هل صحيح هذا الكلام
 

سمعت من الشباب بالمنتدى انه الي عنده مشاكل بالجهاز الهضمي تصير عنده مشاكل نفسيه اكتئاب وهلع





هل صحيح الكلام هذا؟

والله يقولون لكن الله اعلم

شكرا لك



ننتظر ردود الاعضاء

العكس صحيح ... الاكتئاب ممكن يسبب اضطرابات في الجهاز الهضمي

ولا تشتت نفسك
خلك في مرضك، ولا تقرأ في الأمراض والمشاكل الثانية

احس ان مشاكل المعده تسبب نفسيه لكن مو النفسيه اللي نحس فيها
يعني مثلا لما يلتهب القولون ولا المعده ممكن تتوتر تصير عصبي توسوس تضيق لكن مو على طول نفس مايصير معنا سنوات وحنا نعاني وبدون مشاكل بالمعده
وانا اتوقع المرض النفسي سبب لي مشاكل بالمعده ومو العكس

اخوي ركز على مشكلة وحلها وبعدها انتقل للمشكلة الى بعدها اما تحل كل المشاكل بسرعة ما اتوقع تنحل

المعدة اساسا كل شي وانا لم تتعب المعدة تصير الدنيا سوداء

كلامه صح ولكن العضو كامري الله يهديه مشكلته ثانيه ويفكر ان الجميع زيه لذلك قلت لطبيبي هالكلام وأكد لي ان النفسيه هي اللي تتعب المعدة والقولون

اجل خلك على طبيبك ،، وخلك معاه 5 سنين اذا عندك التهاب
بعدين تعال دور كامري ،،

منبع الامراض النفسيه هو التهاب القالون
اذا التهب القالون تجيك الامراض النفسيه
وروح اسال افحل دكتور قول له هل التهاب القالون تسبب امراض نفسيه
اصلا الي عنده قالون ولخبط بالاكل يجيه اكتئاب وهو ماعنده التهاب
مابالك لو فيه التهاب !!
دكتورك بعدين يحسب انك جاتك نفسيه وسببت لك التهاب
طيب ليه مافكر وقال جاه التهاب وجاته نفسيه

باختصار والله اغلب الي هنا ضايعين ودكاترتهم مضيعينهم

طيب صورة الدم طبيعية مافيني شي

مارسلت لي الصور ؟!!

طيب انا لي يومين وانا وراك من موضوع لموضوع ... ليش ما تجاوب بصراحة على أسئلتي وتريحنا ... حتى موضوع أم سما سألتك ولا عطيتها لا حق ولا باطل .. تقول بنزل موضوع بعد اسبوع أو اسبوعين .. طيب وش المانع انك ما تجاوب دامك لقيت العلاج وواثق منه وتشافيت وتشرح لنا ..

أسئلتي بسيطة

هل كانت عندك مشاكل نفسية وتشافيت منها لما عالجت المعدة ؟
وش الأعراض اللي كانت معك .. و ايش العلاج اللي استخدمت ؟
وهل الآن أنت مشافى تماما واختفى كل شيء ؟


كل الأسئلة الموجودة هذي ما تحتاج إجابتها أكثر من دقيقتين ... فما أدري ايش المانع اللي ما يخليك تجاوب ؟؟


جاوب وخل الناس تستفيد وتتشافى بإذن رب العالمين

اخوي طول بالك ،،

انا بنزل موضوع وراح يكون مثبت بالمنتدى والموضوع لازم يكون منسق ومنظم وفيه ادله وابحاث
وانا جالس اشتغل على الشي ذا ،، الموضوع ماراح يطول ان شاء الله .. بس اصبرو انتم

وابديك عربون الحين

الي جاني ، نوبات هلع + اكتئاب + جميع انواع الوسواس ..

وتم علاجها ،، طبعا بدون ادويه نفسيه عالجت المعده والقالون وراحت تلقائي

خذ راحتك بالموضوع المنسق وان شاء الله يقعد شهر


السؤال هو كالتالي ... اش الاعراض اللي كانت عندك 1 2 3 ...


السؤال الثاني : هل تشافيت تماما الآن ؟؟


السؤال الثالث والأخير : عالجت المعده ؟ وبكم يوم ؟ ونوع العلاج حبوب اعشاب او ايش ؟


كلها تحتاج اجابات مختصرة ولا تبي صناعة صاروخ ... وخذا راحتك بعدها بكتابة الموضوع

طيب اللي ذبحني انا اختلال الانيه هل مر عليك هالشي الغريب؟