بختنق :'(
 

السلام عليكم و رحمة الله و بركاته

متضايقه وايد والله :(
احس مب قادره اتكلم من الضيق اللي فيني
ماعرف شو فيني غير اني احس بالموت :(

و غير الاعراض يالله :(
والله اني احس اني يالسه على نار من شدة الحراره
اتعذب مادري كيف اخليها تخف :(

ممكن تكون الحراره من سوء التغذيه ؟

غير الافكار و الأحاسيس اللي تخوووف
والله اليوم الفجر حسيت باحساس اني خلاص بنتهي
و قسماً بالله اصيح من الخوف و الافكار :(

اللي يقهر ان يكون وهم بس ماصدق و اقول اللي كان قبل وهم الحين لا.

احيان تحسي بحراره ولها اسباب
من ضمنها سوء التغذيه والقلق والتوتر
وانا متاكده لو قستي درجة حرارتك بتلاقيها طبيعيه
القلق والتوتر له دور في التغييرات الجسميه
زي ارتفاع في درجة الحراره وغيرها
لاتقلقين ابد ادري الاعراض متعبه بس الحمدلله ماراح تآثر علينا
مجرد شعور مخيف ويختفي ...
اهم شي لاتسترسلي مع فكرة الموت لان هالاحساس اوهام عقلك ربط هالفكره وانتي غذيتيها وقت استرسلتي معها
وقفي الفكره اللي بعقلك وبترتاحين الله يقويك ع هالوساوس
ويشفيك يااااااااأااااااااارب .

حبيبتي الله يسعدج ، تسلمين على الرد
هيه والله جربت اشوف الحراره كانت طبيعيه
بس متعبتني وايد خصوصاً وقت النوم ،
ماقدر انام ،
الجو بارد بس انا من كثر الحراره ما أتلحف :(

الله يشفينآ..

اشربي مويه كثيييييييييييير عشان تخف

السلام عليكم


اختي الإنسان حتى لو يتعب لابد يتغذى كويس ... لابد يدلع نفسه بالأكل اللي يحب والمشروبات والعصائر اللي يحب


أما إذا ما ياكل كويس فالتعب راح يزيد معه ... لذلك من أهم الأشياء بإن الانسان يعدل نفسيته هو انه يكون قوي بدنيا وثانيا إنه يبسط نفسه بشرب وأكل الأشياء اللي يحبها


شوفي هواياتك واشغلي نفسك ... دوري أشياء ذهنية تشغلك حتى لو ألعاب ... إنك تقعدين تفكرين طول الوقت ولا تاكلين كويس بتتعبين وتبدأ أعراض تحسين فيها مع انه مالها أي وجود


الله يجمع لك بين الأجر والعافية ... ولا تنسين الزهورات والنعناع والبابونج والأشياء اللي مثل كذا تساعد على الاسترخاء وتبعد التوتر

قلق ولا في غيره
القلق يخليك تحس كنك جالس ع نار
القلق يسوي البلاوي اذا تعدى حده الطبيعي

ليش بكِ شيء أختي الكريمة لا تخافي مجرد إحاسيس وهمية يضخمها الوسواس

الحراره جايه من تدفق الادرينالين في الجسم
هو يتفاعل مع الجسم
عشان كذا تحسين بحراره و بروده
وهذا يدل ان جسمك طبيعي
ماله داعي التخوف
هدي نفسك واسترخي

ربي يشافينا و يعافينا يا حبيبتي اللهم امين اللهم امين اللهم امين

توتر والخوف و القلق تزيد الحراره
حاولي تهدي وطنشي وعلى طول اقري المعوذات
وماعليج شر حبيبتي