شعور مخيف
 

السلام عليكم ...

جتني النوبة قبل شوي فجأة كنت اتفرج ع التفلزيون وفجأة حسيت شي بحلقي خفت وطنشت ويعدها زاد الشعور كأنها سحبه وحسيت معها ابغى اهرب
وطلعت الحوش اركض زي المجنونة وخفقان وتعب رجولي ماتشيلني حسيت اني بموت
ومن الخوف رحت اصحي امي وانا ارجف وطلعت امشي بالحوش لين هديت شوي

هذي النوبه عادي حبي حاولي تهدين لما تييلج وتخلينها تعبر ...

عشان تخف عليج لازم تطنشينها شوي شوي راح جسمج يتعود عليها وتمر عادي..

ايش سببها ؟ وماقدر اهدا شي مخيف متعب

كان الله في عونك هي فعلا نوبه هلع تجي بدون سبب مريت فيها ويارب ماتعود مره ثانيه

هذي نوبه هللع ..

كانت تجيني .. وطبعا هي بداية حالتي ..فجااه من لاشي جتني ..

لكن قضيت عليها بالسيبرالكس .. واخفاها نهائيا الحمد لله

والله كانت تجيني ومازالت للامانه بس ان جتلي اعرف انها نوبه هلع

واخترع منها بس اعرف انها هلع

وهذي بسبب التفكير والقلق تحسين بسحبه كانك طحتي من فوق

طبعا هذي نوبة هلع ماتخوف ولا يصير لك شي اذا جاتك
انا مره قبل ست او سبع شهور كنت اسوق بالسيارة
وحسيت بخنقه بحلقي طبعا متعود ع النوبات واعرفها
قلت هذي نوبة هلع طنش..وفعلا طنشت لكن فجائة
شدت معي حسيت اني بموت خلاص احس روحي
جالسه تنسحب مني تغيرت الدنيا من حولي طبعا
ماقدرت اسيطر ع نفسي وقفت السيارة عند صيدليه
ودخلت الصيدليه بسرعه طبعا بدون ما احد يحس
لان ما احد يلاحظ عليك شي ..قلت في بالي خليني
لو اغمي علي او صار فيني شي ع الاقل في ناس يطلبون
الاسعاف دخلت الصيدليه ع اساس اني زبون بديت اقلب يعنيني
ادور شي بشتريه طبعا اخذت دقيقه وخفت النوبه وطلعت
طبعا اثارها بقيت معي رحت البيت وجلست وحسيت بوضع
غريب ..لكن قلت هذي نوبه هلع وبتحدها رجعت طلعت من
البيت وقلت في بالي خليها تجيني ثاني ماعلي منها صار مثل
التحدي بيني وبينها وفعلا طلعت ولا جاتني ..
لو اني جلست خايف واستسلمت لها كل شوي
بتجيني وتقلقني ..
علاج نوبات الهلع بتحديها وتطنيشها مايحتاج علاج لها
وتروح بدون علاج نهائي..لكن المشكله لو الشخص كل شوي
يكون خايف وينتظر ويتوقع انها بتجيه ويصير منتظرها

تريدين تعرفي إذا كنتي بتموتين

تشفين ملك الموت والشياطين ولا تقدري تحركي وأنتي ما شاء الله تركضي وهذا عمل الشيطان عشان يضحك ويشيل الهم أن هو في النار، تعوذي من الشيطان.

Y>

مهو مشكلة الهلع اللي يجي بدون سبب ً،انت كمان جتني وانا بستحم ف حاولت أخلص بسرعة بسرعة وبعد ماخرجت جلست احاول اتجاهلها الحمدلله هديت شوي وشوي تروح

هي فعلا يبغالها تجاهل وقدرة ع مواجهتها مهما اشتدت

هالاعراض وان كانت مخيفه ماراح تستمر وبتزول
كل ماجتك هالاعراض واشتدت عليك تذكري الردود اللي هنا وتذكري ان الكل
عنده كل اعراضك وانا اولهمم جتني امس اعراض اشد من اعراضك والحمدلله شوفيني بخير وارد ع مشكلتك ..
كل ماجتك استغفري واصرفي تفكيرك عنها وانشغلي ب اي شي
لين تزول لاتستيلمي لها ابدددد
خليك اقوى مممن كذااا ..🌹

نوبات الهلع تتفاوت بين قويه وعاديه وخفيفه
يمكن انتي مو متعوده عليها
خليها تمر عادي بسلام
لا تقاومينها وبنفس الوقت حطي قناعه ببالك انها نوبة هلع فقط
وبإذن الله مارح يصير لك شي بسببها

علاجها التجاهل وعدم التحرك والتخبط

فعلا انا بداية الحالة كانت كذا نوبة الهلع مفاجأة في الصلاة برمضان :(

وجلست فترة طويله اعاني بالصلاة يجني خوووف فضيع الله يعين

ماستعمل ادوية ولا قد رحت لطبيب

الله يعين ويشفينا جميعا شي متعب


السحبة مو كأني بطيح لا شي ينسحب داخلي زي سحبة روح

يعني مايبان ع وجه الشخص شي لما تجيه النوبة

صح صاير افكر لو تجيني بمكان عملي شلون بتصرف قدام العالم بقوم اركض زي المجنونه؟؟