الوسواس و انا ..
 

السلام عليكم و رحمة الله و بركاته
طبعاً انا من فتره حالتي حاله كله ابكي و اجلس بروحي ما ااكل ولا شي من التفكير و الخوف
امس من الضيق اللي فيني كنت اصارخ و اقول تعبت ف اهلي خافوا عليه و طمنوني و قالولي ب شو تحسين ف فضفضت لهم و قلت لهم معاناتي ،،
اليوم ما يلست مع نفسي كله معاهم و شغلت نفسي حاولت ما ابكي و الحمدلله قدرت
ف الحين فجاءه ياني احساس اني بخير مافيني شي
اوسوس صح وللحين افكر بس تحسون انكم هادين تحاولون تشغولون نفسكم و يالسه اسوي الاشيا اللي كنت اسويها قبل الوسواس

الحين عندي سؤال ليش رجعت طبيعيه يعني خايفه من هدوئي
هل لاني حاولت اتجاهل و ايلس مع اهلي ؟

فاهمين عليه ؟

طبيعي انك بتصيري هاديه لانك تجاهلتتيه واشغلتي نفسك عن هالوساوس
انا كذا اذا تجاهلته اصير هاديه ومرتاحه وقت يرجع لي الوسواس احس كل وجع الدنيا فيني وطول الوقت قلقانه.... لاتوسوسي الهدوء طبيعي استمري تجاهليه لاتنعزلي اختلطي مع اللي حولك لاتخلي وقت فراغ لتفكير ...

شكراً حبيبتي على المرور.

لا تجلسي لوحدك الا لقراءة القرآن والرقيه واسال الله لي ولك الشفاء العاجل

عادي حبيبتي لانو شغلتي نفسك وجلستي مع اهلك منيح حبيبتي خليكي هيك تجاهليه واشغلي نفسك واضحكي وَيَا اهلك حتى انا الحمد الله صرت أحسن صرت اجلس مع اهلي واضحك واطلع وَيَا صديقاتي يارب تشفينا وتشفي جميع أمة محمد

طبيعي ذا الاحساس
تحسين انك عاديه وهاديه
وخايفه من هدوءك
لانك مو متعوده على الهدوء
تعودتي على القلق و الخوف والتوتر
كويس اشغلي نفسك قد ما تقدرين
واجلسي مع اهلك واخواتك

هذي المشكله ، لما نهدأ نترقب متى الوسوسه والقلق الجاي... لكن رح نتعود عليها باذن الله

طبيعي لانك قعدتي معهم وتجاهلتي الافكار السخيفة وكمان لما ترجعي للدراسة او تلتهي باي نشاط معين خارج المنزل رح تنشغلي اكثر واكثر وتصيري احسن