بقولكم شيء ..
 

السلام عليكم و رحمة الله و بركاته

ابا اقولكم عن أشـياء ،

أول شي : اليوم زارتنا البيت خالتي و هي بتقعد عندنا لمدة ١٥ يوم تقريباً ،
المهم انا أحس بخوف من الزياره هذه ، و ضيق ، والله من كثر الضيق ودي أطلع من بيتنا
خايفه من الزياره و خايفه يصير شـيء :(

ثاني شي : من يومين قبل لا أنام يصير فيني شي .. أحس أول شي بنفضه عقب أحس كأنه نفسي ينقطع .. يعني أبا انام خلاص أحس بهالإحساس .. مب جاثوم لا بس إحساس ان نفسي ينقطع

ثالث شي : كل شوي أحس بضـــــيقه شديده والله و أحس خلاص بموت :(
و بعد أحس جسمي مشدود و حتى راسـي و كأنه على وشك ان في شي بيصير فيه مادري كيف أوصف لكم

رابع شي : أحس مافيني توازن أبد يعني أكون يالسه أحس الارض تسحبني ؟
حتى اذا انسدحت يجيني هالإحساس ،

متضـــايقه والله ، أحس البيت خانقني

أنا ادري ان هذا بسبب الفراغ لان انا ماعندي شي اسويه لأني تركت الجامعه
بس والله متضايقه وايد و خايفه

مادري كيف اهدأ و اقنع نفسي انه وهم

تعبت cry

نفس ما قلتي هذا وهم لانج فاضية ماعندج شي تسوينة + انتي وايد متشائمة واتوقعين الاسوء وان شا الله مايصير شي
وترا اللي تحسين في يمر علينا كلنا عادي يعني فترة واتعدي انتي اقنعي نفسج بهالشي + اشتغلي لا تقعدين فاضية اشغلي وقتج باشيا كثيرة وراح ان شا الله تنسين وآلله يشافيج وبس

مشكوره عزيزتي ، الله يشفينا

كل هالاعراض الي حسيتها انا حسيت بيها بس الحين خفت احيان تختفي واحيان تاتي على خفيف
وبأذن الله أنا مستمرة لين تختفي تماما
نصييحة لا تيلسن فاضية اشغلي نفسجججججج طلعي روحي مع الاهل
والدعااااااااء والاستغفار وصلة للرحم وبر الوالدين والصدقة
والله يشفينا اجمعيين يارب

ليس الفراغ فقط

بل بسبب الزياره ايضا لامك شخصيه قلقيه جدا

الشخص القلق يحس بهالامور كلها ،،، مثلا انا لما كانو خوالي وخالاتي يجون البيت اروح اسوي نفسي نايم بالغرفه المهم ما اشوفهم لاني كنت اخاف تجيني نوبة هلع امامهم


عادي هالامور كلها

نفس حالتي بعد مو بس زياره احس اننا نقلق من كل شئ يعني مثلا انا الحين في مناسبتين و نفس شئ خايفه يصير شئ و استغفر الله ب اي شئ يصير كله نفكر ب سلبيه لاسف !!
سالفه قبل النوم أتوقع من جهد و كثره قلق وتعب زايد يعني قله النوم وإرهاق
وحاولي تشغلين نفسج و لو ترجعين للجامعة زين حاولي تضغطين نفسج ادري انه صعب ومعدلج ينزل بس حاولي ولا توقفين دراستج ع اقل شئ يشغلج شوي ..

كلنا والله نفس الشي
نخاف من الزيارات
بدال ما نفرح وننبسط
وغلط منك تركتي الجامعه
كل اخصائيين علم النفس وعلم الاجتماع يقولون مارسوا حياتكم عااااادي
الاختلاط بالناس والسوالف تخفف من القلق والخوف شوي
وإن كان يوجد خوف وقت الاختلاط

والله اني ندمانه لاني تركتها بس خيره ان شاء الله
اسال الله العظيم ان يشفينا ياربّ ..
شاكره مرورج

الخوف من الزيارة بسبب الوسواس التي تقول لك بأن بهذة الزيارة سوف تموتين ( والوسواس يأكد هذا الأمر بهذة الزيارة )

وانتِ ما شاء الله عليك ما قصرتي بالأفكار والمخاوف