تعالو من فضلكم ابيكم شوي!
 

هالصفحه ابي اوضح لكم حقيقة هالوساوس لان للأسف ضاعت اعمارنا ):'

الليي يفضفض واللي تفضفض وتقول عندي احساس ب الموت!!!! واللي يقول اليوم مابكمله!!! واللي يقول فلان قال لي كلمه وشكلي بموت!!! واللي صار له موقف ب الصدفه وقال شلون صار كذا شكلي بموت !! وهكذا كل يوم نقول بنموووت بنموووت بنموووووت!! لحظه انتِ وانت عندكم علم ب الغيب؟؟؟ طبعا"" لاااااااا طيب ليه تموت نفسك وانت يمكن عمرك طويل ب اذن الله وتقصره ب الأوهام والهموم والحزن والوساوس!!

موب انتِ ولا انت اللي تعانو من هالشي كلناا وفيه الف واحد يعاني لاكن بعضهم يدعي ربهه ويسأله طولة العمر بطاعتهه... يجي واحد يقول بس حصل لي كذا وحصل لي كذا... كلنا يحصل لنا اعراض ونفكرها الموت اي احد عنده وسواس بيدقق بكل صغيره وكبيرهه وهالشي طبيعي جدآ مشكلتنا نعرف انه وسواس ومع هذا مستمرين في مخاوفنأاا تدرون ليهه لآن ماعندنا عزيمهه وارادهه قويهه لوكان عندنا كان من زماااان تغلبنا عليهه الحل بيدنا والله لازم نوقف هالأفكار كفايهه ضاعت سنين اعمارنا !!!! ب اوهاامم !!! خلينا نوقف وقفه صادقهه مع انفسناا ليهه للحين نخاف ليهه !! موب عايشين زي الناس طيب كلنا بنمووت لكن ماندري متى نجهل هالشي واخفاهه الله لحكمهه نجي احنا ونقول عندنا احاسيس ان بنموت الله اخفى هالشي شلون جاء هالأحساس ي عالم فكرو شوي من متى واحنا نقول بنموت واحساسنا يقول هالشي لمتتتتى والحمدلله ماصار شي ومع ذالك مستمرين بهالافكار.. الله يخليكم يكفي ضاعت اعمارنا لازم نوقف هالافكار لازم نتحدى هالوساوس بكل قوهه لازم نوقف مع انفسنا وقفه صادقه لأن راحت سنين اعمارنا ب اوهام وافكار مالهاا اي صحه من الواقع بدلو افكاركم ب ايجابيهه لاتفكرو بسلبيه وعيشو حياتكم بسلامم لان العمر مره لاتموتو مرتــــــين.. اسأل الله ان يشفيكمم ويعافيكمم ويجعل الوساوس ماضي والسعاده حاضر ويرزقكم الراحهه دنيا واخرهه.

والله يا اختي حتي وانا بقرأ الموضوع حاجه بتقولي
الموضوع ده للي عندهم وسواس لكن انتي اللي عندك احساس حقيقي
وانتي غيرهم

ههههههه ي ررب اشفي اخواتي روفة / اللهم الشفاء
معليش الضحكة والله لكن احلف لكم بالله ان المداومة ع سورة البقرة في كم يوم تنهي المشكلة لديكما .. وتخنس شياطين الوسواس فيكم وتعودان الى حياتكما الطبيعية
صدقوني مشكلتكما روحية .. حيث بين الله تعالى في كتابه العزيز ذلك الامر في
قوله (( من شر الوسواس الخناس ))
فاتركا عنكما البحث عن العلاج يمنة ويسرة والزما القرآن وبحول الله لن تخيب آمالكما .
دعواتي لكما أختاي ؛؛؛

الله يسسسسعدك روفة حبيبتي قمة الراحة كلامك وجا ف وقته بالتمام
فعلا زي ماقالت (اللهم الشفاء)وانا بقرٲ يقول الوسواس انت غير حتى شوفي اعراضك مستمرة ..
فعلا احنا محتاجين عزيمة وإرادة قوية مهما زادت نوبات الهلع والخوف والقلق هي صح صعبة ومتعبة لازم نجاهد نفسنا على تحملها لحد ما يروح مننا الوسواس ولا له اثر

لك تحياتي

اللهم صل وسلم على الحبيب.

فعلا فعلا محتاجين للقوه والاراده وبإذن الله النصر قادم , الى الجحيم ايها الوسواس الى الجحيم

عليكم بالقران ترا الوسواس يكره القران

صحيح كلامك
اساسا خلاص نفسك تتعبين
كل يوم كل يوم كل يوم نفس الافكار نفس الخوف نفس القلق
نفس كل شي
راحت أيامنا واحنا خايفين ومتوترين ونوسوس
مايصير كذا
ليه غيرنا عايش حياته واحنا لا !!!!!
يضحكون وينبسطون ويطلعون و يروحون
واحنا حابسين انفسنا بذا الخوف
صدق كلامك شي يقهر يضيع وقتنا كله في القلق ً الخوف

