الله اختبرني وانا صغير
 

احلى ايام في حياتي هي الطفولة واصلا هي الوحيدة اللي كنت سعيد فيها..
لكن الحقيقه طفولتي بريئه جدا وانا بريء جدا بريء التفكير وبريء الضحك وبريء البكاء وبريء المقالب!
الين جت فتره غريبه في طفولتي فتره انا الى الان وانا بهالسن مافهمتها!
كنا نعيش في الاحياء الشعبيه القديمه وبيوتنا متقاربه وكذلك قلوبنا انا اتكلم عن الثمانينات والتسعينات الجميله..
المهم كان عمري 5سنوات او6 او 7سنوات مااتذكر بالضبط كان عندنا في سطوح بيتنا حيوانات نربيها اليفه حمام ودجاج وكتاكيت وارانب وحتى بط ههههههههه اخوي الكبير جابهم وكان هوايته يربي واحيانا يستفيد يبيع منهم
المهم..لقيت نفسي بدل ما العب مع الكتاكيت الصغيره لقيت نفسي اقتلها!
اي والله اقتلهها واعذبها عذاب الويل قبل تموت ولايغير في نفسي شيء بل بالعكس مبسوط.
كنت اتعمد اقتل بعض الحشرات بطريقه مقززة فيها تعذيب والم وانا عادي اضحك واحس اني منتشي..
بعضكم يقول طفل صغير اصبروا جاييكم في السالفه..
كنت صغيرا جدا ولا افهم بشؤؤن البنات لكن اذا شفت بنت والله تخيلوا اقرب منها بطريقه غريبه وانا والله حتى مادخلت المدرسه طفل صغير لكن فيه شيء غريب
المهم راحت الايام وكبرت وصرت مراهق كان عمري وقتها تقريبا 15 سنه بديت اشوف نفسي بشكل غريب واحس ان فيه شيء غلط فيني ..
انا مختلف جدا عن الشباب بعمري والاكتئاب بدا يشق طريقه بشكل فظيع كانه سيل هدار لايتوقف..
رايت ان الله سبحانه اخذ مني اشياء كثييييييييييره افقدتني متعة شبابي وقوتي واصبت بصدمة كانت هي الاخطر في حياتي واللي كنت فيها فعلا مستعد للانتحار بلاتراجع
نعم انفجعت وانصدمت في نفسي وشبابي ماني مثل الشباب مقدر اسوي مثلهم اي شي وطبعا افكار الحاديه عظيمه ومهوله الله يعصمنا وياكم
بعدها بفتره طووووووويله انتبهت ليش انحرمت من شبابي؟
لان الله اختبرني وانا صغير..
اختبرني مع البهائم فكنت وحشي
اختبرني مع النساء فكنت ...!
اختبرني مع قوتي فكنت ضعيف
نعم الله اختبرني وانا صغير
وطلع الشر اللي فيني الشر الكامن المخبوء فيني الله خرجه وورراني هوا من بدري وكانه يقلي عشان كذا منعتك من شبابك
عندها عرفت اني شرير واكتئابي ثمن ادفعه ان شاء الله للجنه يارب
تحياتي مستر صدمة

هل ترغب الآن في فعل ما فعلت ؟ هل ما زالت لديك نفس الرغبات و الأحاسيس ؟
هل تشعر بالندم الآن على تلك الأفعال ؟

أعتقد أنك تحتاج زيارة عاجلة لدكتور أو استشاري في العلاج النفسي ..
ليتباحث معك في أمر هذه الرغبات و الأفكار..

كان الله في عونك ..

الافكار كانت تجيني بعد ماكبرت بشكل متواصل لكن كنت اكبتها -ولازلت اكبتها-بل اصبت بالاكتئاب والتعب بسبب هالشيء كنت اكبتها بكل الوسائل حتى غلبتني لكن عن طريق الاكتئاب وليس فعل هذه الافعال تجيني على شكل نوبات هلع وقلق وشك..
نعم اكيد انا الان اتعالج واخذ ادويه لكن بصراحه انا مااقدر اروح لاستشاري سلوكي صعب علي جدا التحدث امامه صعب علي جدا جدا جدا يمكن لو تكلمت اسوي شيء غلط عشان كذا اكتفيت باعلاج الدوائي ولعلي هنا من خلال فضفضه ارتاح كثير ويزول عني كثير من البلاء وخاصة بوجود امثالكم يوجهوني وينصحوني ويشدوا على يدي لين الله يفرجها