تعالوا شويّ .. !
 

السلام عليكم و رحمة الله وبركاته

ابا اقوللكم عن شي يصير فيني بكثره هالأيام ، اللي هو الضيق المفاجئ ..
يوم الأثنين اللي طاف نشيت من النوم و كنت طبيعيه تلبست و تجهزت للجامعه.
ركبت الباص أول ما ركبت حسيت اني متضايقه وايد
تعرفون الضيق اللي يخلي قلبج مقبوض تحسون في شي بيصير كان مثله بالضبط
كنت وايد خايفه كان ودي و انا في الباص اصارخ و انزل من الباص
حتى كنت بقرا سورة البقره بس من الضيق و الخوف ماقدرت اكمل لين ما وصلت الجامعه
كانت عندي محاضره حسيت نفسي صدق مخنوقه ماعرف شو اسوي في نفسي
بس كملت و دخلت المحاضره لين ما خلصت ..
و مر الوقت لين اخر محاضره
الضيق زاد .. طلعت من المحاضره و انا مش قادره اتنفس احس ابا اطلع ارد البيت ..
مر الوقت .. طلعت كنت يوعانه كلت لي و الضيق بعده
شغلت نفسي بمسلسل اتابعه و نسيت شوي لين رجعت البيت
طبعاً كان يوم كئيب جداً قضيته في البكاء و الضيق ..
عقب فكرت و قلت يمكن هالضيق عشان موعد الدوره قرب !


الحين ابا اقولكم عن شي
انا اكون طبيعيه يوم انش من الرقاد بس من اركب الباص احس بهالضيق
مع اني ما اجلس في الباص بدون لا اسوي شي
يعني اقرا الاذكار و سورة البقره اشغل نفسي
بس اككون متضايقه و خايفه و احساس يخوف ماعرف اوصفه ..
والله تعبت و الحين و انا اكتب لكم متضايقه وايد احس نفسي مخنوفه
ماعرف شو الحل ؟
يعني اكون طبيعيه فجاءه يجيني هاكي الاحساس اللي خبرتكم عنه
اللي هو الضيق و الخوف و احس ابا اهرب من مكاني
تعبت والله :(

في حد مثلي يتضايق وايد و يحس بلي احسه ؟
تحسون من كثر الضيق الدنيا غريبه و الناس اغرب
و الخوف ملازمنكم ؟
تحسون صدركم يعوركم ؟

هل الضيق زايد عشان الدوره ؟
او الضيق اللي يخص الدوره يكون بس قبل موعدها ؟

ساعدونــي بارك الله فيكم :(

شكراً أختي على مرورج بس الضيق اللي فيني من قبل
يعني انا اقول يمكن زاد عشان موعدها
بس انا متضايقه من شهر و أكثر

ايوه يزيد كثييييير عادي
ويمكن لأن الباص قد حصلت لك نوبه من قبل
او قد حسيتي بخوف في الباص من قبل عشان كذا صار مرتبط
عالعموم أغلبنا يمكن مرينا بحالة مشابهه بس ماعليك تروح ان شاءالله

ردت لي الضيقه من شوي والله حسيت اني ودي بس اصارخ و ابكي بس ماقدرر لاني في الجامعه
ماعرف ليش قمت اتضايق وايد هالفتره :(

لازم تعالجي القلق الي هو سبب الضيقه يسمى في الغرب افة العصر وهو على فكرة المزاج انا مادري وشلون تروحين للجامعه وانتي تعبانه مايصلح وانا اخوك واذا عندك تحفظ وماتقدرين تروحين للدكتور النفسي انا مستعد اساعدك حتى تتعافين من القلق بانتظارك ماتشوفين شر

ماقدر اروح لدكتور نفسي :(

اتوقع بسبب قرب العادة الشهرية وبما أن عندك وسواس فهذا زاد معاه يعني كله شي نفسي ولاتفكري أن فيك شي خطير
اشربي مشروبات مثل اليانسون والنعناع مهدىة جدا للبال والله يعافينا ويعافيك عزيزتي