رعشه داخليه .. !
 

السلام عليكم و رحمة الله و بركاته
شخباركم مع الوسواس ؟
طبعاً من فتره أحس إني متضايقه و أعراض غريبه و عجيبه تستوي فيني
و أمس كان يومي كله بكاء بس أول ما طلعت اللي في قلبي حق اختي و فضفضت لها أرتحت !
اليوم الحمدلله انا بخير بس في شي يصير فيني هالأيام ..
و قريت عنه و أغلبهم يقولون من القولون !!
أنا باجر إن شاء الله عندي فحص اللي هو يخص البطن و المعده و بشوف شو النتيجه !

اللي يصير فيني غير الضيق و الخوف !
أحس فيني رعشه داخليه مش خارجيه ! مادري كيف الشي ؟
يعني أحس جسمي يهتز بس من الداخل
و فجاءه أحس قلبي يوقف أو يستوي فيه شي بس عقب أرجع طبيعيه !
حتى فجاءه أحس قلبي يدق بسرعه و يرجع طبيعي ..

مادري إذا في حد منكم صار له هالشي أو ؟

ليش مافي أي رد ؟

غريبة انا كتبت رد DSSDDSDS مايكونش طار مع الوسواس ههههه
اولا الحمدلله ع سلامة تحاليلك تبع المعدة
يعني كل اللي تحسيه بالمعدة هو نفسي وانا بصير معي كذا إذا مرت ايام وماكنت موسوسة أحس معدتي تمام واذا العكس معدتي تقلب رغم سلامة الفحوصات ومجرد عسر هضم وحموضة
وخفقان القلب اذا قصدك الضربة الغريبة وبعدها يرجع النبض هذا أظن خوارج الانقباض وهي حميدة وطبيعية عند ناس كثيرين وتجي مع القلق
والرعشة والضيقة اللي تحسيها تجي عندنا فتجاهليها أنت الحمدلله مافيك الا العافية فلا تعطي الوسواس مجال يروح يوسوس لك زيادة

لك تحياتي

حاولي تقري علي نفسك. الفاتحة ثلاث مرات واية الكرسي ثلاث مرات والصمد ثلاث والقلق ثلاث والنَّاس ثلاث
جيبي كاس فيه مويا واقري هذه الآيات عليه وشربي منه ورشي علي وجهك وصدرك وظهرك وامورك طيبه باْذن الله

أحس فيني رعشه داخليه مش خارجيه ! مادري كيف الشي

بخصوص هالرعشه من القلق تجيني كل يوم
ما تنوصف كانه هزه مستمر خفيفه تشعرين فيه
لكن ما يتحرك بجسمك شي ..
مثل هزاز الجوال بس خفيف
دكتور الباطنيه بيطلع فيكي الف شغله
روحي سوي تحاليل واشعه لو حابه تطمني
لكن اذا كانت اللي ذكرتها ترا قلق داخلي
انا اعراضي نفسيه داخليه مثل كذا

شكراً طمنتوني ، ترى والله احياناً اقول ها كله من القلق و كل حد قالي
لان كل شوي احس بشي مره بطني مره رعشه مره صدري
اقتنع و اتجاهل عقب ارد اوسوس.

الخوف والقلق والتركيز الزائد يسوون أشد من كذا ... انا مثلا أحيانا اجلس بالشهر والشهرين انسى انو عندي ه الحالات النفسيه بل اني انسى منتدى نفساني بالمره .. وفجاءه وبدون مقدمات ترجع الحاله .... جد قمه الإحباط

الرجفة ناتجه على القلق والتفكير السلبي بالأعراض الجانبية ومعها الوسواس

نفس حالتي بالضبط صارلي اسبوعين وانا بهالحالة
صديقتي قالت لي انو القولون العصبي يعمل هالرعشة
اسأل الله لنا الشفاء

هي عبارة عن فرفره داخلية وليست رعشة ( شرحها صعب )


لا تخافي

رعشه مثل الكربه خفيفه في الجسم من الداخل تصير معي
وخوارج انقباض هذه النبضات

حتى انا انسى اني عندي وسواس وقلق وحاله نفسيه وانسى المنتدى كم يوم ثم تيجيني انتكاسة قوية ارجع للمنتدى افضفض احصل نفسي اقوب لنفسي لاتصدقين نفسك ماعندك وسواس ولا ماقدرتي تنسينهم كم يوم وكذا وابدء اخاف واتوتر واهلع 😭😭

هلا

دايم تكتبين موضوع، عشان يطمنونك الاعضاء و ترتاحين فترة ويرجع لك الوسواس وترجعين تكتبين موضوع عشان التطمين وتستمرين بهالحلقة المفرغة

يسمونها في حالة الوساوس (ادمان التطمين )

راح تستمرين على هالحال لين تكسرين دائرة الوسواس ....زوري طبيب نفسي و انتظمي على علاج وريحي نفسك