وسوستي بالامراض
 

بسم الله الرحمن الرحيم
السلام عليكم ورحمة الله وبركاته.
انا ي اخواني واخواتي تعبت صرااحه كل سنه اوسوس بشي وتعبت من هل شي وانا انسان اخااف من المستشفى واحاف من الابر واخاف حتى من موضوع العروق والدم من اسم اسمه اتشنج يعني احس اني ابي انسدح ماحد يلمسني للدرجة اهلي بالبيت يعاندوني بهل شغله مثلأ عروقك باينه او من هل قبيل عن طريق الغشمره وانا الحين فيه حاله وسوسه جديده هيه بعيوني تكفون بسألكم ولا تخوفوني لاني مابي اروح للمستشفى العيوان اخاف يقولي شي يوقف قلبي عنده المهم انا بقولكم القصه بختصار تغلبت ع الهلع والخوف والشعور يالخنقه والحمد الله وبدت حالتي تتحسن بشكل كبيررررر والفضل لله ثم لمي 😢 كلوني اهلي انهم طالعين للبر وكانت الدنيا بيضاء من الغيوم وانا اطالع للسماء اشوف مع حركة العين مثل الشي الرمادي او شي ضل او سراب يتحرك مع العين مجرد مالف عيني يمين وتصل للمكان الي ابيه مثلا تكون العين بجهت اليسار اول مابدى الحركع تبان مجرد الوصول لليمين تختفي هذي شي طبيعي ولا لا وشغله ثانيه فيه مثل النقط السوداء تتحرك بعيني او فيه دايره صغيره داخلها نقطه صغيره مثل حبت الرمل وانا اسأل اهلي يقولون لي عادي كلنا فينا وانا احس انهم يعطوني من الرخيص وفيه شغله ثانيه البارح رحت ادخل غرفتي وطبعأ حاط لمبة لد وقويه وطفيتها وظلمه وقمت ادور الشاحن عند سريري وطالع احت ولف عيني يمين ويسار احس مثل الضو يبرق بكل حركة عين بس بالظلمه ولما افتح اللمبات ماشوف شي طمنوني الله يطمنكم وخبروني شنو تشوفون بعيونكم الله يوفقكم

مرحبا بك اخي

مدري بعطيك مثال قبل اقولك اي شي، لو الشخص صار يتابع ضربات قلبه بشكل دائم وصار فيه سرعه بالضربات او بطئ بيخاف لانه تابع الشي ذا وبغض النظر عم سبب سرعة الضربات او بطئها. يعني ما يقول انه زادت سرعة ضرباته لانه خايف، بس بيقول قلبي يضرب بقوه اكيد في شي غلط.

اقصد يا اخي، ان الوسواس يسبب خوف، الهوف يخلي العقل متيقظ والاعصاب مشدوده جدا، عالشي هذا يسبب صداع وشد اللعصاب يتعب العين والجسم بشكل عام. طبيعي جدا تشوف امور تتحرك وهي ثابته من جانب العين انا اشوف هالشي عادي وهذا بسبب ان اعصابك مشدوده. وطبيعي جدا انك تشوف ومضه بالظلام خصوصا ان في نور قوي طفيته وهالشي طبيعي لان النور المجهر يأثر على العين بعد ما تطفيه.

الجميل بالموضوع انك عارف انه وسواس ، لكن السئ بالموضوع انك ما استشرت طبيب وصرفلك الدواء المناسب. كل الي فيك هذا بسبب الخوف والوسواس لا اكثر وعشان اطمنك،،، الشخص الي ترتفع درجة حرارة جسمه عيونه تحرقه وتصير تدمع بس ما يشتكي من عينه، يشتكي من الحراره لانه حرارة العين تحصيل حاصل عارض جانبي من الحراره واذا عالجت الحراره اختفت حرارة العين.

مثله مثل الخوف والوسواس ، انت خفت على عينك الان وتحاول تسأل عن العرض الجانبي للمشكله الرئيسيه الي هي الخوف والوسواس. بمجرد تعال هالخوف والوسواس بترجع عينك طبيعيه.

الله يكون بعونك

انا نفس الشي لما ارفع عيني نفس الخيال الابيض اشوفه ارد اطالع يختفي ومرات احس نفسي مينونه ان مثل دخان ابيض اشوف ولما اركز يختفي يمكن من التوتر او الخوف ... وقالولي من الهوا الي بالراس الفري اسمه ... انا قالولي تبخري بقلاصين ماي فيهم ملعقه كمون حب ونص ملعقه حبه سوده وقطعه مره خليهم يغلون بقدر صغير وحطي فوطه على راسج واستنشقي دقايق بعدها لف الراس بالفوطه نفسها نص ساعه .. انا ارتحت من الطريقه

ااه الله يعطيكم العافيه ماقصرتو الله المعافي بيعافينا
مافي حد مثلي تكلم عن تجاربكم 😢😢😢😢😢😢😢😢

وسوسه طنشها والنقط الي تشوفها بالجو كلنا نشوفها

انا بعد عندي نفس الوسواس و مابقى مرض الا وسوست فيه
لدرجة اتخيل امراض مو موجوده حتى لو تجيني انفلونزا عاديه اخاف و اتوتر
حتى لو صداع اكبر الموضوع لو الم بعظامي اقول يمكن يمكن مره مره تعبني
بصراحه وسواس الامراض دوامه ماني قادره اطلع منها

بس انت وكل امرك لربك و دايم استغفر واعرف ان ربي ارحم علينا من الام بولدها
وانه مايحمل نفس فوق طاقتها

الله يعطيكم الصحه والعافيه ويفكنى من هل وسوسه
يالله ((اللهم ياولي نعمتي وملاذي عند كربتي اجعل ما اخافه واحذره بردا وسلاما علي كما جعلت النار برداً وسلاماً على ابراهيم) )

دعاء رائع ألتزم به في سجودك دعاء لكل من وقع في مشكلة او ابتلاء او خوف او توتر او مأزق - الشيخ صالح المغامسي..

بالنسبة للأجسام اللي تشوفها في الشمس سواء رمادية او بيضاء عند تحريك العين هذي اسمها الذبابة الطائرة
من فترة حسيت فيها و أنا عندي وسواس و خوف من الامراض فخفت جدا و رحت لاستشاري عيون و قالي هذي اسمها الذبابة الطائرة هي مو مرض و لا لها حل الا التطنيش بس
اتوقع انها عند اغلب الناس بس لاننا عندنا القلق زايد و التركيز على صحتنا و رد فعل اجسامنا قوية فنحس بكل شي

هاذا يدل علي ضعيفه الوزن ولا تاكلين جيدا
لازم تغيري من حياتك الي متي توسوسين
لازم تجربي التطنيش وتجربي ان تشغلي نفسك
انا قبل لاريد الرد علي سؤالك لكن قلت راح ارد بطريقه غير
لانك جاوبتي بنفسك علي سؤالك وقلتي انا موسوسه نعم كل انسان فيه كل شي تكلمتي عليه بنسبه للعين..
وفقك الله ورعاك جربي ان لا تسمعي صوت عضامك او تتحسسي نفسك

هذة أعراض قلق حاد فلا داعي للقلق من أي أعراض جانبية

يعطيكم العافيه

بسالك اخوي انت قد كتبت هالموضوع قلل؟! احسني قريته ماعرف هو انت نفس الشخص ونفس القصه

ايوه اكاتب موضوع مشابه له لاني موسوس لاتخاف ادري انك انلخس مخك هههههه لا توسوس

ايوه اخوي لا تخاف انا كتبت موضوع مشابه لا توسوس هههههه حاس فيك