لاتبخلون علي بكلمه توسع صدري
 

لكل عضو في منتدى نفساني

الوسواس زاد ولا صرت اكل شي والله اكتب لكم وانا مدري شسوي معدتي فاضيه من 3 ايام زاد علي الخوف والتعب الضعف وصرت مااكل ولا اشتهي حتى نوم عجزت انام خوووف وقلق وتوهم وافكار كثيره عجزت اوقفها عجزت

تكفون الي مر بحالتي يسولف علي يمكن اهدا

يارب انك تشفيني ويشفيكم يارب يارب ترحم حالنا ياكريم والله مدري وش اكتب وكيف اوصل لكم وش احس فيه من كمية الخوف والهلع والرهاب من كل شي

أسأل الله العظيم رب العرش الكريم أن يشفيك ويشفينا جميعا يارب
حبيبتي لازم تاكلي انت كذا بتخلي للوسواس يزود عليك القلق والخوف ويخليك تصدقي مخاوفه وتقتنعي انه حقيقي، لازم تتجاهلي وع الأقل كلي خبز فواكه خصوصا إذا المعدة عندك مضطربة كلي حاجات خفيفة تريح المعدة
اقول لك على مشروب سحري يهدي عليك حالة القلق والخوف اشربي ينسون وبإذن الله تحسي براحة اكثر

طيب خليني اقولك شي
الحين لك كم يوم ما اكلتي صح
لو تعرفين ان قلة الاكل تسبب قلق !!!
لأن الجسم يحتاج أكل و غذاء و لما تحرمين نفسك من الاكل تبدين تتعبين
وتدوخين و تبرد اطرافك و بعدين تبدين بالوسوسه والخوف
وهذا كله عشان ما اكلتي !!
بالعكس قومي الصبح وكلي وافطري فطور صحي و تغدي و تعشي وتقهوي وكلي سناكس بين الوجبات
عيشي يومك وانبسطي
والله مارح تستفيدين من الخوف في شي
الا انك تتعبين نفسيا وجسديا و تنحفين و جهك يذبل

وسوم وانعكاسات جعلكم ماتشوفون يوم تعيس بحياتكم جعلها كلها افراح وسعاده وهنا يارب ياحي ياقيوم
راح اشرب اليانسون ان شاء الله ...الله يجزاكم خير ويرزقكم الفردوس الاعلى ويشفينا ويشفي اميمتي ياحي ياقيوم

زوري طبيب نفسي وقوليله عذا الكلام

ايه انا زرته واكل حبوب بروزاك

خاف الدواء سد شهيتك عن الأكل تحقق من هذا الشيئ بوسعك تغيري الدواء إذا كان يسد الشهية

اختي الكريمة ،،

اصبري قليلا على الدواء حتى يعطي مفعولة ،، و تقيّدي بوصفة الطبيب و الجرعات ،،

بالنسبة للاكل ،، ممكن تاخذي فاتح شهية بعد استشارة طبيبك طبعا ،، و اسأليه عن الفيتامين ب12 على شكل حقن مفيد جدا في مثل حالتك
اضافة الى المغنزيوم هو ايضا رائع لمن يعاني من التوتر و القلق ،،

لازم تعرفي يا اختي ان التغذية الجيدة مهمة جدا ،، و ان نقص المعادن و الفيتامينات في الجسم تزيد من سوء من الحالة النفسية ،،

الله يجزاكم الجنه على كل نصائحكم وتوجيهكم الله يجزاكم الجنه ياحي ياقيوم