وش الحل مع الاهل؟
 

السلام عليكم بسألكم وش الحل اذا اهلكم كثير يتكلمون عن الموت
ويخوفنك وكل شي جالسه استهبل والوسواس خفيف معاي اليوم
الحمدلله اتكلم مع اختي قالت تراك ماتصلين الوتر قلت طيب اصليها
انا استغفرالله اكذب للامانه اخاف اصلي الوتر لما اصليها احس بموت
قالت امي وش يخليك توثقين انه ماتموتين الحين وبيدك جوالك
والله من قالتها وانا فيني خوف ورعب وتفكير يمشي ملييون من كثر الخوف ههههههه
جد جد وش الحل؟

انا عارفة شعورك والله
احنا عشان الوسواس اللي فينا مخلينا اي كلمة أو قصة يؤثر فينا ويجدد مخاوفناعلطول ولا لو تفتكري نفسك قبل الوسواس يمكن مرت عليك كلمة امك هذه ولا حطيتيها ببالك ولا تخافي، يعني حاولي تتجاهليها
معلش ح يتعبك شويتين بس ح تنسيها مع الانشغال بالأمور الأخرى

اي والله اي كلمه تأثر فينا الله يعين والله هذا اللي يبغى لنا التجاهل

كله جذي انا بعد اهلي يتسلطون بهالمواضيع ويخوفوني من كل شي خصوصا امي

كل كلمه والثانيه تخرعني على اقل شي

من كثر ماتخاف علينا والله بس لاني اوسوس

احس كل شي بزياده فاخترع اكثر

الله يهدي لك اهلك
طيب هم مايعرفو انك تعاني من وسواس
ثاني الوتر مو واجبه اللي حاب يصليها يصلي
اهم شي صلاتك الواجبه لاتتركيها
بس طبعا الوتر فيها خير كثير بس دامها تتعبك وتخافي فالله مابيحاسبك ان شاء الله
ربي يطمن قلبك يارب ويبعد عنك المخاوف يارب
قولي لاهلك انك تخافي من سيره الموت وانه دا مو بيدك او اذا سمعتيهم يتكلمو بهالامور
غيري مكانك واشغلي نفسك باي شي

مثل ما قالت اختنا الي قبلي

واذا ما صليتي الوتر وش بيصير بتدخلين النار يعني؟

امورك الواجبه هي اهم شي ،، والباقي تقومين فيها ك نوافل

المريض، والي بالحرب ، والمسافر، وكثير من الحالات تأتيهم رخص ك جمع وقصر والصلاة جلوسا وحتى في الصيام تجيهم رخص ولاحظي هذي فروض واجبه فما بالك بالنوافل؟

بارك الله فيك لا تدققي كثير ، والناس ما تعرف القلق النفسي ف يتكلمون ولا يدرون عن الموت وغيره وانتي خذيها بحسن نيه لكن لا تركزي مع السوالف هذي

قدامك العافيه

ي حليلتس الاخبار والسوالف الشيينه بكل وقت بتسمعيها بس طنشي
زي خالتي ماشاء الله من جت عندنا اول سالفه بدآت فيه فلانه بنت فلان زوجة فلان ايه وش فيها اللي عمها فلان وجدها فلان ماتت(: وانا قاطه اذني متحمسه للسالفه )' توبه ماعاد اقط اذني ب اي سسسسالفه
ف عندك حل انك تقولين لهم عن وضعك وان هالسوالف تخوفك انه مايتكلمون قدامك فيها او انك من تسمعين هالسوالف ماتجلسين رووحي الهي نفسك ب اي شغله كذا افضل ...

الصلوات الخمس هي الواجبه
اما الباقي نوافل تؤجرين عليها ولا تؤثمين لتركها
و اذا احد تكلم عن هالمواضيع قومي من عندهم
لأن نفسيتك وتفكيرك ما تسمح انك تسمعين مثل كذا
او قولي لأمك او اختك اللي تعانين منه
عشان يراعونك و يوقفون كلام بأشياء تخوفك

الله يسعدكم والله طمنتوني وريحتوني صدق والله لازم ابعد عن الاشياء
هاذي وانها سنه وكذا الله يعطيكم العافيه