الاكتئاب دمر مستقبلي
 

سلام عليكم ورحمة الله وبركاته

اليوم راح أتكلم عن اثر الاكتئاب في حياتي أصبت بالكتئاب وانا في السنة 3 جامعه وأثر ذلك بعدها علي معدلي الدراسي ورسبت كثيرا في الجامعه بسبب كثرة غياباتيًوكان معدلي امتياز وانخفض وصار جيد المهم بدأت سلسلت التعثر في حياتي وأصبحت إكرة الناس وكذا واشعر بعدم الأمل في المستقبل المهم انا بدأت الترم الاول وانا لست متحمسة واشعر اني سأرسب مجددا وايضاً اخطات اخطاء بالماضي ولا استطيع نسيانها وانا اكتوي بنارها حاليا لا أستطيع ان أسامح نفسي ولا أستطيع ان أعيش بسلام اتمني احد يعطيني حل + انا مصابة بالاكتئاب من سنة وشكرا

اخ بس ماعاد ندري هل هذا اكتئاب او فعل جن يبي يدمر حياتنا



لكن روحي حق دكتور نفسي فاهم واشرحي مشكلتك ولاتتركين الرقيه الشرعيه شوفي احد يقرا عليك قرأن لو امك او اهلك او شيخ دين

هل تقابلين طبيب نفسي؟ وتأخذين علاج نفسي؟ إذا الجواب نعم اذكر العلاج والمدة والجرعات.

الله يعينَّا وياك غيرك جاه من المتوسط وتعايش وصل للجامعة انهد حيله كله اعتذارات وتأجيل اللي بسنيني الان على وشك التخرج وانا على حطت يدك. لا وفوق ذَا كله تحس نفسك منت بمستواهم مع انه العكس انت تملك زيهم وأكثر ولكن الاكتئاب يطمس كل هذا وذاك
شوفي ياانسه عليك بالعلاج والمتابعة مع الطبيب النفسي وهو يقرر لك حالتك تتطلب دواء ام يكتفي بتحويلك لأخصائي للعلاج السلوكي
وقبل هذا كله يجب عليك فحص كل من : الغدة الدرقية و فيتامين -د- وجميع التحاليل المطلوبه للأعضاء اللي تسبب اكتئاب كثيره والله بس ذي اللي اعرف لان كل يوم والثاني واحد يقول افحص معدتك وجهاز هضمي ومدري ايش والله ماعرفنا نسمع كلامهم او كلام الدكتور عموما هذي الخطوات والله يشفينا وياك

نعم أقابل طبيب نفسي وصارلي سنة والدواء هو الزلدوكس 80 جرام

اختي لازم تراجعين الدكتور وتشرحين انك لا زالت تعاني ممكن يغيير الدواء الى دواء اخرى او يدعمه بمثبت مزاج

هل تاخذين مكملات غذائية مثل فتامين د و ب المركب و اوميغا 3 ترا لها فائدة وتحسن من المزاج

مع المواظبة على الطاعات راح تحسين بالتحسن ان شاء الله

ياخوان افحصو المعده هي اكبر مسبب للاكتئاب لان فيها اعصاب مرتبطه بالمعده الى المخ

اذا التهبت المعده العصب ذا يخليك مكتئب ف اول شي افحصو المعده وبعدين سوو الي تبون

تكفون افحصوها ولايغركم كلام الدكاتره الي ضيعونا .

لان ترا التهاب المعده يجي بسهوله لاتحسبون صعب تلتهب المعده

تاكل اكل متسمم بعض التسمم نتخلص منه لاكن البعض فيه جرثومه وتجلس بالمعده

وتقعد تاكل بالمعده الين ماتلتهب ومع السنوات توصل لقرحه وهكذا.

كل الجسم فيه اعصاب متصله بالمخ

اجل كيف جسمنا يشتغل لو مافي اعصاب !؟

اسمع اخوي

لاشوفك تعقب على ردودي او تشارك في مواضيعي ،
انت شخص مقتنع بالحبوب النفسيه وشايف ان المعده ماتسبب كذا وكلها خرابيط وكذب
وثاني شي ماشاء الله عليك المفروض يشغلونك بالصحه النفسيه اشوفك تمشي وتشخص الناس
خاف ربك الامور مو بهذه السهوله

بعدين انا عرضت عليك بان تكون الفحوصات على حسابي بس تسويها وانت متجاهل الامر .
خلاص اجل خلك بحالك وصدقني لو عندك التهاب بالمعده لو تستمر 100 سنه على الحبوب مارح تفيدك
ولو تقولي فيه تحسن بالحبوب وانت عندك التهاب اكيد بتشعر بتحسن بس وقف الحبوب شوف وش تبي تشعر فيه
مع السنين والايام ماراح تشعر بتحسن وتصير مفعولها ما ياثر فيك

لا أعرف هذا الدواء

هل أنت مواظبة على مراجعة الطبيب؟
وهل تقابلي أخصائي (معالج) نفسي بشكل مستمر؟

الأفضل أنك ترجعي لطبيبك النفسي وتخبريه بعدم استفادتك من العلاج حتى يغير العلاج
وضروري تحاولي تغيري من حياتك مثلا تعملي رياضة تتعلمي تمارين التأمل أو الاسترخاء .... وضروري تقابلي أخصائي نفسي

كرري مائة مرة كل يوم
(لا إله إلا أنت سبحانك إني كنت من الظالمين)

???????????

اختي ارقي نفسك العين حق خصوصا انك قلتي قبل كنتي تاخذين امتياز وهالشي صار مع اخت زوجي من اول ابتدائي وهي متفوقه لكن في السنه الاخيره من الثانوي تعبت كثير صحيح مستواها مانزل كثير بس صارت اذا جاء وقت الامتحانات تتعب ضيقه وبكاء وارق وسرحان مع انها قبل ماكانت تخاف او تتوتر من الامتحانات الحين هي في الجامعه وتحسنت كثير لما التزمت وصارت تختم القرآن ورجع مستواها مثل اول
يعني ماتدرين ممكن تكون عين توكلي على الله وارقي نفسك
ومع اني ماحب انصح احد بالعلاج النفسي لكن انتي ادرى بحالتك اذا كان باستطاعتك ترقين نفسك كان بها واذا ماتقدرين من شده الاكتئاب روحي طبيب نفسي يعطيك علاج يريحك عشان تقدرين ترقين نفسك وتذاكرين
والله يوفقك ويسعدك

حاولي قبل كل شي بالرقيه اذا ما تحسنتي راجعي طبيبك يعطيك ادويه اكتئاب طبعا تستخدمينها مع الرقيه
علاجك اللي تاخذينه مو علاج اساسي , اطلبي من الدكتور علاج اكتئاب