علاج الامراض النفسيه .
 

الطب البديل حلو بس ينفس الوقت ما انصح باستخدامة يمكن يضر والأعشاب هذي ماتعرف مصدرها من وين جاية

يعني انا ماقدر استخدمه؟

ياخوي الاعشاب المفيدة للامراض النفسية مشهورة والدكتور جابر القحطاني ما قصر اعلن كل شي يخص الاعشاب واليوتيوب مليان اعشاب

اجل كيس فصفص ب 300 ريال وين احنا عايشين هذا استغلال علني

الشيخ سلامه كان انسان بسيط ومايطلب اي فلوس وكانوا الناس هم يعطونه باللي تجود به انفسهم لكن الظاهر الوضع تغير الان

بس والله لو الكيس ب1000وهو مجرب وجاب نتيجه مع ناس كثير شريته وانا مقفله عيوني ومو خساره

ليش يا ام سما دام العلاج متوفر على النت وببلاش ادخلي قوقل ابحثي عن علاج الاكتئاب بالاعشاب للدكتور جابر وهو يعطيك العلاج مجانا ما يبغى الا الدعاء الطيب

اخوي كامري اعرف انه يحب الخير للناس لكن استغلال الناس باسم الطب البديل صارف مكشوف بعد الدكتور جابر ورضا العواد وعبدالباسط السيد كلهم يشرحون العلاج بالمجان وفيه غيرهم وكتب الطب البديل منتشرة

اعرف سلامة مشهور لكن ب 300 ريال استغلال كبير وغير طبيعي اذا عرفتي ان قيمة الاعشاب اصلا رخيصة

الاعشاب ضررهآ اكثر من نفعهآآ .

كيس اعشاب كبر كيس الفصفص ب300 ريال!!
اقسم بالله اللي يشتري هذا العلاج انه ماهو بصاحي وبعدين وش الاعشاب هذي اللي ب300 ريال هذي مستوردة من كوكب ثاني والا ايش القصة؟!
ياخوي ترى انا قاري كل كتب طب الاعشاب لابن سينا وابن البيطار والرازي ومستحيل يكون فيه اعشاب بمثل هذي الكمية تكفيك لعلاج الامراض النفسية الا اذا كانت اعشاب محظورة مثل الخشخاش ذيك الساع من جد لو استخدها يمكن اطير من غير جنحان

بالعكس الاعشاب نفعها اكثر من ضررها ولكن الطب الحديث يبحث عن الماديات اكثر وايضا الطب الحديث اهمل جانب الاعشاب بشكل كبير في الفترة الاخيرة رغم ان هناك ادوية عشبية اثبتت فاعليه عاليه جدا في علاج بعض الامراض او الاعراض فالمورفين على سبيل المثال يعتبر اقوى دواء مسكن على الاطلاق ويتفوق على كل المسكنات الكيميائية المصنعة بكل جدارة وهو يستخرج من نبات الخشخاش وحاليا بعض شركات الطب بدأت تنتج الكثير من الادوية العشبية وتبتعد عن الادوية المصنعة كيميائيا

يا اخوان اقصد قد كيس الفصفص بس مطحونه
يعني زي الشاي الي باللبتون صراحه كثيره ماهي بقليله
وانا سالت واحد قلت ليه ب 300 قال فيه اعشاب ماهي بالسعوديه عاد الله واعلم اذ صادق او لا
والرجال والله ما طلب 300 الا عارف مفعولها وتعبان عليها ،..

واتمنى صراحه احد يجربها ويعطينا النتائج يمكن نخلي كل الي بالمنتدى يستخدمونها

ويا ام سما عادي روحي اشتريها تريحك شوي بما انو عندك اللتهاب

انا بالنسبة لي مستعد اجربها ولا عندي مشكلة حتى لو انها ب3000 ريال ماهو 300 ولكن بشرط اني اعرف وش مكونات هذي الاعشاب الموجودة في الكيس اما اني استخدمها بدون ما اعرف وش هي مكوناتها هذا مستحيل وماني مستعد اخاطر بصحتي مقابل علاجات غير معروف مصدرها..
وترى ياما صادرات وزارة الصحة من خلطات عند العطارين ومنها مقويات جنسية اكتشفوا ان بعضهم يطحنون حبوب فياقرا ويحطونها في الخلطة مع العسل والمكسرات والناس طايحين فيها مصدقين انها عسل ومكسرات ومكونات طبيعية!!
وهذا يمكن نفس الشي وانا وش يضمنلي يمكن شاريله شد حبوب ابو قوسين وطاحنها في كيس الفصفص وخالط عليها شوية اعشاب ويقول علاج للنفسية!!
الواحد ترى هذي الايام ماعاد يضمن شي واحنا في زمن كثر فيه الخداع والتدليس وماعاد تعرف صديقك من عدوك

إنتبهوا تستخدمون شيء ما تعرفون مكوناته وحتى لو قالوا لكم المكونات لازم يفحص الدواء في مختبر للتأكد، فيه ناس أصابها فشل كلوي بسبب الأعشاب المغشوشة