خدعة الأعراض، والنوبات ( تعرف على الهلع اكثر )
 

السلام عليكم

مسائكم خير جميعا


حبيت اكتبلكم اليوم عن خدعة اعراض الهلع. لكن كيف خدعة؟

معروف ان اغلب المصابين بنوبة الهلع، يصبحون قلقين من تكرار النوبات،،، وللأسف تتكرر دايما.

طيب ايش الأسباب؟ السبب الرئيسي هو اضطراب القلق. مشكلتنا احنا اصحاب النوبة اننا نصير قلقين دائما وطبعا متوجسين دائما. وطبعا نصاب بالوسواس لان في عندنا اعراض جسديه محسوسه كالدوخه وثقل الراس ..... الخ.


لو فرضنا اننا جالسين والمكان شوي يبيله تبريد ونزلت نقطة عرق من جبهتنا،،، على طول نحس فيها ونقول شكلها النوبة ونتوتر جدا ونخاف ونصير مشدودين وهنا رد فعل جسمنا الطبيعي تكون اعراض الهلع لانه يتجهز للخطر وتجينا النوبه. لو اننا فسرنا العرق على انه شوية حراره كان الموضوع مشى بسلام ولا تجي النوبه.

لو فرضنا ان الشخص يمشي وجاله صداع فجأه، على طول يفسر انها احد اعراض النوبه ويبدا يخاف ويتوتر ويستحضرها والجسم ما يقصر يقول ابشر وتصيبه النوبه. مع ان الصداع كان اساسه يمكن زيادة كافيين، او انه يمكن بدت تجيه نزلة برد او لاي سبب كان.

فهذي احد اكبر الاسباب لنا لتكرار نوبة الهلع

اتمنى ان هالشي هذا يكون مفيد وان شاء الله نتغلب على هالمرض

والله الله يجزيك خير
هذا اللي بحسو يحصل تماما

و في شيء تاني أحسو ومادري إن كان صحيح ....
وهو لما أصير معصبة وتعبانة أحس الاعراض راح تجي
الحمد لله هي من مدة طوييييييييييييييييلة راحت النوبات الحقيقية و الله لا يرجعها يارب
و أنا متجهزة لو نوت تجي هههههههه
وأول جواب لها
ماراح أمووووووووووووت فاطمني

صحيح عين العقل، على الاغلب ان النوبه احنا نستحضرها ولو جت عندنا ف افضل شي ممكن نسويه ننتظرها تروح وتزول لان مافي شي اخر يردعها الا القلق الي احنا سويناه قبلها.

وفعلا، ما رح نموت من الهلع

ماندوزا ماشاءالله عليك أنت موسوعة في معلومات الهلع بس بسأللك عن عرض مستمر معي دايم يجني احساس ان قلبي بيوقف هل العارض هذا مر عليك

هلا بك صديقي

لا والله ماني موسوعه بس صرت اقرأ كثير وابحث واحفر واستفسر واستطلع واشمشم هههههههههههه، يقولك ايش الي جبرك على المر، قال الي امر منه ههههههههههههه

عسا ربي يشفينا من كل مرض يا رب.

بالنسبه للقلب، احساس انه بيوقف لانه يضرب بسرعه تقصد او فعلا يوقف؟

لا ماأقصد يضرب بسرعة اقصد انه يجي عارض احيانن افكر بالقلب انه ماينبض مجرد احساس كاذب هذي الي اقصد

لا هذا عادي جدا ،، اعتقد لانه وقت الخوف يكون النبض محسوس بس لما يصير غير محسوس يحون شي غريب عليك. احس انك تحط يدك على قلبك تتحسس النبضات مرات.

ما عليك هذا عارض وبيزول وسوسه بسيطه فقط

جزاك الله خير اخوي ماندوزا

صح كلامك
غالبا النوبه تكون بسبب فكره
واحنا اللي استثرناها
عشان كذا جات
بعض الناس جسمه صار عنده قابليه للنوبات
مجرد ما تجيه فكره يستجيب لها
مو شرط تستجيب لها بعقلك الواعي
ممكن تستجيب لها بالعقل اللواعي بدون ما تحس
وتستغرب بعدين كيف جاتك !
فهي غالبا تنشأ من افكارنا

ههههههههههههههه مت ضحك على اشمشم...

بس كلامك فعلا صدق انا لو يجيني شي تافه قلت هاه جت النوبه واصير شاده اعصابي ..والغثيث لما تجيك وانت عند ناس هنا تكون قوووويه

وياك يا رب ونحن بالخدمه دائما

اي والله انا كنت كذا، اكون قاعد وتجي ببالي النوبه توني لسه افكر فيها ، وتضربني على طول .

اي اغلبنا كذا ، لو ما نفسر كل شي انه بداية النوبه ما تجي لكن الشكوى لله بالنهايه كأننا تعودنا عليها ههههههههههه

اي عند ناس تصير قويه، اتذكر مره جاني واحد يتطمن علي بالبيت وانا معاه بالي مشغول ، يا رب بتجي، ما بتجي، بتجي ، ما بتجي.... وشوي بدست ادوخ، قلتله بجيك شوي .... ورحت طبعا اتالم من النوبه لاني ناديتها اخر الفلم ورجعت له وقلتله معليش حرك بنام تعبان هههههههههههه

كالعاده مبدع ي ماندوزآ ..هههههههه حلوه تصريفتك لخويك عاد احمد ربك انه موب نشبه ولا كآن لزق فيك وتتورط انت ونوبتك )'
النوبه مالهآ وقت معين انا تجيني وقت اكون مبسوطه بعد!!! ):' هف
تدري ان احنا ندعمهآ ب الافكار نغذيهها يعني لو نتجاهلها ماكان استمرت معنآ.....لكن الله كريم وبيفرجهآ ..

اي هذي نوبات القلق فعلا احنا نغذيها صحيح، بس نوبة الهلع ما تحتاج تغذيه تقولك مرحبا بك هههههههههههه

لكن فعلا الهمتيني اكتب موضوع شكرا لك هههههههههههههه

وشكرا لمرورك