إقرأني بعد أن تقرأ موضوع ( خطوات حصول الهلع + راقب اعراضك الجسديه )
 

السلام عليكم


الان بعد ما قرأت أو قرأتي الموضوعين :

خطوات حصول نوبات الهلع

راقب أعراضك الجسدية

رح نعمل تقنيه بسيطه لأفكارنا وفن التعامل مع الاعراض الجسديه.

هذي التقنيه تنفع بإذن الله لما تقرأ الموضوعين السابقين بقلبك وعقلك وتبدي اقتناعك فيهم وطبعا تقدر تذهب وتبحث بالنت او عند الاطباء حتى ترتاح نفسيا ان كل ما ذكر كلام مقنع وسليم.


الان رح اعطيك تقنيه وهي معروفه الي هي التطنيش ولكن بأسلوب مختلف.

قد تقرأ الموضوع وتضحك على ما سأكتب وانا ما عندي مانع تضحك ههههههههه او تسخر عادي لكن بعد كذا جربها بينك وبين نفسك.

طيب، عندي اقتراح، رد علي هنا بضحك ومسخره بش جربها بشكل سري ولا تقول لي ابد ههههههههههههههه ، خلاص اتفقنا؟


المهم، الان عرفنا من الموضوعين السابقين كل شي تقريبا.

كل شخص فينا له اعراض قد تتشابه او مختلفه للقلق وهالشي مو غريب. خلينا نتكلم عن نفسي، انا مثلا اكثر عرضين يذبحوني ثقل الراس والدوخه. خليني اخذ الدوخه مثلا.

التقنيه كالتالي: اجلس بمكان هادي، واغمض عيني واصير احس بالدوخه وافكر فيها وابدا اوصفها بعقلي واقول هذي الدوخه بسبب القلق. هي غثيثه واحس اني بطيح كل شوي،، هالدوخه هذي الي احس فيها كل شويه بسبب القلق احسها تفر جسمي واحس ان بيغمى علي منها.

طبعا اقعد استشعرها واتعمد اني اشعر بكل شي فيها لبعض الوقت.


بعد مدة ، وبعد ما صرت توصف الدوخه لنفسك ( خلي وصفك كأنه وصف للدوخه مو وصف انك قلقان وجت دوخه )، اصير اوجه الكلام للدوخه بعقلي واقول انا لو ماني قلقان ما كنتي موجوده بس وش اسوي لازم انتظرك تروحين. وكل الي احس فيه ان بيغمى علي او بطيح ما بيصير لان كله احساس بسبتك. خليك موجوده مو مشكله وبشوف اخرتها معك.

وبعد كذا احاول امشي واسولف واحسسها انه عادي انتي موجوده بس ما بعطيك وجه.


طبعا الخطوات الي فوق، اقضي فيها دقايق يكل خطوه سواء الاحساس فيها ووصفها والكلام معاه وطبقها دائما ويوميا ولا بتخسر شي.


ومع الوقت بتصير زي ايام قبل مرضنا، نكون مصدعين مثلا وعادي نسولف ونضحك وكأنه مافي شي ،، نسأل في بانادول، يقولون لا،، ف نتألم من الصداع لكن عايشين.


طبعا بعض الاعراض مخيفه ، لكن هذي تنفع ان شاء الله مع الاعراض الدائمه وليس المتقطعه يعنس الدوخه الي تروح وتجي كل شوي ما ينفع نعها لكن في ناس معها الدوخه على طول ف قد تنفع معهم.

وشكرا لكم

هههههههههههههههه بارك الله فيك
لا الحقيقة الموضوع ليس مضحك.... بالعكس...
أنا أشوفه منطقي وبسيط

أنا شخصيا أسوي تقنية المعاكسة
يعني أي سيناريو أو فيلم يجي في بالي

أقوللو شككككككككككككككككككرا...هذا أكبر دليل إنو ماراح يحصل

وأقرأ الآية:
"قُل لَّا يَعْلَمُ مَن فِي السَّمَاوَاتِ وَالْأَرْضِ الْغَيْبَ إِلَّا اللَّهُ وَمَا يَشْعُرُونَ أَيَّانَ يُبْعَثُونَ "
يعني أن المستقبل كله غيب و الغيب لايعلمه إلا الله
ومهما وسوس لنا الشيطان من أشياء فهو لا يعلم الغيب و كل مايقوله لن يحصل
ويبقى كيده ضعيفا

احسنتي يا اختي

دائما انتي تقنياتك سابقه لي ههههههههه

برافو

الله يعطيك العافيه ...
زينها من تقنيه دايم تذهلني بتقنياتك دائما تذهلني بأفكارك المميزه و الغريبه هههههههه

هههههههههه قصدك الغريبه والسخيفه الي ممكن يجي منها فايده ههههههههه

احيان اصغر الامور تعمل فرق

الله الله على التقنيات هههههه

يعطيك العافية و يا رب تنجح مع الجميع ،،

عندي اقتراح بسيط و هو وضع رابط الموضوعين المذكورين في العنوان حتى يسهل على القارئ الاطلاع عليهما ،،

اذا موافق ،، انا اعدل لك على موضوعك ،،،

تحياتي

شكرا لك امل الروح

والله تسوي خير الله يجزاك الجنه

بالعكس مهوب سخيفه تقنيه جديده وافضل تقنيه كثر لنا من هالتقنيااااااات حبيت هالتقنيه صراحهه تو صدعت سويت نفس تقنيتك مااحتجت سولبادين هههههههههه اشوا محد انتبه ولاكان حجزو لي جناح 345 بشهار^

العفو
تم التعديل أخي الكريم

احسنتي ما شاء الله عليك

تلميذه مجده

جزاك الله خير يا اختنا