هل العلاج في الامبالات ..؟
 

انا ضد اللامبالاة لانها شي غير منطقي

يعني لو ان المرض عباره عن جراثيم بالجو تقدر ما تبالي وتحط كمامه وتمشي ،، بس المرض منشئه من نفسك وتحاربه بنفسك على نفسك يعني الداء والدواء واحد فكيف لا تبالي ؟؟

بل انسب علاج التقبل والتعايش معاه والتخفيف حسب شدة العلاج

انا معك يالغالي لكن الامراض النفسيه للي يبي يتعالج لها علاج سلوكي ودوائي وأغلبنا يلجأ للعلاج الدوائي ومن هنا تبدأ قصه أدويه لاتنتهي الا بنسبه بسيطه من الناس
فيه بعض الناس يقول مافيني الا كل خير ماله داعي اراجع عياده نفسيه
أنا آعرف ناس نفس وضعي ومشكلتي ولاراح يتعالج ولايفكر ابد هذا الشخص اللامبالي

هذا مو لا مبالي ،، لانه لو ما يبالي كان عاش طبيعي ما عانى في بعض المواقف

بل انا اسميها المكابره وهذا الي يهد الحيل صراحه

العلاج المناسب للرهاب الاجتماعي يعرفه كل طبيب وهو زيروكسات لكن المشكله لا صار الاعتماد على العلاج الدوائي بس وهنا مثل ما قلت انت يا اخوي يبقى مع الادويه امداد مديده.

لكن هل انت لسه تعاني رغم علاجك؟

لا الحمدلله بعد العلاج وضعي من فضل الله احسن بكثير
اذكر قبل كم سنه رحت لشيخ يقرا علي قرا له شوي جزاه الله خير وقال اكثر من التواصل مع الاخرين ومن المواجهات وهو فعلا" صادق
قلت له ماأقدر قال ليش قلت اروح افشل نفسي وارجع جلس يضحك قال اول مره والثانيه الثالثه بتروح تدريجي قلت خير ان شاءالله الله كريم
ومشيت من عنده وانا محبط . ولكن الوقت الراهن الحمدلله

الحمدلله على الاقل وضعك متوسط , الله يزيدك من فضله ومن احسن لاحسن يا رب

صحيح هذا هو المواجهه افضل العلاجات

لكن عاد المرض النفسي يخلي الناس تضحك علينا ومهما كان نية الي يضحك لو انا مكانك انجرح

اصعب ما علي ان احد مو فاهمني ومع هذا مستسهل الشي الي انا فيه ههههههههه

بارك الله فيك،، اي نعم انت مثال للرهابيين الي يقاومون صح

انصح انك تروح لقسم الرهاب وتبدأ بإعطاء النصائح للرهابيين لانك تفهم لهم انت بالذات لانك تعرف المرض زين وعايشته وتتعايشه

جزاك الله خير وشاكر لك دعوتك الطيبه والله يحفظك وجميع المسلمين

فعلا" يارب لك الحمد عل كل حال بفضله سبحانه عدينا هالمواقف هذي بنسبه كبيره
وصحيح ماذكرت بقولك تعايشت معه ذبحني يارجل
كان في بداية اكتشاف نفسي لرجفة اليدين ومن ثم الخوف اوصلني لمراحل للأسف اكبر من كذا اصبحت بشكل واضح ومن ثم القدمين ومن ثم الوجه يارجل تخيل وجهك يرجف ..! لاحول ولاقوة الابالله
وش هالمصيبه هذي تقل ذابحك لك واحد قبل شوي ولا جايك خبر انه بعد ٥ دقايق بيدخل عليك واحد ويقص راسك تقعد للآسف تراجف عل شي غير موجود قاعد تتخيله وتصنعه لنفسك
اذكر المراحل اللي وصلت لها الاختناق ينقطع النفس يالله تلقط نفس ولاتقدر تتكلم واذا قدرت تتلكم تتحول من لغه عربيه الى اردو محد يفهم عليك لغه جديده مكسره بعد واذكر يدي اليمنى كامله تبنجت واحرك فيها يمين يسار وخفت وهذي تكون نادره والحمدلله
طبعابعد سنتين او اكثر مليت ورحت للمستفى ورحت لكتور آعصاب مستحي اروح لكتور نفسي #EF
وعطاني اندرال فرحتي فيه اكثر من فرحتي بالريفترول شال عني ٨٠٪ من المشاكل وفرحتي لأنه اول علاج حل مشكلتي
لكن مع مرور الوقت اصبح الاندرال مفعوله ضعيف وكنت ابحث عن علاج افضل الين وجدت الريفوتريل وارتحت عليه من فتره قريبه