[شاركونا] الاعراض والتفكار الغريبه للوسواس
 

مسساء الخير ،..
كيف حالكم اخباركم كيف الوسواس عندكم ؟!

انا عن نفسي حطيت قدامي هدف والحمدالله قاعده اجتازه شوي شوي
شيء الي يرجعني له الافكار الغريبه والاعراض الي فجئه تجي بدون سابق اندار

يعني قريب المغرب اووووف ابتدي ويزيد عليي بقوه افكار غريبه عجيبه
وغير الصوت الي داخلي الي موجاي يروح بس احقره واطنشه

مثلا الافكار الغريبه الي تجي ...

تخيل الامراض وكل شوي عرض وانا علطول اروح ل عمو قوقل اقرى واتخيل الاعراض
مثلا فجئه صوت الي داخلي يقولي كلمه يفزعني ويخليني انقز واصيح واخاف
مثلا فجئه احس راسي ثقيل ورقبتي تالمتي وصدري وابتدي اهلوس
مثلا لو اقول كلمه اقول ليش قلت الحين اكيد كذا ليش صادفت فلانه اكيد كذا
مثلا لو احد يمدحني لو يقط كلمه اجلس اهلوس وافصل الكلمه واقعد احط افكار
مثلا لو بنت اختي سرحت في وجهي ههههه اخااااف اقول اكيد حاسه

وافكار واعراض غريبه والله الي يريحني اذا اشوف اعراضكم واقارنها فيني
ارتاح اقول الحمدالله مو بس اناا ههههه


مثلا اليوم قلت لزوجي خذ اوف ونطلع نفير جو فجئه قلب جوي قلق ليش كذا وليش قلت له خذ اوف افكار غريبه والله
لو مثلا مناسبه قريبه لي اجلس اوسوس والله


انتو شاركونا طمنونا وكل شخص يطمنا حق الجميع يرتاح


ونتشارك والي عنده علاج سلوكي لا يقصر

هلا حبيبتي ..
تقريباً انا مثلج بداية المغرب خلاص يتغيّر حالي ..
خوف و ترقب و أفكار و أعراض
و أحياناً بس أفكار بدون أعراض
و أحياناً أفكار مع أعراض بس بدون خوف و هذا الشي اللي ماحبه
اقول شفيني اليوم لا خايفه ولا مهتمه معقوله مب هامني شيء ؟

بس الحمدلله على كل حال .. أنا أحسن عن الأيام اللي فاتت كان يومي كله بكاء و صراخ
الحمدلله بديت اضحك و اسولف ولو ان داخلي قلق بس ما أبيّن ..

الله يعجل بشفائنا ياربّ ..

مثلي والله
مرات ما اعرف لنفسي
مرات اقدر احقر الافكار وما استجيب لها
ومرات مدري شفيني ضايق صدري وخايفه ومتوتره
واستجيب للخوف والتوتر واجلس افكر ليه حسيت كذا
ليه مو مركزه ليه ما استوعب ليه اليوم هاديه
وكل مره على نفس الموال
مشكلتي انو لما اتوتر واخاف انسسسى كل التقنيات
وكل الخطوات والكلام اللي يقوله معالجي
واحس اني بظل بهالاحاسيس ومارح ألقى حل
معالجي طبعا يعصب مني وكأنه ما سوا شي :)

انا بعد المغرب تزيد الاعراض الصراحه شي يخوف احس عقلي بيطير شي مرعب احيانا احس الدنيا معتمه وتجي افكار تضغط على راسي واحيانا احس مخي فاضي
اطالع اطفالي احس استغربهم واحس بفقد عقلي واجلس ادعي بصوت عالي وابكي والغريب هالشي يضغط لثواني ويخف ويرجع يضغط من جديد وعجزت اعرف وش يكون هل هو وسواس ولا شي ثاني
وبعد عندي خوف فضيع من ان يصيبني فصام كنت قبل صح احس اني مو طبيعيه لكن كانت افكاري مرتبه وماعندي خوف من فتره تعبت والى اليوم مو قادره ارجع احس خلاص بيصير بعقلي شي الله المستعان

انا غير عنكم احس بخوف طول الوقت اترقب نبضات قلبي اخاف تجيني نوبه طول الوقت احس بكتمه ماني مرتاح اليوم جالس مع اصحابي جسمي معاهم وعقلي كلو ف نفسي متوتر 24 ساعه اقعد افكر ايش حسوي فحياتي اخوياي كلهم متوظفين الى انا خايف حتى اروح اقدم فيني احساس يقولي حتموت ولا بيصرلك شي تعبت والله مررره خايف من كل شي احياننا احس اني مني رجال من الخوف الي انا فيه وجلس ابكي ياريت تعطوني حل ولا في احد زي يقولي انا ايش فيني

روحي طبيب نفسي
اجلس بالشمس ربع ساعة كل يوم
.كثر شرب الماء والتنفس العميق
اسمع قرآن.
استمتع بوقتك.