هذا ابليس يحاول يقنعك ان هالشي حقيقي وانك موب مثلنا لان مايبيك تستانسين لازم يسكر جميع ابواب الشفاء بوجهك ليه تعطيه مجال انتي كذا جالسه تغذي هالافكار ولأحاسيس عندك بالله عليك من متى وهالأحساس عندك؟؟ من متى وهو يقولك انك بتموتين وهالشي صدق؟؟ والحين الحمدلله عايشه وحولنا وتكتبي ردك ذا.. ي حبيبتي اتمنى تجلسي شوي مع نفسك اسأليها سؤال واحد لمتى بكون كذا لمتى بسمع لبليس واصدقه؟ نفسك عليها حق عطيها حقوقها ب الراحه وعيشي حياتك بدون هالمنغصات والله راح عمرك وانتي تقولي هالشي حقيقي وانك موب مثلنا.. اتمنى انك تلتفتي شوي لحياتك وتعيشي زي باقي الناس وب اذن الله الفرج قريب بس لازم تساعدي نفسك انك تتعوذي من ابليس وتشغلي نفسك ب اشياء مفيدهه ولاتخلي فراغ للتفكير ابد اشغلي نفسك بكل وقت وانتي قدها ان شاء الله وقولي للوساوس وابليس بااي باي» ادري الحين بتقولي ليه قالت باي شكلي بموت ادري بتجي هالفكره براسك تدرين ليه لان كلنا ندقق مثلكك والحين عايشين الحمدلله.. عمرك طويل ان شاء الله بس لاتضيعي باقي عمرك ب هالأفكار والوساوس والأحاسيس.. اسأل الله ان يشفيك ويعافيك ويجعل حياتك كلها سعادهه وراحةة بال.

ي خيو الوساوس بشكل عام شيء مضحك ومحزن في نفس الوقت لان فكره تسيطر علي العقل و يتم تكرار الفكره بشكل تجعل الشخص متعلق ب هذا الشيء بطريقه مستمره .. اما الوساوس بعضها روحي وبعضها نفسي وفعلا" العلاج هو الرقيهه الشرعيه بس لازم نركز ع شي مهم فعلاج الرقية كالطب قد يكون فيه طبيب مشهور ولكن غير موفق في علاج الحالات وفيه طبيبًا مغمورًا يفتح الله له ويشرح صدره للعلاج المناسب فيصرف الله المرض عن الناس بسبب وصفاته الطبية لازم البحث عن رقاة متمكنين يكون الشفاء على يد واحد من الرقاه بحول الله وقوته..

الله يرسم الوان الراحه والسعاده والايمان بسماء دنيتك يا ي الله يجعل ايامكٓ وسنينك من سعاده الى سعاده يارب ي كريم... علاج نفسك يكون بقوة العزيمة منك وإصلاح افكارك واذا عندك ارادة تقدري تتغلبي على الوساوس بكل سهوله وشجاعه .

فعلا" اخي الاشتغال بذكر الله والإكثار من قراءة القرآن بعد تجاهل الوسواس يتهاوى ويضعف .. اعيد واكرر العزيمه والأراده القويهه هي الخطوه الأولى للعلاج ..

الله يشفيك ويعافيك ويجعل ايامك كلها سعيدة

حلو الكلاممم ❤️

حتى وانا ارد خايييفففه )؛
و غير جججي الي مخوفننني

روفةةة !!! انتي كان يحددلج الايامممم
لانه ابي اقتنععع فيهههه ابي حد يقنعني

روفه الله يسسسعدكك ويريح قلبك والله كلامك يريح
والله جد حنا اللي مخلينا كذا زياده الخوف كل ماحاولت
اسوي شي يجين خوف وكذا حتى غلطه بالكيبورد تخوفني
زي بتكتب -ما- اصير اغلط واكتب -مت - لانه الميم جنب التاء
اضحك على نفسي اوقات هههههه يعني ليه اخاف بس للاسف
مسستمر الخوف

