محتاجه مساعدتكم الكل يشارك
 

السلام عليكم ياجماعه اخوي مريض الذهان لديه اسلوب عدواني وافكار خياليه غريبه وكلها خاطئه لدرجه يتهجم بالسكين ويضرب اقرب الناس له ويتهجم على امي وابي والحمدلله دخل المستشفى وتعافي وجالس فتره بدون اواهام وعنف تقريبا لمدة سنه كامله والان رجعت حالته متل اول وزياده لدرجه حرق السياره وتهجم بالسكين على ابن جيران كويس ماقتله ماهو الحل يا اخوان ويا اخوات

اهلا وسهلا اخي عزيز النفس كان يستخدم زبيركسا اعتقد كدا اسم دواء وكان ايضا يستخدم ابر مهدئه للقلق فيها منها حبوب. بس الدكتور قال الابر افضل مفعولها اسرع من الحبوب بصراحه ناسيه اسمها على ما اتوقع لوكستيد من هدا القبيل لكن هوا عمل جلسات كهربا وتحسن وكان مستمر على العلاج وله فتره كانت اوضاعه تمام. فعلا هوا ترك العلاج اسفه طولت عليك واشكر تعاونك وتجاوبك الله يعطيك العافيه

امين يارب اكيد لازم يراجعه دكتوره الف شكرررررر اختي ماقصرتي

ودوه لمستشفى الامل وهم يتصرفون و اذا هو خطير مره كلموا الشرطه لايذبح احد الله يستر

اخي الوردي هوا يتعالج في مستشفى خاص بس افكر نوديه مستشفى الصحه النفسيه الحكومي حبيت اخد راي الاعضاء وعندي سؤال. هل كل مريض الذهان يكون لديه سلوك عدواني وعنف

لا مو الكل , المسأله درجات , ايه ودوه للحكومي وراح يتصرفون ان شاء الله

عزيز النفس الله يسعدك ويعطيك العافيه مشكله لو تشوفه وتجلس معاه تقول انسان طبيعي جدا ماتتوقع منه هدي تصرفات الف شكر لي مرورك الله يشفيك

اخي الوردي ماقصرت الله يسعدك ويعطيك العافيه. بصراحه انا احيانا احس تصرفاته مو مرضيه اتوقع انه متعمد يسوي كدا لانه يجلس يتكلم ويروح ويجي كانه شخص طبيعي بس دايما يكلم نفسه قدام الكل الحاضرين.