الانفصام والعمل هل من حل ..........
 

السلام عليكم ورحمة الله وبركاته

اخواني بدخل بالموضوع على طول

انا تعبت من العمل وبصراحة خلاص خلاص خلاص وصلت حدي

واجازات الاعتيادية مخلصة ومقدم على اجازة لمدة ثلاثة اشهر تبدا بتاريخ 7 هجري من العام الحالي

الى قد قدم على اجراءات التقاعد الطبي ياليت يعلمني الطريقة لانه خلاص ابي اتقاعد

ياأخوان اللي عنده خبر يفيد الرجال يتسأل

بيض الله وجهك اخوي ما قصرت

ما احد يهتم كل واحد لاهي بنفسه

ووجهك وش دعوه كلنا لبعض ان شاء الله

لكن اذا صار هالشيء واستقلت لا سمح الله قدم على الضمان الاجتماعي قبل يومين شفت موضوع عنه

هلا اخوي محمد
يحق لك تأخذ اجازه 4 اشهر بدون راتب هذا في نظام القطاعات العسكريه
عموما اذا كنت ناوي على التقاعد حاول يكون تقاعدك طبي علشان يعطونك 70%
من الراتب
كذلك اذا تقاعدت قدم على الضمان الاجتماعي مثل ما ذكر لك احد الاخوان سابقا
او ابحث عن الشركات اللي يوظفون سعوديين براتب 1000 او 1500 ولا يشترطون دوام

بارك الله فيك اخوي ايوب

انا موظف مدني

عندي اجازة بعد شهرين لمدة ثلاثة اشهر

بعدها راح اشوف الموضوع مع شئون الموظفين

بارك الله فيك وجزاك خير الجزاء

لا أنصحك بذلك
لأن الراتب التقاعدي ما يكفي
حاول تلاقي لك حل ثاني
وتكلم مع طبيبك حول عدم تحسنك مع العلاج والخيارات الثانية اسأله عن جلسات الكهرب أو التحفيز المغناطيسي

اهلا وسهلا اخي وائل

خلاص يا وائل جاهدت كثير في العمل اما التقاعد او سوف افصل لكثرة الغياب

وانا خلاص طابت النفس من العمل الى هنا وكفى

الراتب مع دخل ثابت من عمارة املكها يكفي

على الأقل جرب جلسات التحفيز المغناطيسي او جلسات الكهرباء قبل ما تتقاعد، لو ما جابت نتيجة معك واستمرت الأعراض بنفس الشدة فحينها قرر

ان شاء الله يا وائل سوف اخذ رأيك بعين الاعتبار

بارك الله فيك

انا مع وائل جرب الكهربا يا حمودي قبل تقدم على التقاعد , هذي نصيحتي لك

هذي مشاركة سابقة لي كنت أقارن فيها بين جهازي التحفيز المغناطيسي وجلسات الكهرباء

كان الله لك بالعون اخي محمد، انت من كم سنة تعاني؟

يا محمد اذا عندك عمارة وراتبك التقاعدي راح يكفيك انصحك بالتقاعد وصدقني راح ترتاح كثير اذا تقاعدت وولد عمتي مثلك بالضبط عنده فصام وقدم تقاعد وصار ينزله الراتب 3200 ريال ومتزوج وعنده عيال وعايش مبسوط ومرتاح وماعليه خلاف والدولة صراحة ماهي مقصرة في هذي الناحية بس انت اهم شي يكون عندك ملف في مستشفى الصحة النفسية الحكومي مكمل ثلاث سنوات وتروح وتطلب منهم تقرير وتعطيه الادارة في عملك ويرفعون لك تقاعد طبي وخلاص وانتهينا..

وصدقني انت مريض وما تتحمل الضغوط النفسية وضغوط العمل وراح تمرضك زيادة الضغوط ولكن اذا تقاعدت راح ترتاح من الضغط النفسي والقلق ويمكن ترتاح بعد من الاكتئاب وانا عن نفسي انصح بالتقاعد وبقوة واذا تقاعدت ديرها تماشي على ربوع المملكة من الشرق الى الغرب ومن الشمال الى الجنوب وصدقني راح تتحسن نفسيتك مع الخرجات وتنسى الفصام والهلوسة

الله يسلمك اخوي حزين انا لي 13 سنة || بالضبط ويمكن اكثر شوي ما حسبتها Y>تخبر الايام تجري والواحد حاط يده على خده الله المستعان ويعظم لنا ولكم الاجر والمثوبة