شو هالاحساس ؟
 

السلام عليكم و رحمة الله و بركاته

إحساس يديد احس فيه هالأيام
من اقعد من النوم لين ارجع انام
ييني احساس غريب اللي هو اكون افكر في الموت
بس احيانا ما يكون فيني ضيق يعني او هلع مجرد احساس غريب ان بيصير لي شي
و كأني اراقب اليوم و انتظر شو بيصير ؟

مادري كيف هالاحساس ! و فجاءه بعد احس اني مب عايشه في البيت او مب عايشه اصلاً
أخاف من البيت و من أهل البيت و من كل شيء حولي ..

و كل شوي اتذكر موقف من الماضي و اقول انا ليش اتذكر الماضي بهذه الصوره ؟
و من كمن يوم ما اروح للجامعه من الخوف اللي فيني
و الغياب طبعاً زاد عندي و الحين اذا ما رحت خلاص برسب
ف في شي يقولي انتي ودرتي الجامعه لأن ..

مادري :(

انا تعبت والله :(
يوم اقول هذا وسواس اقتنع نص يوم و ارد افكر بهالاحساس
والله يوم اتذكر ايامي الحلوه اقول مافي امل خلاص ترجع لي و اعيشها
والله مادري كيف احس :(

احساس مرينا فيه كلنا
هذا كله من الشيطان
وكلها وساوس
لأنك مستسلمه لها
ومخليه الافكار تتوالد بعقلك
وانتي مستمره معها
كل ما تطلع فكره جديده رحتي بحثتي فيها واستمريتي فيها
لازم توقفين هالافكار هالوسواس
صح الموضوع صعب وانا مجربته
لكن لازم لازم لازم تتغلبين عليه
شوفي كم مره تنزلين موضوع تشتكين فيه ؟
الله يشفينا ويشفيك جميع

والله صعب اقنع نفسي
اقنع نفسي ارتاح تيي نوبة هلع خلاص استسلم ..

ي حبيبتي كلنا نحس بهالاحساس عليك بصلاة الليل والدعاء عليك ب الصدفه بنية الشفاء لاتخلين هالاحساس يآثر عليك لأنه مب احساس حقيقي طنشي والله انا يجيني اقوى من احساسك بس احاول اطنش واشغل نفسي ب اي شي .. لو فتحتي مجال للوساوس راح تتعبي أكثر ررددي بينك وبين نفسك قولي انا قويه انا اقدر اتغلب ع لاحساس شوفي مقاطع مضحكه انسي همك وتقربي من الله اكثر لان القرب من الله راحه ...وانا واثقه انك قويه وراح تتغلبي ع أحاسيسك ...الله يشفيك ويريح بالك ..

والله يا اختي اني اسوي كل اللي قلتيه
يومين احس اني تحسنت و فجاءه ارد اضعف عن قبل
مليون فكره مليون احساس
و اللي يخوفني ان احس اني الوحيده اللي احس بهالاحساس مع اني قريت عن كذا حاله و قريت عن كذا احساس مثلي
بس ما اقتنع.