عصبيتي و الوسواس
 

السلام عليكم

انا تعبانه مع الوسواس ، عصبيتي زايده ، عندي أطفال ولا قادره اتصرف
أطفالي متأثرين بنفسيتي و عنادهم و تصرفاتهم تزيدني
أحاول أطول بالي بس انهار ، دلوني كيف اتصرف

ادعولي ربي يفرج همي و همومكم يا رب

يارب إني ظلمت نفسي ظلما كثيرا و لا يغفر الذنوب الا انت
يا رب يا ذَا الجلال و الإكرام رحمتك أرجو فاغفر لي و فرج لي همي و أرزقني سعادتين الدنيا و الآخره
يا رب يسر و لا تعسر

يا رب ضاقت علي الدنيا ، فما لي سواك ، افتح علي أبواب رحمتك و عفوك

القلق يجعل الانسان بوضع ترقب دائما وشي طبيعي يصبح عصبي جدا لاي شئ يشتت انتباهه عن الترقب

موضوعك طبيعي جدا للشخص القلق

الحل هو السيطره على القلق وبها تقدرين تسيطرين على العصبيه الزايده

اختي اول باشتان عالجي الوسواس ثاني شي بعد علاج الوسواس لازم تروحي معالج سلوكي عشان تتخلص من العصبية اللي مع ابنائك

قبل لا تعصبين امسكي نفسج وهدي نفسج وتخلصي من وسواس الي شاغلج شوي ع اقل بعدها صلي ع النبي وخذي نفس عميق وحاولي تسترخين عضلاتج وأفكارج عسب تقدرين تبتعدين من عصبية والله بتحسين براحه لج ولعيالج بعد والله يحفظهم لج ويحفظج لهم ..

اللهم صلي و سلم على سيد الخلق

يزاج الله خير ، انا طول الوقت وأنا أكرر لا حول و لا قوة الا بالله و استغفر اذا عصبت ، بس ما اعرف اتصرف اذا عاندوني
أحطهم في مكان العقاب بس يرفضون و يتصرفون تصرفات تنرفزني ، اخليهم و انا منهاره و دموعي في عيوني و يصيبني ضيق

الحمدلله اللهم اللهمنا صبر أيوب

والله تآثرت بكلامك هم كذا الاطفال هدي نفسك
الله يصلحهم فيهم شقاوهه وعنادهم ينرفز ..
حاسه فيك خاصه انك مضغوطه من تعبك النفسي ومسؤوليه البيت والزوج والأطفال الله يحفظهم لكك ويعينك
بس صعب إقناع الطفل العنيد ب اي امر بيحسها اوامر و يزيد يعاند لاكن انتي خيريهم بين امرين وخليهم يختارو وبكذا يحس انه هو صاحب القرار ويقتنع
لان م يحبو احد يفرض رايهم عليهم
حتى الصراخ م ينفع معهم بيعاندون
كمان لاتهدديهم ابد مثلا لو قلتي لهم اللي يسوي كذا ب اضربه ومن هالكلام بيستمر بعناده لاتتعاملي معهم بهالاسلوب
لو كركب العابه ع الارض لاتصرخي عليه لانه بيزيد يكركب وبيعاند وراح يفرغ عناده اكثر من قبل
تعاملي معهم ب اسلوب تحدي وتشجيع
مثلا اذا رتبتو العابكم بكآفئكم
واذا تبيهم يجلسو مؤدبين برضو قولي لهم اللي يجلس مؤدب ب اعطيه كذا وكذآ والبطل اللي يرتب العابه
هذي الطريقه اللي تنفع مع الطفل العنيد
وامدحيهم واحضنيهم لاتصارخي عليهم ابد
لان هالاسلوب م ينفع ابد مع الاطفآل
الله يفرج همك ويبعد عنك كل ضيق ..

صح كلام فروحة .. استهدي بالله اختي الحبيبة نعاني من الضغط النفسي بسبب الوسواس اللي اسأل الله الشافي ان يشفيني و يشفيكم شفاءا لا يغادره سقم اللهم امين .. لكن كثر ما تقدرين سيطري على اعصابك معاهم اكثري من الاستغفار و الصلاة على النبي حاولي تشجعينهم بالمكافآت او عمل لوحة تشجيعية لكل واحد تساعد على تعديل سلوكهم .. اشغلي وقتهم بالتلوين او بالعاب التفكير و الذكاء او القصص .. حاسة باحساسك يا حبيبتي و ربي يعينا