التبس علي الامر هل انا مريض نفسي او مسحور
 

مرحبا للجميع


قصتي بدأت من 11 سنه من 2005 ميلادي كنت قاعد مافيني اي شي طبيعي وبكامل صحتي فجأه سمعت الفجر يأذن قلت ليه ماقوم اصلي قمت توظيت ورحت المسجد اول ركعه مافيني شي ثاني ركعه جاني عوار بالقلب وبروده غريبه بالجسم ورجفه وحسيت اني بموت من التعب خلصت الصلاه وعلى طول اتجهت للمستشفى وفحوصات كامله تخطيط قلب وفحوصات دم وقالولي سليم مافيك شي انا هني ذبحتني الحيره شلون مافيني شي وانا بقيت اموت

المهم بعد هالموضوع بدت معاي امراض طبيه متنوعه وبعد الامراض الطبيه الي استمرت 3 سنين انقلبت الحاله الى امراض نفسيه واكتئاب ووساوس وضيقه



رحت للدكتور عصام الانصاري وخذيت منه برستيك واستمريت عليه لمدة 6 شهور بدون فائده تذكر انا الان انسان ما اقدر انام انسان ما اقدر اعيش مثل الناس ضيقه بكي حزن شديد انهيار كامل عدم احساس بالحياه ولا بأي فرحه بالحياه انعزلت استقلت من وظيفتي الان اتمنى الموت وافكر بالانتحار ابي اذبح نفسي عشان ارتاح من العذاب الي انا فيه

اهلا بك اخوي

قبل اي شي انت وش تعتقد مسحور او مريض نفسي ؟

احتاج فكرتك عن السحر وعن المرض النفسي

اعراضهم متاشبها جدا





اعتقد اني مسحور حين يقرأون اية ( افسحرن هذا) تجن جنوني فهل المرض النفسي يفهم لكي يتألم من القرأن؟

لاتتعب نفسك اخي راح يقال لك تتوهم او مجرد ايحاء توكل على الله وعالج نفسك بالرقيه الشرعيه

لافضفوك ام سما هذا الي بيحصل ان شاء الله

ما دام مقتنع ،، يعني منت محتار وعارف الي فيك ... فما الداعي للسؤال؟

اخوي ماندوزا انا ملاحظ فيك تكره اعتقاد الناس بانهم مسحورين ليش يمكن تكون حقيقه. وحنا مانعرفها



يمكن في سحر يأثر على الناس الدنيا كل شي يجوز فيها

ابدا من قال؟

انا اعرف فيه سحر وعين وحسد

لكن الي ما اعرفه ليش الكل هنا متيقن من هالشي ؟؟ الله اعلم

السحر ،، يقلب الانسان من حال الى حال بلمح البصر لا بيجيك تدريج ولا هالكلام هذا

تنام تصحى انت شي اخر مختلف جدا جدا ،، تنام سليم تصحى مريض بأمور عضال

اما بالتدريج ما عمري سمعت به صراحه الا لو ان هالشي عند ناس معينه الله اعلم

انا اتبع الحقيقه اخوي ما اتبع ما قيل وما يقال،، وبس هذي كل القضيه اخوي

ثم انت سألت وانا ك عضو جاوبت لانك قلت ملتبس وحبيت ابين لك اللبس وينه بس انت تقول انه سحر ولا اعرف ليش سألت دامك متيقن؟؟

مافي داعي تبحث عن الاجابه الي تريد،، بل اقرأ الاجوبه الي تلامس المنطق

اما لو تبي شي موافق لريأك عشان تطمن نفسك انه فعلا سحر، اكتب انا فيني كذا وكذا وانا مسحور والناس بتوافق معاك على طول وبترتاح ان الي فيك سحر وتبدأ علاجك الروحي الي هو المفروض فك السحر ،... وعيش وانت تبحث عن الي سحرك عشان تفك السحر

اخوي الغالي ..

روح عند شيخ معروف بالخير ، وهو بيشخص حالتك

بيقرا عليك ايات العين والمس والسحر ..

اذا مافيك شي بيقولك واذا فيك شي بيقولك

وهل سويت ذاك اليوم جممممميع الفحوصات ؟ ام بس فحوصات رئيسيه ؟

هلا اخوي انا مو مقنع نفسي انه سحر لكن ماني عارف مرضي ياريت اعرف شنو مرضي واعالجه سوائن كان سحر او مرض نفسي




لكني ماني عارف

هلا ياغالي منو الشيخ ابروحله

فحوصات مثل ايش يعني

هلا فيك .. هذي نوبة هلع جايك على عين جب كاس مويه واقري فيه الفاتحه سبع مرات وكل يوم اقر سورة يس ويوسف اعزم لمدة شهر رايح ترجع افضل من اول الله يرفع عنك ويشفيك والله حاس فيك وانغثيت علشان وظيفتك الله يعوضك يارب مأجور . من وين انت ؟

انا لي 12 سنه على هالحاله مافي ايه ماقريتها مافي شي ماسويته لكن ماهي راضيه تفرج



انا من الكويت

تدري ليه ياخوي ماندوزا لانه انا واحد من الناس الحبوب النفسيه ماقاعد تجيب معاي نتيجه حتى النوم مانام وطبيا يقولون مافيك شي فا أيش بيكون هذا؟