مواقف مع الافكار السلبيه
 

السلام عليكم ورحمة الله

طبعا الموضوع ان كل واحد يسدح مواقفه المضحكه مع الافكار السلبيه
واتضح له بعدين ان افكاره كلها سخيفه ومغلوطه

انا ببدا
مره كنت مع امي بالسوق وتبي تبدل شغله
المهم لما وصلنا لكاشير التبديل طولنا مره
قالت لي اطلع انتظرها برا قلت طيب
طلعت و جلست انتظر قدام المحل
جلست يمكن 5 دقايق وخففففت مره
جلست اتخيل طاحت والا صار فيها شي بعيد الشر
وقمت اركض للمحل ادور عليها واطالع في الحريم زي المجنونه
اخر شي لقيتها تنتظر الكاشير عشان الفاتوره وكذا
وبغيت اصفقني مع ذا السيناريو الخايس اللي حطيته لي وانخرشت بسبته 😑🔪




يللا دوركم ...

😂😂😂 انا مره اختي كانت نايمه لفترة طويله وخفت وقمت اوسوس ورحت جري اصحيها وصحيتها بقوه لدرجة خليتها تصحى مفجوعه من نومها وتسبني حد كذا يصحي الناس بس شو اسوي اي حد يكون نايم يقلقني يعني مو من نفسي بس كذا صرت اخاف ع الكل بعد

اييييه مثلي ههههههههههه 😭
اشوف اللي نايم يتنفس والا لا
واخاف اذا طول بالنوم

ههههههههه الحمدالله حد نفسي ،انا بعد اشوف اذا يتنفس او لا ..

ههههههههههه ضحكتيني


والله انا بد نفسكم اذا راح احد فتره طويله اقعد اوسوس واتخيل ان فيه شي

واذا احد نام اسكت واتاكد اذا يتنفس ولا لا :((

واكثر من مرا امي تقولي بسم الله شفيج فوق راسي خرعتيني :(((

وانا اقولها لا مافيني شي :((( وانا من داخلي اقول الحمدلله

ههههه مواقف طريفة والله الأفكار السلبية عاملة فينا عمايل ربي يهده ويبعدها عننا الآن مايحضرني موقف بس افتكر واقولكم

مرة كنت نايمة انا وبنت خالتي في الغرفة وفجاة صحيت مسكت الجوال اشوف الساعة ونسييييت ان بنت خالتي موجودة هههههه لما ضوء الجوال جا على شعرها اخذت اصرخ زي المجنونة مادري كيف تخيلتها كانها وجه عبارة عن كومة من الشعر ههههه تخيلت انها مخلوق غريب يبي يأذيني

جعله دووم هآلروقآآآآن #*
عصرت مخيخي عصر تذكرت موقف الله لايعيده من موقف (:
هو صآر لآختي وقتهآ كآنت تعبآنه وهي قآيله لآمي انها بتآكل وتنام وراحت غرفتهآ
وجتهآ النومه بوقت غلط يعني وهي تآكل
الموهيم آسمع صرآخ آمي واركض ع غرفتهآ بشوف وش المصيبه اللي صآيرهه
واتفاجىء بوضع آختي صرآحه وضع وحدهه ميته بآقي تتكفن بس ...وامي تصارخ ع بالها ميته لان الاكل بفمها وبقايا الساندوتش مرمي جنبهآ هههههههه

يممممممه ههههههه 😂😂😂😂😭😭😭
عاد احنا بيروح بالنا شي ثاااااني بسم الله
ما ألومك يخوف صدق

التعمق بالأفكار السلبية تزيد من حده المرض النفسي حتى في ظل تناول الأدوية

مادام العقل والقلب مشغول بالوسواس سوف يظل الوسواس يتغدى من هذة الأفكار والمخاوف

سوالفكم عجيبة 😂😂

سالفتي شبيهة بسالفة طوق الياسمين .. مرة كنت نايمة في الليل و انا بعز نومي حسيت بشي و فتحت عيوني الا ولدي قدام وجهي و الدنيا ظلمة 😂😂 بغيت اعطيه كففف من الخرعة 😂

يمممه رعب 😭😭😭😂
انا كمان مره كنت نايمه و صحيت فجأه اشوف اختي واقفه قدامي بالعبايه
بس معطتني ظهرها جاتني نففففظه 😭😂😂
احسبها شي ثاني خففففت كذا اسود و طويل

ع بالك وش جني هههههه مواقفكم عجيبه

ايوه للأسف هههههههههه