سارونز ي عمري انتــــي اسمعيني زين وركزي ب اللي بقولهه.. ذكرتيني ب ايام اعوذ ب الله كانت لي ايامم سودا..بقولك موقفي مع هالوساوس اللي تحدد موتك تخيلي نمت ذاك اليوم كنت مبسوطه راجعه من عرس يعني مافي شي مضايقني الموهيم حلمت ذاك الحلم اعوذ ب الله اش اقولك ان بموت ف اليوم الفلاني الشهر الفلاني الساعه الفلانيه تخيلي حدد لي اهه تصدقين اهملت نفسي اعتزلت العالم انتظر موتي لين قرب اليوم اللي تحدد والشهر هنا دخلت بنوبة بكاءءء لدرجه شكو اهلي ان فيني جني ههههههه قمت اناقز من الخوف حتى مااكل ابد عايشه ع السوائل قلت خليني اتقرب لله وصرت استغفر واذكر الله واصلي جاني الوسواس يقولي عشان بتموتين الحين تصلي انا هنا مت خوووووف جلست ابكي واخاف واناظر اقول الحين ملك الموت يجي ياخذ روحي والله ي سارونز راح الشهر واليوم وانا الحمدلله ماصار لي شي تعرفي هالشي من الوساوس ايه نسيت اقولك دقيت ع مشايخ 2 مايردون و1 رد علي وقلت لهه عن الحلم قال محد يعلم عن موته العلم عند الله وكل ذا من الشيطانن فرحتت طمني الشيخ لاكن فرحتي ماتمت رجع لي الوسواس يقولي وش عرف الشيخ اذا هو حقيقي او لا انتي بتموتين ب اليوم الفلاني وجلست ابكي وانتظر موتي واتخيل شلون الناس لما يجو يعزو امي وابكي نظفت لهم البيت قلت عشان وقت يحزنو مايقدرو ينظفو البيت ههه قلت ليه اكل وانا بموت اكتفيت اشرب سوائل بس لين قرب اليوم الموعود ومت خوؤووووووووف قلت لأمي ترى بموت بموت الحين التاريخ كم وقالت لي وانا ابككككي سلمت عليها قلت ارضي عني تكفين بموت انا قالت لاوالله انك انهبلتي قلت ارضي عني قالت روحي عني مب راضيه عساك ب.....!! انا هنا قلت خلاص دعت الموت جايني جايني جلست اصيح لين جاء الليل قلت يمكن الله رحمني واجل موتي لين الساعه الفلانيه الموهيم مر اليوم وماصار شي.. كل ذا اوهام عقلنا الباطن يسجل واحيان الوسواس مايبيك تتهني يجي يوسوس لك ويخوفك ي حبيبتي لاتعيشي بوهم مثلي انا ندمت ان سمعت كلام ابليس وافكاري ووساوسه صدقيني محد يعرف متى موته حتى لو تحدد لك ب اليوم لان هالشي بعلم الله.. اذا مب مصدقتني راقبي التاريخ اللي تحدد لك وشوفي اذا ماعشتي بعده ب اذن الله.. لان ي كثر ماتحدد لي لو بموت كان مت مع التواريخ اللي تحددت لي هذا 5 مره تكرر معي!!!! بس قلت الى هنا وبس لمتى بصدق ابليس وابليس وش عرفه عن موعد الأجل!! تصدقين كنت اشوف ناس يتحدد لهم ويقولو ان ماصار كنت اقول لا انا غير هم اووهام وانا حقيقهه كل مايتكرر اقول هالمره حقيقه لين ضاع عمري وانا اركض ورا ابليس وافكاره.. اصحي ي حبيبتي هالشي بعلم الغيب لو كان يتحدد ماكان الحين احد مرتاح كان الكل يعرف متى موته!! فكري بعقل لمتى هالأحاسيس ولمتى عشنا بوهم ولا شفنا شر الحمدلله.. فكري ي عمري ترى والله لو استمريتي ب اوهامك بيضيع عمرك كله وابليس يحدد لك تواريخ وشهور وايام وسرى الليل واحنا ماسرينا!!!

ي حبيبتي كان مشكلتي مع الكيبورد.. كنت بكتب لصديقتي متى؟ كتبت مت وقبل كنت بكت كلمت توقف كتبت توفت!! وكنت بكتب متوفر كتبت متوفي وكلها صدف ترى موب معناتها انك بتموتين لاااا ي حبيبتي احيان تمر علينا مواقف ب الصدفه ونقول انذار وهي مجرد صدفه لو صارت لأحد غيرنا كان مااهتم لها احنا نهتم وندقق.. يعني تخيلي بكل جلسه اجلسه لازم يجيبو طاري الموووت!!! اتذكر جلست مع صديقاتي وكانت جلستهم وناسه اسمع ضحكهم قلت يروح اجلس معهم وجلست وفجأه جابو طاري الموت من حيث لا اعلم شلون وليه ماادري فلانه ماتت وفلانه مريضه وفلانه معاها مرض فلاني اش اقولك وقبل امي كانت تتابع برنامج لما دخلت الشيخ يقول ان للموت سكرات!!! والله لو بندقق بنتعب لان هالأشياء لازم نسمعها موب انذار او صدف لان احنا انخلقنا لعبادة الله ونتقرب له ب الطاعات واكيد ذكر الموت بتسمعينه وحتى في مواقع التواصل بتشوفينه واجد بس حطي هالشي ببالك ان هالشي مو انذار او انك بتموتين لااااااا صدف ولا نركز عليها لان الموت علمه عند الله واخفاهه لاتتعبي نفسك ب الافكار والوسوسه.. الله يطول اعمارنا بطاعته» الحين تقول ليه دعت هالدعوه.. زي ماقلت لك لاتدققي ترى بتتعبي واجد وكلي امرك لله وداومي ع الاستغفار وذكر الله انشغلي عن ابليس وافكاره لاتعطي له مجال يلعب بعقلتس ويمشيك ع كيفه.. انتبهي ذي حياتك مب حياتهه خليك حرة نفسك واي فكره سلبيه ع طول امحيها واستبدليها ب ايجابيهه طيب؟ فديت قلبكك