ام سما _المكتئبه _الموسوسه_اي احد متصل تكفون ادخلو
 

مدري وش اسوي االوسواس عندي في القمه الخوف مضاعف بس اصيح وافكر واتخيل موب قادره اكمل تعبت نفسيتي تعبت هموم وسواس خايفه من الناس والله اكتب لكم وانا اصيح معرف شسوي وش الحل اهلي ملو مني ودكتوري النفسي مسافر كل وقتي اتامل بالسقف واصيح وافكر ....يااامغيث اغثني وفرج همي....وش رايكم عطوني حلول

يا يت اختي تقراي الحلول اللي كتبتها في موضوعك السابق والله العظيم راح تشفيكي خلي عندك ثقه بالله افعلي هذه الأشياء ليس تجربه ولكن يكون عندك يقين اذا فعلتي هذه الأشياء راح تشفي باْذن الله

اختي تعوذي من الشيطان مرت علي ايام اشد كنت من شدة الالم والخوف اشد شعري كنت طول يومي ابكي تعبت واتعبت اللي حولي لكن اكتشفت ان ماحد بينفعني غير نفسي صحيح العلاج ساعدني بعد الله لكن كانت تمر علي لحظات ودي اطلع الشارع واركض من شدة الضيقه لكن كنت كل ماحسيت الوساوس زادت كنت استغفر بصوت عالي واي ذكر يجي ببالي اقوله وخصوصا قول امنت بالله ورسوله وسبحان الله ثواني ويزول الوسواس والحين الحمدلله مهما كان همي ولاحسيت ضاقت علي الدنيا اصلي وادعي وابكي واشكي حالي لربي وماقوم عن سجادتي الا وانا احس جبل انزاح عن صدري
وتبغين الراحه صدق بعد كل فرض لاخلصتي صلاتك لاتقومين على طول اجمعي يدينك وانفثي فيهن ثلاث مرات واقري الفاتحه المعوذات واية الكرسي باي عدد حسب وقتك مره او3او7ولاخصلت امسحي راسك وجسمك ورددي اللهم اشفي انت الشافي اللهم ثبت لي عقلي بالبداية بيكوت صعب الالتزام لكن مع الوقت بتصير خفيفه عليك وانتي مابترتاحين الا لما تسوينها لي الحين اكثر من شهر مواظبه عليها والحمدلله احس مهما يمر علي من بلاوي لكن مرتاحه نفسيا حتى او تجي وساوس ولا ضيقه ولا خوف مايطول ولا ياثر علي مثل قبل وانهار وانا متاكده ان فيها الشفاء لذالك راح اواصل عليها
وعلى فكره امي هي اللي علمتني هالطريقه ودايم تكررها علي لانها لقت فيها راحه عظيمه كنت اغصب نفسي واسويها مره مرتين وامل اقول ماحسيت بفايده لكن من شهر انهرت وحسيت اني مستعده اسوي اي شي بس اطلع من هالحاله والحمدلله لقيت الراحه بعد اقل من اسبوع من بديت اقرى الفاتحه والمعوذات وايه الكرسي
يالله اختي شدي حيلك ولاتخلين الشيطان يلعب بك تغدي فيه قبل يتعشى فيك اكسري ظهره بالذكر والصلاة ولاتخربين على نفسك ويضيع شبابك هم وكدر ترى الحياه قصيره استمتعي فيها قد ماتقدري كل شي صعب بالبدايه لكن مع الوقت بيزول عنك كل شي بس اني قوي قلبك ولاتخافين لا من وساوسولا غيره لانها كلها من الشيطان عشان يحزنك لاتعطينه فرصه وانا اختك والله انه اضعف مايكون لكن حنا اللي نكبره بضعفنا واستسلامنا

اللهم رب الناس اذهب الباس اشفي انت الشافي لاشفاء الا شفاؤك شفاء لايغادره سقما

ام سما بالضبط نفسك صرت اشد شعري بقوه والوسواس يززيد وخلاص والله اليوم قافله علي الغرفه مااتكلم مع احد تعبت نفسيتي مررررره يارب تشفييني

صح الاعراض متعبه لحد كبير لاكن اصبروتجاهل
انا الي اكثر من ست سنين وانا ع هالحال اوقات خلاص ماتحمل حتي لو شكيت لهم مايحسون الي احسه مدري وش اقول بصراحه اوقات ماينفع معي التجاهل لاكن حاولو

وش تحسين وش الي يخوفك اكثر شي.،،.انا ماصرت ابي اجتمع وكل وقتي تفكير وخوووووف والفكره تتسلط وخلاص اصير بس اعض بنفسي...

خوف من الموت اتخيل الماضي احس اني عايشه فيه الان كرهت كل شي اوقات اصرخ من اكثر الخوف خاصه اذا سمعت قران الله يعين

راح اكتبلك قصة قصيرة قريبي جاله وسواس التبس شخصية صديقه
من كثر الجلوس معه اقتبس نفس حركاته وصابه جنون وتهستر
جابو جميع الشيوخ وكان ينجن عند سماع القران
كان يطبق ويجسد في شخصية الشاب الذي كان معه في الشغل الذي كان بعيدا عن البيت وكانو يجلسون طوال الوقت مع بعض شهور
وجاء اخر شيخ كنت اعرفه وقال لي هاتني بعصا صغيرة
دخل في المجلس امام الشيوخ والمريض وقال له توقف
عن تسجيد دور صديقك وعن قراتك لقصص الجن حفظنا الله
وفجأة توقف وقال نعم كنت مركز علي صديقي كثير وعلي
شكل العالم الاخر فشكلته علي نفسي وصراخي من مشاهدة
المقاطع العلاجة بالقران تشبهتها حينما اسمع القران اصبح مثلهم
...........
يعني هناك حركات خفيفه تحس بأنك فيك شي
وانتا بالحقيقة تفكر في شي رسم من خلال صدمة
كانت بحياتك

لا انا اصبت بمس قبل 4 سنين
ولان احس اذا قريت برعب وخوف

انا كذا الوسواس شاد علي الحين واحس بخوف وابي
اصيح مدري شسوي حبيبتي كلنا شاد علينا والله

والله تعبت

هههه معليش احسب انك رديتي ع الي انا كاتبه

الفكره الي تدور ببالي احسها غيركم احس فكرتي اصعب...تعبت معرف كيف اتصرف كل وقتي بسرير واصيح واعض بنفسي ..كل مريض يحس روحه اصعب....مافيه شي اسويه حلول....مابي احد وكارهه الاجتماع وخايفه. يااااارب رحمتك

اكيد كل شخص يشوف معاناته اصعب لانه يعتقد انه هو بس اللي يعيش هالاحساس انا كنت لما احد يجلس يحكي لي عن حاله وانه مر بنفس المعاناه اجلس ادقق بكلماته وانفعلاته وهو يتكلم ولما القى كلمه او اشوف انفعلاته عاديه مافيها شي من الالم وهو يتكلم عن معاناته اقولىاكيد مو مثلي اكيد معاناته اخف عشان كذا ما تاثر وهو يتكلم وعشان كذا تخلص من الحاله بسرعه مو مثلي هذا كله من الشيطان بس يبغى يحزنا الله يجعل كيده في نحره ويدفع عنا شره

لا صدقين حبيبتي كلنا نفس بعض
بس الوسواس مو راضين يخلينا
نصدق انه نفس بعض عشان مانرتاح