|
غشاوة على العيون
اليوم طلعت للبر وفجاءة جاني غشاوة على العيون أستمرت تقريبن 10دقائق طبعن يرافقها اختلال توازن وثقل بالرأس احد مر بها التجربة
|
من ايش تعاني بالاساس ؟ وهل تستخدم مضادات اكتئاب ؟ وكم لك عليها ؟
|
معي نوبات هلع بس ما أستخدم ولا دواء نفسي
|
مشكلة الم انا عارفها فديت خيي الم
اي هذا طبيعي، بس الي مو طبيعي انها عشر دقايق بس ... قد يكون عندك التهاب اخوي بالاذن ... روح انف واذن وحنجره وافحص ما بتخسر شي والفحص طبعا بسيط سماعات وخرابيط واصوات ... وان كنت سليم ف قد تكون نوبه قلقيه مفاجئه ربي يشفيك ي خيي |
تسلم أخوي ماندوزا انت الحين بالبيت ولا منوم بالمستشفى
|
حاليا بالمستشفى بس بطلع لمستشفى ثاني موعدي مع النفسيه واستنى بس اخوي يوصل ونروح
|
ماتشوف شر أن شاءالله طهور وطمنا دايم عنك
|
امين يا رب تسلم ي خيي
والله خلها على ربك هذا انا الان بالعياده النفسيه ،، دعواتك |
الله يفرج همك ويستر عليك
|
انا يحصل معي كذا غشاوة وعدم اتزان
والغشاوة تزيد معي اذا سهرررت وارهقت نفسي |
الغشاوهه لها اسباب كثيرهه ممكن من التوتر او الارهاق
م ادري اذا تحس بصداع بعد او لااااا واماسالفة الاتزان اتوقع من الاذن الوسطى بس الافضل تروح لدكتور عيون متخصص في أمراض الشبكيه وكمان روح لطبيب أعصاب وقوله كل اللي تحسسه بس عشان تتطمن ولا يشغلك هالشي .. |
السلام عليكم ورحمة الله وبركاته
سلامتك اخوي وما تشوف شر ان شاء الله انا من زمان عندي ضيق وانطواء وضغوط نفسية تزيد عن العشر سنوات لكن في السنة الأخيرة مرت علي حالة تقريبا نفس اعراضك ... غشاوة على العيون والدنيا تظلم في عيوني مع دوار خفيف وتسارع في النبض وصداع في كل الرأس ... مو مؤلم ولكن يدوش انقطعت عني وعادت بعد كم شهر ولكن مع عدم القدرة على النوم وتفكير مستمر وشد في عضلات الظهر وألم في الخاصرة خصوصا الجهة اليمين مع نغزات في الجهة اليسار ناحية القلب والإبط الأيسر قمت بعمل صبخة على الراس قبل فترة ولله الحمد اختفت الاعراض العضلية والآلام والدوشة من أول ليلة بشكل تدريجي وقدرت اني انام .... المشكلة اني ما استمريت على النظام المقرر لي بسبب الضغوط النفسية والمادية اللي أعاني منها ولا معين من بعد الله وكل يوم أقول الاسبوع الجاي أكمل العلاج اللي ارتحت معه ... الان عادت لي الضيقة بشكل تدريجي ونوبات هلع بسبب تقلصات عضلية في الظهر والصدر وسوست فيني سببها التوتر والقلق والضغوط النفسية والله يعين اللي بقوله لك اذا رحت الطبيب وقال لك سليم وهو الأرجح ان شاء الله ... فهذا من التوتر والقلق وحاول تتجنبه قدر الإمكان وتشغل نفسك ... ولو حصل لك تسوي صبخة على الراس ممتازة جدا من مجرب زر الطبيب واقطع الشك باليقين وشيء جيد انك تعرف حالتك بالضبط وتحتويها من بدري ..... انا وكثير غيري اثناء النوبات راجعنا مستشفيات وعملنا فحوصات ... ولا انسى كثير من الأطباء في اقسام الطواريء يكلمك وباله مو معك ويبتسم يقول لك ما فيك شي ويصد بكل برود .... حتى وصلت عند دكتور قلب مصري في مستشفى خاص طمني بعد كل الفحوصات وشرح لي حالتي بالضبط الله يجزاه خير |
تحتاج صبخه 100%
|
حللت فقر دم ؟
|
تاج راسي الجميع تسلمون كلكم يارب الله يحفظكم ويجزاكم ويفرج همومك والله أنكم أخوة لي كلكم بدون استثناء وشكرا لكم على التفاعل مع موضوعي والله يستر عليكم دنيا وأخرة
|
| الساعة الآن 08:59 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا