عندي امل .. كلي امل
 

السلام عليكم ورحمه الله وبركاته...

طبعا احنا كلنا صرنا نعرف متاعب بعضنا ...

واكيد قريتو عن حالتي ...

انا تعديت 80% تقريبا من الوسواس

بس قله النوم ونزول الوزن 25 كيلو

مازالت قله النوم موجوده

والوزن مازال بالنزول

فقررت اخيرا اني اجرب الطبيب والادويه ...

ووصفلي ادويه

وصنف حالتي عسر مزاج واكتئاب خفيف مع هلع ...

يعني استاذن انا الحين واروح ملتقيات الاكتئاب والهلع ^^

مو مهم اصلا الدكتور بس يبي يواسيني $

بس قررت اني ابتدي الدوا وانشالله تكون اول ايام هينه علي

لان قالي بتشتد الحاله اول ايام عطاني لي 15 يوم بعدها يبين المفعول

قرارك كان صائب وان شاء الله بندعمك وقت الدوا ولا تيأسي

حلو انك كافحتي اغلب المرض بنفسك والان مع الدواء المهمه صارت اسهل

بس نصيحه من اخوك،، ترى الطبيب ان ما كان جرب المرض النفسي ما بيعرف تأثير الدوا متى وايش ممكن تواجهين لانه على الاغلب يقولك الي درسه بس ،، اما لو عانى نفسيا بيعرف كل صغيره وكبيره.

انشالله يكون صائب وصحيح وارتاح من هالمرض نهائيا

والله كان صعب بس الحمدلله على كل حال

أي اكيد ماجرب محد اصلا جرب الي نحس فيه بس من كثر ما تتشابه الشكاوي يعرفون يوصفون دوا لانهم ياخذون الحالات الي شفت ويقارنون الاختلافات يعني بالاخير احنا حقل تجارب ومجبورين نكون
عشان نطلع من الي احنا فيه

ويا تصيب يا تخيب مثل اليانصيب علاجاتنا

الواحد يتفائل ويدعي ربه ان الله يشفيه ويطول عمره على الطاعه والعبادات

اتمنى لك الشفاء العاجل وتطمني مع العلاج النفسي بيرتفع وزنك4اضعاف وزنك الحالي ههههههههه
طبعا من خلال تجربتي بعد مانزل وزني بسبب المرض مع العلاج حطمت الرقم القياسي ووصل وزني84 بعد ماكان65

ممتاز ماشاءالله
استمري
وانا مع كلام ماندوزا
محد يعرف اللي نمر فيه لين يجربه
والا الكلام و وصف الدوا كلها سهله

ماشاءالله جميل هذا الآمل اللي فيك بإذن الله ربنا قادر على تخليصنا من معاناتنا إلى الأبد

لا انشالله لااا مايرتفع :(((

يعني لازم نظام صحي مع الحبوب عشان احافظ على وزني ؟؟؟

:(( انا الحين 53 بس اهم شي يثبت مابي يرتفع انا طولي 165 يعني لازم وزني 60 ال53 حلو بس قاعده انزل وايد قمت اتعب ماقدر اشيل بنتي ولا اشتغل

كله مهدود حيلي وموزين جذي الضعف الكثير يسبب امراض اتوقع اشترك بنادي مع العلاج راح يساعدني باللياقه

أي والله محد يعرف ومستحيل احد يحس

انشالله يخفف معاناتي هالدوا

حبيبتي انشالله هالامل احطه فيكم وتطلعون من الحاله معاااي

اختي وزنك 53كويس ومايعتبر ضعف بس يمكن من تاثير الوسواس الضعف والتعب اللي تحسيه ومو مشكله لو زاد وزنك شوي اهم شي العافيه يعني لاوصلتي ال60هنا ابدي انتبهي على وزنك

عاد الي قريته انه يضعف مايمتن :(

يعني راح اضعف زياده :0

الله يعين بس

يالله مو مشكله حاليا فكري بالتحسن اللي بيجي مع العلاج لاتفكري بالوزن وان شاء الله بعد ماتتحسن نفسيتك راح تتحسن شهيتك للاكل
ننتظرك بعد كم اسبوع تجي تبشرينا بتحسن حالتك تماما

انشالله حبيبتي مشكوره عالردود

ويزاج الله الف خير عالتشجيع|

ربي يسهل لج اللي تختارينه اختي معلمه ...
ربي يشفينا شفاءاً لا يغادره سقم اللهم اميييييين

الامل بالله سبحانه
ربي يعجل بشفائك
انتي استخيري دايم في كل شي تسوينه