تبلد أحاسيس
فعلا احيانا تجي كتمة طول اليوم انا الي احسه اليومين دي مثل الشد الضاغط على الصدر معاه كتمة، تحاول تتجاهليها برضو تحسها فيك لدرجة الشك أمس قلت لازم اروح للدكتورة وكشفت قالت المعدة مؤثرة عليك و قلق وتوتر وخوف زود ولا هو مافي شي خطير ابدا وانت تجاهلي الكتمة دي لأنها نفسية، طمنتنني الحمدلله
أحيانا يكون في تفكير بلا خوف أو أعراض للوسواس وأحيانا يجي عرض واحد أو عرضين أحيانا هلع كامل
الله يرفع عننا جميعا، والأمل بالله كبير ان شالله

هاذا ردي كتبته في موضوع اخر يمكن يفيدكم

شفيت من الوسواس بنسبة 80%

حسب تجربتي مريت بفتره خلاص مصار شي يهمني بالحياه لو تعطيني سم اكله

كنت ابحث بجوجل طوال الوقت طرق الانتحار والقتل الرحيم

وبسببها راح مني اغلب اعراض الوسواس والشكوك والخوف من الامراض والموت

باقي الاعراض السلوكيه مثل كثرة التحقق من الشي وترجع ثاني وتتحقق منو

خفت بشكل كبير ولكن مازلت اهتم لها في الاشياء الضروريه مثل الغاز
والباب اتحقق منو مرتين فقط في نفس الوقت اروح وارجع ثاني

اغلب اعراض الوسواس تروح ادا واجهتها

بس المشكله الاعراض السلوكيه تحتاج جهد ومثابره خصوصا سلوك اللمس المتكرر

لايطاااااااااااااق

وهادا ردي الان

المغزى من تجربتي هيا مواجهة الخوف ) اغلب المرضى الي معاهم وسوس القهري

غالبا يكون خايف على حياته و 24 ساعه عقله مشغول بنظافته وخوفه من الامراض والموت ويشك بكل شي

طبعا مع وجود حركات سلوكيه مثل التحقق من الشي اكثر من مره ولمس الغرض عددة مرات

الي يعاني من الاعرراض الي كتبتها معاه وسواس قهري

نورتي حبيبتي نفسج والله
طول اليوم تمام ومطنشه الوسواس
ومن تجي ساعه 5 قريب المغرب و الأذان تعالي شوفي انواع الوسواس والله
يتعبني واخاف واحاتي بس صرت اطنش بس من الأفكار الغريبه
انا حامل اجلس اوسوس لي الحين حملت واحط اشيا غريبه واخاف
بس شقول الله المعين اسوف خواتي وبنات خالتي حوامل اقول ليش مايقول جديه نفسي
هم مرتاحين وانا ماضايقه واخاف واحاتي

الله يشافينا ويعافينا يارب

نورتي حبيبتي الحل انج تحقري وطنشي حاولي تشغلي نفسج
بس صج اما طنشي يجي فجئه هني الواحد يقلق ويتعب
الله يعين حاولي وتعالجي وحطي هدف وان شاءالله انتي وانا والجميع نتخلص منه

صح كلامك جد وقت المغرب انواع الرعب
انا نفسج صرت بس افكار وخوف وقلق وكل متضايقه ومالي خلق
لان شي تبرمج في عقولنا صرنا خلاص يعني متعودين

حاولي انج تتخطي هالمرحله وان شاءالله تنتصري عليه
هو يبي له قوة قلب ومصارحه مع نفسج ولا تنسي الاذكار والقران والمعوذات علاج فعال


الله يشفينا ويشفيك يارب

اخوي استهدي بالله اول شي حاول تفكر بعقلانيه
حط هدف قدامك فكر كيف تخلص نفسك من هشي
صدقني لما تحط في بالك فكره ايجابيه الشي بيتحول ايجابي وتمام
والعكس قول انا مرتاح انا قوي انا اقدر انا ايجابي

لا تفكر في الي فيك حاول تشغل نفسك في اي شي

لا تنسى القران و الاذكار والمعوذات

ان شاءالله وهذا الي جالسه اعمله
يعطيك العافيه

الحمدالله الله يمن علينا بصحه والعافيه
وان شاءالله كلنا نتخلص منه ونرتاح ونعيش حياتنا بخير وسلام

شكرا جزيلا لك وان شاءالله تجربه تعم بالفائده ع الجميع
والله يعطينا جميعا الصحه والعافيه