أعراضي ..
 

السلام عليكم و رحمة الله و بركاته !

ابا اسالكم مادري اذا تحسون أو ؟
سبق و كنتبت موضوع اني فجاءه احس اني ماقدر اتنفس او النفس ينقطع عندي ! و عند النوم بعد

من يومين ماقدر انام بسهوله يعني يكون فيني نوم خلاص بس احس ماشي هوا
مادري كيف اصف لكم ؟ ما احس اني في شي ع صدري بس احس ان في انقطاع للنفس !
مادري هذا شو سببه ؟

و ثاني شي ! ان عقب ما اقوم من النوم ! احس ان ماعندي توازن و نفس الاحساس اللي يكون عند النوم يجيني بس بفترات متقاطعه !
هل هذا بسبة السهر ؟ لاني ارقد الفجر و اقعد من النوم العصر ؟
أو سبب التفكير ! مع اني احياناً ما افكر وايد !

أحس الفليل ! اكون انسانه ثانيه احاسيسي تكون غير
مخيفه و غريبه و شعور يخوف و ما يخوف مادري كيف اصفه لكم ؟

و أيضاً أحيانا يجيني احساس ماقدر ابلع ! يعني اغمض عيني و بصعوبه ابلع سواء كنت آكل أو لا !!

أحس بنفس احساسك اختي من ناحية التنفس وإحساس الدوار بعد الاستيقاظ والله فعلا مدري اتوقع م التفكير واصلا الانطباعات والأحاسيس هذه انعكاسات نفسوجسدية،انت تحسي كأنه نفسك مقطوع ولا هو كويس انت لا تركزي ع نفسك ترا مافيك إلا العافية^_^ف
وحاولي انك تتجاهلي وووووؤ

حبيبتي والله نفسي انا كذا خصوصا هذا عدم التوازن

ايه قبل كذا عدم توازن و دوخه و مقدر اتنفس وكتمه
ولما اقعد من النوم احس اني غريبه ماحس بشي وماعندي استيعاب
وكذا احس عدم تركيز بس صدقيني حللي فقر دم و فيتامين د و ب12 ترا كلللللله منه
و صح ترا نومك مو كويس لأنك تنامين بالنهار ونومة النهار معروف ما تساوي نومة الليل

أنا أعتقد أن خوفك يسبب عبئاً نفسياً ثقيلاً عليك ومهما كانت محاولات التحسن من جانبك وتجاوز هذه الأعراض إلا أن قلقك الداخلي حول الأعراض سوف يظل موجوداً.

قناعاتي قوية جدّاً أن الحالة هي حالة قلقية وليس أكثر من ذلك ويعرف أن القلق أيضاً قد يؤدي إلى الرعشة قد يؤدي إلى الشعور بالدوخة، وفقدان التوازن وقله النوم والشعور بالاواقعية وهذة هي ماتعاني منها أنتِ

كلامك صحيح
دايم اقرا بموقع اسلام ويب
ونفس الكلام بالضبط
كل الاعراض بسبب قلق نفسي وتوتر
والقلق النفسي اذا تعودناه مو كويس لانه يصير تفكيرنا كذا كله قلق وتوتر وخوف
وحالة اللاواقعيه او الخيال او الحلم غالبا تكون بسبب القلق النفسي
المشكله اننا نعرف سبب قلقنا ونعرف ان هذي الاعراض بسبب القلق والتوتر
ومع ذلك نسأل ونخوف انفسنا

شكراً على مروركم جميعاً.