فوبيا الطياره وخايف اركبها
 

انا عندي رحلة طيران وخايف اسافر وتجيني نوبة هلع

وانفضح بين المسافرين

احد يعاني من فوبيا الطيران وقدر يسافر

وايش سوى بالله ساعدوني

اذا اول مره تسافر فهو شي طبيعي التخوف من ركوب الطائره والاقلاع لكن اذا سافرت قبل هالمره ولكن صرت تعاني الان من الهلع واعراضه لك نصيحتي التاليه انا سبق ركبت الطائره مع انو اعاني من هلع شديد جتني النوبه فى الطائره عند اقلاعها لكن سيطرت على الافكار وحاولت اشغل نفسي صرت افكر لو اختنق وافقد الاكسجين واتذكر ان فى الطائره وسائل سلامه واسعافات وحتى الاكسجين موجود وتتلاشى هالفكره من راسي وبعدها قمت اشغل نفسي بالقرائه ولا احاول اخذ لي غفوه وفعلا تلاشت فكرة الخوف فى داخلي ومشاهده الناس من حولي شلون تضحك وتسولف وكلن منشغل فى حاله حاول انك تاخذ معك مهديات اذا كانت السفره طويله اكثر من ساعه ولا تاكلها مجرد تكون معك تحس بامان واذا كان معك احد مسافر شي طيب وحلو اذا جاك الخوف تمالك نفسك وامسك يدينه راح تحس بالراحه والامان وحط فى بالك فكره لاني وضعتها فى راسي لو يبي يصير لي اي شي صار للي معي كلهم فى الطياره وهم فوق الخمسين شخص وحاول انك تواجه نفسك وتقول لو بموت الموت جايني فوق ولا تحت سواء بالارض ولا بالسماء مامنه مناص انا فكرة الموت متخلص منها لكن هو اكثر مايورقني اعراض الهلع فقط وادري انها ماراح تستمر كلها ربع ساعه بالكثير وتنتهي عش حياتك دامك فى اول الطريق وحاول بقدر الاستطاع التغلب عليها مهما كلفك الثمن واذا حسيت حالتك اشتدت غمض اعيونك ونام وفكر باشياء حلوه اشياء صارت لك واشياء حتى لو ماصارت اختلقها فى راسك وفكر فيها واستمتع وبعدين لا يهمونك الناس لو حسيت عزك الله بتطرش طرش لايهمك احد لان مايشيل همك الا انت واذا حسيت بتروح الحمام روح على طول ونصيحتي اشرب عصير ليمون لاني سويتها وارتحت هدتني لين نزلت من الطياره

جزاك الله خير

بحاول اطبق اللي قلته لي

أي شيء تخاف من اعمله دون تردد وسوف ترى الفرق