وسواس يديد 😓
 

هلا ..
شخباركمممم !!!

قاعد يصير فيني شي يديد وربي تعبتتت 💔😓

اتمنى الي صار نفسسسي و لا شي يكلمنييي
و يخبرنييي و يطمني
لانه ابد مو مقتنعه انه وسواسس 😓
صارررر احسااااس قوي
ييقول هالمره غيررررر والله
المهم وسواسييي هو
يحددلي تواريخ الي بموت فيهاااا
طبعا كل يوم تاريخ يديد 😔😔
و الحين قربت جامعتي قاعد يخوفني اكثر و اكثر
اني بموت المهم الحين يقولي بتموتين نفس اليوم الي مات فيه اللاعب طبعا خفتتتت و جاسني فضول و سويت بحث ابي اعرف متى مات و سويت و شفت التاريخ 😓😭😭😭و الحين التاريخ ف مخخخي و خايفه و طبعا انا اللاعب ماعرفه بس كنت قبل متاثره لانه كان صغيررر
احساس غريييييبببب و قوي
في حد مثليييي ولا صارله مثلي طمنوني

بسم الله عليك وعلى قلبك والله يعطيك طولت العمر والصحه والعافيه
هذي كلها وساوس شيطانيه يلعب في اعصابك كل مره يطلع لك شي واذا بديتي تقتنعين انه
وسواس جابلك شي جديد انا جتني فتره كذا بس صرت اطنشه واشغل وقتي واقراء قرأن قد ما اقدر واذا جيت انام ما ادخل فراشي
الا اذا معد صرت اشوف قدامي واشغل سورة البقره عند راسي لين انام
الله يفكك ويفكنا من هالوسواس الخناس

😓 خاطري اقتنع انه وسواسس
و انا الغبيه سويت بحث و الا اعرف متى مات
فيني فضوللل .....

و صار التاريخخخ ف مخي الحين

مشكوره حبيبتي

حبيبتي لاتسويين بحث ولا تتعبين عمرك وتنجرفين وراء الوساوس

و الي خوفني اككمثثر
انه وسوسلي اني بموت فالعيد
و طلع العيد بنفس اليوم الي مات فيه الاعب

💔😭ماعرففف

هذا وسواس لا تسترسلين معاه
لأنك راح تتعبين بسبته
ولا تبحثين عن شي يخوف طنشي وتجاهلي
و زي ما قالوا افتحي قرآن ونامي

اتجاهل بيس يذكرنيي فييه
الحين يقولي شفتي الصدفه كيييفف


مخوفني 😞😭

هو كذا الوسواس كل مرة بجيك بجديد فلا تسترسلي معاه ابدا مهما حاول يقنعك بكل الطرق مهما أحسست بالقلق واعراضه اقنعي نفسك انه وسواس وبإذن الله وسيذهب للابد

ان شاء الله بحاول

بس صار الاقتناع صععععب
هو من 5 شهور يحدددلي الايام الي بموت فيها

طيب من 5 شهور صار شي ؟
لا
لو هو صادق كان صار شي
لكنه جبان وضعيف بس يوسوس لك لكن كل شي مو صحيح
بس يخوفك و يبغى يشوفك خايفه وحزينه

اختي سارونز بعض حالات الوسواس لازم فيها استخدام علاج نفسي انا اعاني من الوسواس 9 سنوات وسواس الموت بهذلني كنت اتجاهل يدخلني بوسواس ثاني يعني مافي فكه اجتمع مع اهلي وربعي يشغلني يقول لارحت عندهم بتموت او كنت بسافر يقولي بتموت بالطريق ييعني يعطيني وسوسه يشغلني اشغال الله لايوريك المهم حاولت اتجاهل بمى فيه الكفايه واظطريت اروح لدكتور نفسي والله تغيرت مع العلاج 120 درجه مع استخدامي العلاج وانتظامي له توظفت وصرت اروح اماكن بعيده لحالي دون خوف ولاافكر نهائي صرت احب الاجتماع واختلط مع الناس وصرت متفائل ومبسوط

ولا قبل العلاج كني جدار جالس لااحل ولا اربط من داخل مشغول صحيح ان العلاج النفسيه تسمن لكن الواحد يبغا يريح مخه من الوسوسه ويعيش مع الناس حاولي اختي تقنعي باالعلاج ماهو عيب ولا هو حرام راح ترتاحين صدقيني

انا جتني احلام بتواريخ محدده اني بموت لكن راحت الايام وجت ايام وما قدر الله اني اموت ، لا تصدقين شي ولا تفكرين بهالامور واجد ، عيشي حياتك و لاتخافين الله معنا ،حطي ببالك ان الله رحوووم ، اسال الله لي ولك وللجميع العافيه والسكينه والراحه

ادري
بس كل يوم يحددلي ايام و اخاف فيها و تصير تخوف اكثثثر
و الاحساس يكون قوي

انا اعانيييي ...
يحدددلي الايام احسس بخوف
يقولي خلاص اخر وسوسه هاي

💔