفوضه الإعتراف بمرضهم

فعلاً اللى بزود الوساوس القراية ، وكل ما تتعمق وتقرا أكتر كل مالوسواس يدخل من مكان جديد لدرجة بتحس إنك هتتجنن

فعلاً المشكلة مش ف القراية ، المشكلة فينا وف إستقبلنا للي بنقراه .. ربنا يشفينا يا رب

أنا كمان من فترة توهمت إنى ممسوس أو مسحور وكنت بخاف أسمع القُرآن أو الرقية الشرعية لكن تجاوزت الموضوع ده الحمد لله .. ربنا يشفينا يا رب

آمين يارب ربي يشفينا ويشفيك

انا دلوقتي عندي الحالة دي وفعلا بخاف اسمع قرءان تخلصت منها اززااي ...
وايه الافكار الي جتلك قبل كده ؟؟؟