| الضاحك المستبشر |
26-01-2016 02:23 AM |
اقتباس:
المشاركة الأصلية كتبت بواسطة منتضر الفرحه
(المشاركة 1128157)
هلا اخوي الضاحك تقدر تقدم على الثنين الضمان والتاهيل
وانا مثلك والله كل ماشتغل ماستمر مادري شالموضوع العمل يبيله واحد مركز وصاحي خاصه بعض العمل فيه مسئوليه وانا والله ماعندي هالشي
التقديم على الضمان تروح لمركز الضمان وتقول ابي اقدم ويعطونك استماره تعطيها لدكتورتك او المستشفى الي انت فيه عشان يكتبون تقرير عن الحاله انت رح لمكتب الضمان وشف هم وش يقولونلك وخل عندك نسختيين من التقرير وحده الضمان ووحده التاهيل انا ناسي والله كيف الاجراءات لاكن لاززم كلكم تروحون وتستفسرون منهم خاصه الي نفس ماقلت مو متوضف
|
صادق انا عندي اكتئاب ذهاني بس صراحة هو ما يعيقني اعاقة كاملة عن العمل بس اعاقة جزئية يعني الشغل عادي ماعندي مشكلة فيه اقدر اشتغل بس المشكلة انه احيانا تصيبني نوبات اكتئاب شديدة وتستمر معي احيانا لمدة اسبوع كامل اصير مثل المجنون ماغير ادور على نفسي في البيت وفي الشوارع واقعد ابكي واطرش واصيح ولا اقدر انام ولا اقدر اجلس ولا اقدر اسوي اي شي نهائيا!!
والمشكلة اني انفصلت من عملي مرتين كلها بسبب نوبات الاكتئاب كنت اغيب غيابات كثيرة وانفصلت بسبب كثرة الغيابات مع اني كنت اجيبلهم اعذار من مستشفى الصحة النفسية وكنت مؤدي العمل على أكمل وجه ولكن تعرف القطاع الخاص ما يقبلون الاعذار ويقدر يفصلك المدير متى ما طنت في راسه!!
بس تكفى اذا تقدر تشوف وش طلباتهم شوف ورد مننا خبر لاني حاليا مشغول ولا يمديني اروح لهم يمكن طول الشهر هذا كله ماعندي فرصة..
والله مري وش اقول احيانا في نفسي ادعي للدولة والا ادعي عليها :(
حتى يوم رحت مكتب العمل رفضوني يوم قلت اني مريض يقولون الشركات ما تقبل احد بمثل حالتك وجلست شحاذ في البيت ماغير اشحذ ابوي والله يصبره علي بس |
