نفساني - المواجهه بطريقة سليمة

في احد الايام جاتني دعوه لعزف البيانو في احد الحفلات بمناسبة تخرج مجموعة ضباط من الكلية العسكرية
ولما سألني مضيف الحفل عن مهاراتي بالعزف جاوبته بكل فخر اني عازف متمكن ومستواي متقدم جدا والحقيقة ان مستواي كان مبتدئ (مدرعم)yahoo .
ولما رحت الحفل وجلست قدام البيانو جاتني ام الركب وقلت في نفسي انا يالله اعزف كم مقطوعة فكيف بعزف لهم ساعه كامله.
المهم ارتكبت وتعرقت وشافني كم واحد بشكلي الجديد (مرتبك ومعرق udjdudud) وجلست اعزف بشكل عشوائي واخطاء كثيره الى ان اوقفت العزف مبكرا وخرجت وانا اللعن العزف واللعن الحفلات .
وانا جالس بالبيت حزين وغاضب على مستواي بالعزف لقيت ابن اختي بيمسك بالكنب ويحاول يمشي خطوه ويطيح خطوه ويطيح . وقلت في نفسي مستحيل اوصل للمستوى الاحترافي بعزف البيانو وانا ما طحت زي ابن اختي مستواي الحالي مبتدئ ولازم احاول واغلط كم مره عشان اوصل للقمه (مستحيل نوصل للقمه بدون ما نصعد خطوه خطوه) , اكتشفت اني كذبت على نفسي وابغى اوصل للكمال بدون ما اتعلم الاساسيات .
كثير من اصحاب الرهاب الاجتماعي يريد ان يتحدث امام جمع غفير من الناس وهو لم يتعلم اساسيات التحدث مع شخص او اثنينDSSDDSDS , تبغى تصير كامل قدامهم لازم تغلط وتعدل قدام واحد واثنين. لاتواجه مجموعه كبيره وأنت ماتعرف تتحدث الى مجموعة صغيرة فمشوار الالف ميل يبدأ بخطوه .
لاتضحك على نفسك وتقول انا اقدر اتكلم قدام مجموعه كبيره وتغلط نفس غلطتي في النهاية حتعرف انك تكذب وحتجرب الرجفة والعرق والارتباك ووقتها تدور اقرب باب وتنحاش منه .