نوبة الهلع، و قاعدة الخطر وينه؟
 

السلام عليكم

رح اتكلم عن نوبات الهلع الان وكيف ان تصرفنا هو الي يطولها. طبعا هي تفرق عن نوبة القلق وانا كتبت موضوع عن الفرق بينهم لكن الهلع يجي مع نوبة القلق، يعني لما نستحضره ونخلص هنا المشكله. وطبعا مرضى الاكتئاب والرهاب كلهم يجيهم الهلع الي نستحضره ولما نستحضره خلاص هنا الحل الانتظار ولكنها مرات تطول ليش؟ هنا بيتم الشرح لان كل السالفه مثل ما قلت بمرات سابقه( القلق ). طبعا القلق موجود بكل الامراض النفسيه والان مع بداية عام 2010 صار هو مرض العصر بعد الاكتئاب. اما الهلع، فهو معاك معاك والله لو تروح وين هههههههههههههههه.

طبعا كلنا نعرف ان الجسم تصير فيه اضطرابات بالنوبه وهذا الشي الي يولد الخوف ودائما نقرا الشروحات ونفهمها لكن برضو نرجع نخاف. طبعا الخوف هو احد امور الهلع وهذا شي طبيعي. بس للتذكير، نرجع ونعيد ونفسر ايش يحصل للجسم هشان نخليها حلقه بإذننا


الرؤية المشوشه ---- العين تركز اكثر يشكل كبير عشان نشوف افضل
ضربات القلب السريعه ---- ضخ دم اكبر للجسم
التنفس ---- الجسم ياخذ اكسجين اكثر واسرع
الم الصدر ---- العضلات مشدودة وجاهزه
تنمل اليدين والرجلين ---- الدم يتدفق في العضلات بسرعه كبيره للتجهيز
الصداع ---- الدم يقل بالمخ لان ما تحتاج تفكر اما تهرب او تواجه وصار تركيز الدم على العضلات


طبعا هذي كلها امور معروفه لكن خلينا نقول مثلا شخص انجرحت رجله. اتوماتيك بيتعور ويبدا يخاف وكل الاعراض الي فوق بتجيه بالضبط ولا شي ناقص لكن لان الخطر موجود وهو الجرح ما بيكون مرعوب اصلا من الاعراض ولا بيعطيها وجه. ولو احد قاله الجرع عميق وصل للعظم، بتلاقي ضغط بصدره ويدوخ ويقول من جدك، لانه قلق جاه لكن مع انه فيه الضيق والدوخه، ما يقول نفسي انقطع او دخت وش فيني لانه عارف انه خايف ولما يتأكد ان الجرح سطحي الضيقه تروح عادي والدوخه لان خطر الاصابه مو كبير وتشوف كل الاعراض تبع الهلع تنخفض على طول.

لانه عرف الخطر، الاعراض راحت كلها وراح يعالج الموضوع.

خوفنا من الاعراض حقت الهلع هي الي تخليها تطول وتخلينا قلقين وتفسيراتنا الي نقول فيها بموت، ذبحه صدريه، ...... الخ. وهنا مع ان النوبه تروح بس قلقنا يستحضرها مره ثانيه ف تصير السالفه طويله وهنا نحس ان النوبه ما رح تنتهي.


هنا نقدر نقول اننا لازم نتعامل مع نوبة الهلع على انه شي غير مريح. كيف؟

لما تجيك نوبة الهلع، رح تروح تزيل الخطر بكل قوتك عشان ترتاح مثل ما حصل مع صاحينا س من الناس الي انجرح فوق. ولما راح الخوف وتطمن النوبه راحت.

اما احنا الهلع عندنا يجي بدون مصدر خطر، واحنا نغذيه بالقلق بتفسير الاعراض الي تجينا بالنوبه وهنا يصير الخطر وهمي ما نقدر نزيله وهذي هي المعضله. عامل نوبة الهلع ( وليس القلق ) على انها شي غير مريح. يعني مثال: لو تبي تشوف قناتك على التلفزيون، واخوك يشوف دعايه وقالك اوك دقايق بس تخلص الدعايه واحط قناتك. هذا شي مزعج لكنه بيزول وهنا انت بس تنتظر لين يخلص وتشوف قناتك وانتهى الموضوع. اما لو عاملت اخوك مثل ما تعامل الخطر بازالته، ف رح تتناقر معاه وتطول السالفه واحتمال تزعلون وتطفون التلفزيون ولا اخذت الي تبيه.


ابدا دائما لما تجي النوبه، اجلس وانتظرها تروح ولا تقلق من خوفك لان ما رح يسوي شي غير انه يزيد الطين بله. مثل لما يحطونك بجهاز لقياس نبضات القلب ويجي احد يقول استرخي وابي نبضك طبيعي ولا بفرغ براسك المسدس. هنا مهما عملت رح تبقى متوتر وتفكر بالتوتر وتخاف تتوتر وهذا ما رح يزيدك الا توتر.


اتمنالكم يوم سعيد واسف على الاطاله

كلام يستحق ان يكتب بماء الذهب لمن ابتلو بالهلع

شكرا لك اخوي الله وشكرا لمرورك يا ذهب

موضوع مهم سلمت يمينك يا مبدع

شكرا لك، ومرورك يشرفني يا صديقي

جزاك الله خير اخي ماندوزا ،،

كلام سليم و في الصميم ،،

امين وياك

موضوع رائع سلمت يمناك اخي الكريم

الله يسلمك من كل شر