تفكيري صح والا وسوسه زايده ؟
 

السلام عليكم ورحمة الله

طبعا قد ذكرت لكم من اول ان عندي وسواس العين و الحسد
يخف ويرجع
ومدري ليه هالافكار عالقه في بالي
صايره بزيااااده افكر
اي احد بيحسدني والا يعين ( من العين)
ماحب ألبس كويس قدام احد والله حتى اختي وامي
وكل ما احد قال لي شي على طول افكر حسد عين ..... الخ
مدري ليه على طول تجي في بالي هالافكار !
حتى لما احد يقول كيف جيت بسرعه ! كيف خلصت ! ليه كملت شغلك بدري وانا لا
اخاااااف و يجي في بالي الحسد والعين على طووول
لأن مره قريت ان الحسد يقع من الاستغراب او التعجب
او حتى من كلام مكتوب او محادثه او من خلال صوره
والله والله صرت اخاف 😢💔
وكمان قريت ان الخوف والقلق واللاواقعيه سببها العين والحسد
طيب شسوي بالله اتخبى من الناس ! اقطع علاقاتي مع الناس
والا اسوي كل شي بالخفى والتخبيه
ساعدوني ... 😩

هذا وسواس يخليك تفكر بهالطريقه

مافيك الا العافيه العين حق بس الواحد يقرا اذكاره ويتوكل على الله

ومهما وسوست بس اذكر الله واستغفر

صد
العين والحسد شي وارد بس طبعا لو كنتي محصنه نفسك بالاذكار الشرعيه محا يضرك شي ابدا

خوفتيني زياده حتى الكتابه بعد😭

الحمدلله اقرا الاذكار
بس ترجع لي الفكره مدري ليه

اقرا الاذكار والله
بس اشك بنفسي
اني ضعيفه وسهل تقع العين
والله في ناس ما يتحصنون ولا يقولون اذكار
وعاااادي ماشاءالله عليهم

قريت شي زي كذا
وحتى لما توصفين شي لأحد ومره يعجبه ممكن تقع العين والحسد
قريته بموقع بس مدري صدق والا لا
لأن هو الموقع الوحيد اللي ذكر هالشي
فما اعرف صحته من عدمه

لو تحافظين على اذكار الصباح والمساء وقراءة سورة البقرة يومياً لن يصيبك شيء بأذن الله

الحمدلله احافظ على الاذكار
والبقره بس مو يوميا

الله يسعدك
ردودك دايما تريحني
حتى لو كانت مو بموضوعي 💐
وكمان تكتب باللون اللي احبه الرمادي 👏🏻

انعكاسات انا مثلك بعض الشيء خوافه من العين
بس لاتتعلقي بهالتفكير
انتي توكلي على الله واخذي بالاسباب اللي هي اذكاء الصباح والمساء
واخذيها بيقين وخلي الفكره ترسخ ببالك
وكل شي بقدر الله وقضائه

الله يسعدكك دووم .. http://www.htuon.net/images/smilies/273.gif
اهم شي رآحة بآلكك ..

الرمآدي جميل وبسيط وهآدئ .. http://www.tran33m.com/vb/storeimg/i...495672_619.gif

بالضبط مريح للنظر 💐💜

ما اعرف وين قريتي انه ينتقل عن طريق الكتابه او عن طريق التعجب،، لكن هذا الكلام المتناقل لا اكثر

العين أن يعجب الشخص بشئ ولا يقول بارك الله لك وتصيبه

الحسد نفس الشي لكن الحسد يتمنى زوال ما عندك او انه يتمنى ان يكون عنده ما عندك


العين في الجسد بعلامات ظاهره

الحسد في المال والولد( الابناء )


اما وسوستك بالعين هذي واضحه انها وساوس مو طبيعيه خصوصا ان اقرب الناس لك ايضا تخافي منهم ،، ف انتي حطي نفسك مكان الوالده احد بيعطي بنته عين ،، ما اعتقد


وحالات العين والحسد ماهي الاصل في الامراض وحوادث العين ايام الرسول هي حادثتين فقط ووحده منهم مو اكيد ايضا حسب الاسانيد ( من العلماء وليس مني طبعا )


حوادث العين الي تصير دائما ويتكؤون عليها ماهي الا قصص اللاحقين بعد زمن الاخيار ،، يعني كلها قصص لا اكثر وثلاث ارباعها اساطير مثل سالفة لو لقيت خط طويل بالبر على التراب هذي اثار جني ... يعني معليش مجرد هرطقات .... او اذا ماشي بالبر وحسيت احد وراك اغرس عصى والجني يوقف عند العصى ،،


شكلي تعمقت وبيزيد الوسواس هههههههههههه


انسي موضوع العين، دينا دين رحمه والرسول بين كل شي لنا سواء عين وسحر وحسد عشان ما نعقد حياتنا بل عشان نعرف نعيش صح ،، وانتي حياتك تقيدت بهالوسواس يعني كأنه قصص الناس المنتشره الي تنفي كلام الرسول صارت هي الاصل مع ان الشيوخ أغلبهم بالافتاء عندنا قالو ان العين والحسد حق، لكنها ليست الاصل في كل شئ وتقدري تراجعي كلام الشيوخ اذا حبيتي حتى ترتاحين وممكن اجيبلك مراجع لو حبيتي عشان اريحك من البحث.

ف عيشي حياتك طبيعيه بعيدا عن موضوع العين والحسد ،، خصوصا ،،، خصوصا مثل ما قالو الي قبلي انك محصنه نفسك .... فكيف انتي محصنه نفسك مثل ما علمنا الرسول اننا نحمي انفسنا ثم نقول عين وحسد وكأننا نقول ان كلامه مو صحيح ،،، اللهم سامحني



ما عليك عيشي وانسي ،، وفليها وحطي رجل على رجل واشربي مانجا