ارجو تفهم حالتي
 

السلام عليكم كيفكم
ارجو منكم تفهم حالتي وتحديد بالضبط الي فيني
صايره احس بتنميل كثير خصوصا باليد اللي امسك فيها الجوال
واليوم قمت من النوم على تنميل بالرجل منعني من المشي خفت علما بان
حالتي النفسيه سيئة عندي ضغوط واحس باكتئاب ومافي شي يفرحني
وافكر كثير بالموت واوسوس والحين جتني صعوبه بلع وضيق بالتنفس
ممكن افهم اللي فيني وفي شي ثاني بيكمل اسبوع متجاهلته طبعا وهاليومين زاايد
اعلى يمين بطني تحت العظمه حقت القفص الصدري تقريبا هذي المنطقة كل ماامشي تعورني بشكل واتألم
بس اقعد الالم يروح!! واذا مشيت ولابذلت مجهود يرجع الالم بدا من بديت الجامعه تقريبا وجامعتي فيها مشي مسافات طويييله
يقولون انه كلى بس مااحس لانها مو في الخاصره الالم داخل ممكن تكون كلى مومتاكده بس لوكلى كان استمرت ماوقفت عند الجلوس ولا!!
حتى بحثت عن هذي الحاله مالقيت احد صايرله كذا وهذا الي زادني خوف وقلق تكفون طمنوني
يارب تطول باعمارنا وتشافينا

ما عليكي الا العافية الي معك هو قلق غيري من اسلوب حياتك ومارسي رياضة وحللي فيتامين د والغدة الدرقية واذا سليمة راجعي طبيب نفسي يوصفلك علاج وابعدي عن القهوة والمنبهات واستبدليها بالبابونج واليانسون

فعلا لاحظت مع الضغوط واذا ساءت حالتي يزيد عندي الوسواس والاكتئاب
انا اساسا شبه قاطعت القهوه والكافيين والمشروبات الغازيه خففت منها كثيير
وبالنسبه للبابونج مجربته وعلاجه فعال معاي بس حاليا هالفتره اشرب مغلي المريميه
ونفس البابونج تريحني كثير توني شربتها وصرت احسن الحمدلله

حبيبتي اكشفي على المرارة

تسبب الم اعلى يمين البطن
ضيق تنفس
يزيد الالم مع بذل المجهود

خوفتيني ايش هذي مراره

حبيبتي المرارة كيس تحت الكبد يفرز عصارة وانزيمات تساعد على الهضم وخاصة هضم الدهون ومرات يترسب فيها حصى مثل الكلية ويحتاج الشخص لازالة الحصوات بالجراحة والحين يسونها بالمنظار عملية بسيطة وهي عملية اليوم الواحد

وانا اقولك للاطمئنان اطلبي اشعة للمرارة وماتدرين يمكن يطلع هي سبب معاناتك

اختي الورده شكلها اعراض قولون طيب معك اسهال والا لا وهل يزود مع اكل الدهون واذا تعبتي نفسياً

شكرا حبايبي على ردودكم بس انا في الويكند حالتي الصحيه تصير افضل
مع الضغوط والدراسه اتعب فممكن يصير حالة نفسية
الروح والريحان بحاول ان شاءالله بس هاليومين الالم نفسه يجيني بالجهه الثانيه شوي و يروح
مثالي انا من الوسواس صرت قوقل امراض مايحتاج اقرا كل شي اعرفه صرت ههههههههه
جمان اذا تعبت نفسيا يجيني ضيق تنفس وكذا بس الالم هذا بس بالمشي يجي وقبل امس
جاني اسهال قوي وحسيت براحه وخف الالم واليوم بعد دايما يجيني واحس براحه وانتو بكرامه
وتجيني غازات واجد
ظل امراه الله يسلمك والله مشتاقتلكم اكثر ههههه ان شاءالله يكون حاله نفسيه مو اكثر وارتاح

نفس اعراضي وتزيد مع الضغوط النفسيه والدوام ، اشربي بابونج 3 مرات يومياً ، وتجاهلي كل اللي تحسين فيه وكثري من الاستغفار واشغلي نفسك قدر الامكان