يافارج الهم
 

احبائي السلام عليكم . انا أعاني منذ سنوات من الامراض النفسيه وزاد علي بالسنوات الأخيره أعاني من حالة ذعر وخوف واكتئاب ، اذا تعب احد أولادي امرض معه حراره بجسمي وخوف واتردد على الحمام ، ماعندي صبر ابد وهذا مايتعبني لااتحمل اي خبر ، حياتي هم ودي أعيش طبيعيه مرتاحه ، اجلس مع الناس واضغط على نفسي ، افكر في شي اخر ،لااحس بطعم السعاده ، حتى مع اللي احبهم لااشعر بسعادة ، اي وجع احس فيه اوسوس ،الدواء النفسي مامنه فايده احس ، خدعه . احسه يهديء شي ويثير اوجاع اخرى ، الحمدلله انا ام وماعندي مشاكل في حياتي ومع ذلك مريضه نفسيا . الصبر عباده اتمناها من كل قلبي وعدم الجزع لان الله ابتلانا من حبه لنا والمفروض نفرح بكل شي من الله ، لكن أنتم مجربين ، انا أخذ السيبرالكس 20 مايسمونها حبوب السعاده ، الحمدلله دائماً وابداً

الي فيك قلق ولا وصلتي لإكتئاب الحمد لله.

كم لك على الدواء؟ اقصد المده؟

لي سنه على العلاج جربت الباروكسات ماناسبني

وهل من سنه على نفس الجرعه؟ والباروكسات ما ناسبك يعني عطيتيه الفتره الكافيه او كانت اعراضه مزعجه؟ لان فعلا اعراضه مزعجه جدا وتطول.

عزيزتي جربي العلاج السلوكي اتوقع راح يغير مسار امورك للأفضل

جربته جلسه احس مااعجبني ووقفته ، تدرون افكر اوقف العلاج واشوف وضعي ، تعبت من الوسواس كانت مشكلتي خوف وقلق زادت وساوس واكتئاب

عسا ربي يوفقك

واضح تبحثين عن علاج سحري وهو للاسف غير موجود واهم مراحل العلاج الصبر. طول مدة المرض تجيب الوسواس وعدم علاجها مهما طالت المده تعذيب للنفس والبدن ولا اعتقد ان هذا ما نريد.

ما اعرف ايش الي لم يعجبك بالعلاج السلوكي او الدوائي، والي تستخدميه حاليا ما فادك ومع هذا كملتي سنه معاه ولا اعرف سبب الجلوس سنه كامله بعلاج ما فادك. الصبر ، يعني الصبر على العلاج لكن معروف ان ما اتى بنتيجه اي دواء بمده اقصاها 8 اسابيع ( نتيجه يعني تحسن ولو 10 بالميه ) فمعناه غير مناسب. اما اذا جاب نتيجه في هذي المده حتى لو واحد بابميه هنا نستقر عليه ونرفع الجرعه ونتعالج سلوكيا.

عسا ربي يشفيك من امراضك ويشفينا من امراضنا وان شاء الله يفيدونك الاعضاء بالحلول المناسبه لوضعك باذن الله

قدامك العافيه

ترك الأدوية النفسية دون إستشارة طبيب او اخذها من قرار الطبيب

اخوي انا ماابي علاج سحري ابي تحسن ابي ارتاح أنا لي 15 سنه أخذ الادويه ومع العلاج فيه تحسن ملحوظ لكن قبل سنه حدثت لي انتكاسه قويه هزت كياني , اذا العلاج السلوكي ينفع اروح من الليله بس دخلت عليه ماعنده الاتمارين انا اللحين اتأثر من الامراض من المصائب احد قالي مشكلته اعيش معها كأنها مشكلتي

مافيها شي الشخص ينتكس ويتعلم من الخطأ بخطته العلاجيه.

انصحك بالآتي وطبعا الخيار لك

تزور طبيب نفسي يصفلك علاج وتكلم معاه عن تاريخ علاجك عشان يعطيك الجرعه المناسبه وقد يتدرج ليعطيك القصوى خلال شهر. خذ العلاج ولا تعمل شي ، خلي الوسوسه والخوف تزيد مافي مشكله ولا تحقر الافكار ولا شي خليك بس قاعد وتحمل لحظ ما تخف الاعراض الجانبيه. بعد كذا ابدا بالعلاج السلوكي ، بعد بداية الدواء ب 6 اسابيع ابدأ بالسلوكي وان كانت تمارين عادي نفذها. ولما تاخذ جلستين سلوكي ، ابدأ هنا فكر بالوساوس والخوف وابدا حللها بنفسك واستدعي الوساوس بنفسك وابدأ فندها كلها عادي ، حتى لو كانت تبي تفندها باستفسارات بمواضيع بالمنتدى عادي.

وانا اشرط عليك بإذن الله اقل من ثلاث شهور بتكون عدت لحياتك من جديد.

ولا تنسى الدعاء بالشفاء بعد كل صلاة

وقدامك العافيه