نبض قوي يهز ثوبي !
 

السلام عليكم

اعاني من 5 شهور بحالة غريبة اظن انا الوحيد اللي فيني هالحالة !

اعاني من النبض القوي لدرجة الجلد يتحرك مع كل نبضة و تبان بشكل واضح

اليوم كنت اصلي بثوب وطالعة فجيبي اللي فوق و اشوفه يرفس مع النبضات

يا عالم مخوفني هذا الامر حتى يوم افصخ الفنيله و اطالع مكان القلب اشوف الجلد يرفس

شوي ويطلع من مكانه ! كمان يوم اتثاوب احس بحاجه غريبه كانه كهرباء في القلب مدري الصدر

وغير كذا صاير يجيني نبض بكل مكان جسمي مره في الفخذ ومره في اليد ومره في الرقبه

طمنوني الله يطمنكم وش سبب اللي يخليني اشوف الجلد يتحرك مع كل نبضه ؟

للعلم طولي 163 و وزني 43 صرت اخاف اطالع بمكان القلب عشان لا اشوف الجلد يهز

اتمنى اتمنى اتمنى منكم التفاعل للعلم اخوي الصغير جبت مجهر ولا اشوف جلده يتحرك مع النبضات

مع انه اصغر مني عمره 10 سنين هههه

هههههههههه الله يسعدك جايب اخوك ومجهر ههههههههههه

الله يحميك من كل شر قول امين

اخوي عادي جدا هذي قوة نبضات للقلب وتقدر تشوف موضوع بالصفحه الثانيه اسمه تفسيرات بعض الاعراض الجسديه


اما لو انك ما تعاني من اي مرض نفسي والشي ذا ملازمك على طول ف روح طبيب قلب وتطمن على نفسك مع اني أأكد لك بإذن الله ان مافي قلبك شي لان القلب لو تأثر يعطيك القاضيه على كول ما بيستنى شهور

ف انت يبدو ان عندك قابليه للقلق،، لكن جسديا انت سليم اكثر مني لا تخاف اخوي

ولا تخوف اخوك الصغير معاك الله يحفظه

واذا الفخذ ينبض معاك ، هذا توتر عضلي مو نبض اهوي ف لا تقلق ....

اخوي انا كنت طبيعي لكن جيت معكم من 5 شهور اصبحت اعاني من نوبات الهلع

من بدايتي رحت لاستشاري قلب سوالي تخطيط قلب وتحليل الغده الدرقيه وتحليل الكلسترول الحمدلله كلها سليمه

لكن النبض مخوفني كل بعد شوي اطالع مكان القلب اسوف الفنيله تتحرك مع كل نبضه

وش السبب اللي يخليني اشوف الجلد يتحرك ؟ فقط بمكان القلب واحيان اكون ماني متوتر او خايف

بالعكس اكون مبسوط وعلى طول اطالع بمكان القلب اشوفه يرفس تقول جنين بيطني هههه

مره هذا الشي مخوفني ومقلقني غير كذا التثاوب بعض الاحيان احس بشي غريب بمكان القلب ومرات بالصدر

مقدر اوصفه لكن شي زي الكهرباء ! ويوم اتمغط اتنافض يارب فهمتو

يعني يوم امد يدي لاخر شي او اتكي عليها تنفض اليد

انا الحين موسوس بالسرطان قريت موضوع توي اسباب الهلع او النبضات يكون يمكن فيك سرطان

وانا مره موسوس اي شي يجيني اخاف منه انفض نفض

لو حبه خلاص اقول هذا مرض خطير وربي كرهت عيشتي

طز بزيادة النبضات لكن النبض عندي قوي يتحرك جلدي معه والله خايف ومتوتر

لا عادي اخوي النبض ممكن يبين ولا فيه شي لانه قوي

والموضوع الي قريته شكلي انا كاتبه للاسف اذا في المنتدى ذا ههههههههههه

لكن انت مافيك شي اخوي ابدا ،، هذا النبض عندك قوي فقط ولا فيك شي ،، اما الاحساس بالكهربا اذا مديت يدك ف هذا عادي بالمفصل يجي مو شي غريب وكلنا يجينا

تما التوتر العضلي مو شرط انت متوتر اذا بخذك او يدك،، التوتر العضلي هي حاله تجي للعضلات تتمدد وتتقلص بشكل سريع وتسبب اهتزاز يشبه النبض.

لا تقلق

ايه اخوي طلع موضوعك مره خوفني

لا حول ولا قوة الا بالله نفسي اموت وافتك بسرعه

لا ابد ليش تموت؟؟ انت فقط قرأت موضوع وبديت تخاف ولاحظ ان الخوف جاك بعد القراءه فقط

انت سليم وتحتاج بس مساعده نفسيه واعتقد السلوكي ناجح جدا معاك

ولا تفكر بسلبيه، بل الموضوع الي قرأته يؤكد انك سليم لكنك خايف بس والمرض الي قريت عنه يسبب الم فظيع جدا اصلا ما تقدر تتحرك وتحتاج مساعده وقتها يجيك الهلع مو على طول يجي ف لا تخاف ابدا

عادي والله دايما تسيرلي وتسير لاي انسان

بس انتا تركيزك فوق العادي عشان كدا اي شي تحس انو غريب
تجاهل واشغل نفسك بأي شي

محا تموت ومحايسيرلك شي

انا ما ادري وين اروح دكتور نفسي صعبه جدا الفكره ماهي داخله براس اهلي

كم اسعارهم هما ؟ والله تعبت من الخوف و القلق والتوتر مشكلتي كمان يوم اسوي رياضه

احس قلبي يتعب وبطلت العب كوره او اركض بعد الرياضه احس بخفقان

اخ والله تعبت يارب فرج همي

هذي هي المشكله ، لما يكون الوضع نفسي والشخص يعمل كل الحجج عشان يثبت انه عضوي ولما نحط الحقائق العضويه يصير يبي النفسي وكأني انا الشيطان الاكبر ههههههههههههه لا حول ولا قوة الا بالله


اخوي اسعارهم تختلف ،، انا بالدمام وسعر الاستشاره 350 ريال

انا خايف انه عضوي ياليت يكون نفسي

خايف من الدكتور النفسي واعلجته يمكن تضرني

اليوم الصباح جاتني نوبة هلع وانا عند المحاسب في البقاله

ركضت وسحبت على المقاضي حسيت اني بموت صدق مدري كيف عشت للحين

كم عمرك اخوي معليش بس احب اعرف لو سمحت اذا ما عندك مانع؟