احساس يحتاج تفسير
 

بسالكم انا لما اقابل ناس يعني لي فترة ماقابلتهم واقابلهم بالصدفة وكان بيني وبينهم صداقة قبل ان امرض

احس بضيقة وندم واقول ليتني ماخرجت من البيت والوم نفسي رغم انهم طيبين ولا قد صار بيني وبينهم شي

ذا الاحساس دايم يجيني يعني هل هو حالة مرضية وش هو بالضبط

طبيعة الضيقة اللي تيجيك ناتجه عن وساوس ؟ ممكن عندك اضطراب الشخصية التجنبية

مشكور اخي على ردك وعلى تشخيصك على الحالة اللي كرهتني في عيشتي

لا ان شاء الله مافيك الا العافيه بس ممكن شعورك بأن ما ودك يشوفونك بهالحالة وان اول كيف كنت وكيف صرت

انشاء الله انه فترة ويحيل عني

الله يعافيك ياصغير وهمي كبير واشكركم على اهتمامكم وردودكم

انا تجيني كثير لما يزوروني بس اول ما يجون اندم اني قلت حياكم

اعتقد مرحله وتعدي ان شاء الله

اغلب المرضي ما يريدون احد يشوفهم على مرضهم وخاصه اصدقائهم
انا مريت بحالتك وعدت بس اهم شيء لاتسترسل فيها لانها تحبط وتبعدك عن العلاج
عادي انا الان اخبرهم باني اوعك

انشاء الله انها مرحلة وتعدي

ابو حربي معليش عندي لك كم سؤال
كم عمرك ؟
ايش كان مرضك قبل هالحاله بناء على تشخيص الطبيب ؟
متى بدأت معك هالحاله ؟

انا عمري 23 انا مصاب باكتئاب وقلق بتشخيص من دكتور نفسي

بدأت هاذه الحالة معي قبل سنة يعني بعد سنة من الاكتئاب

كيف كانت طبيعتك قبل الاكتئاب هل كنت مصاب برهاب اجتماعي ؟
بالنسبة لتواجدك بالمنزل هل انسحاب اجتماعي مع رغبة بالتواصل او بدون رغبه ؟

طبيعتي قبل الاكتئاب كنت اجتماعي لكن بشكل سطحي يعني ماتعمقت مرة
كان عندي رهاب خفيف وخوف من مقابلة الناس بالرغم اني الحمدلله طيب ومسالم بدون غرور

بالنسبة لتواجدي في المنزل الصراحة رغبة بدون تواصل بعد ان صار لي موقف عاطفي

ورجعت لعلاقاتي القديمة جدا وهم بين قوسين اولاد عمي او الجلوس مع الاهل في البيت

ابو حربي حاول تراجع الطبيب ويقيم حالتك من جميع الجوانب

مشكلة الطبيب اللي كنت اراجع عنده بعيد عن البيت بقرابة 40 كيلو وهالايام ضباب ومطر ومالي نفس حتى اطلع بالسيارة

كنت اراجع عنده ايام الكلية لانه كان قريب منها وعلى طريقي

والحين تخرجت ولا زدت رحتله

بالنسبة لي ماني طبيب حتى اشخص حالتك بشكل كلي ، لو تقدر تتواصل بالشبكة الاسلامية او اسلام ويب راح يفيدونك